بنات الكلية الاسترالية ؟؟ بليز تفضلو

السلام عليكم ..شلونكم بنات عساكم بخير
ابي استفسر منكم بجم شغله بخصوص الكليه
1_شلون الدراسة عندكم؟
2_اذا كنتو سامعين عن المنح الداخليه ابيكم تفيدوني اكثر شلون طريقه الدراسه وصج اذا رسب الطالب اكثر من مره يدفع مبلغ المنحه كلها ؟؟

ناطرتكم

حياتي ترى شهادتهم دبلوم

اي حبووبه عارفه هشي

نصيحه مدامج دافعه ادفعي على جامعه احسن

ع الاقل شهاده بكالريوس

بالتوفيق

هلا و الله حبيبتي انا ادرس هناك هندسة مدنية الدراسة حلوة و سهلة حق كل امتحان عندج 3 فرص يعني لو فرضنا ان عندج امتحان باجر رحتي الامتحان و حليتي عدل ( اعوذ بالله اسم الله عليج ) هههههههه اوكي لج حق في فرصة ثانية و نفس الشي لو ما حليتي لج فرصة ثالثة و هذه الاخيرة و اذا اعوذ بالله خربتيها بالمرة ساعات مو عالطول يسوون نظام التلحيق اللي هو تدفعين 150 دينار و يحق لج 3 فرص ثانيين بس لازم تعرفين انج اذا خسرتي اول فرصة لج بالامتحان هذا معناته انج خسرتي معاها الامتياز و بعدين الحضور يركزون عليه واااايد و بالنسبة للمنحة الداخلية انا سمعت عنها بس ماني متاكدة بالنسبة لموضوع انج تدفعين الفلوس بس بشكل عام الدراسة هناك حلوة و المدرسين حيل حبوبين ( بعد تدرين استراليين مو 00000) اوكي بس هم تصير ان يطلع لج واحد نحيس بس عاما كلهم حبوبين و يحترمون الطلبة واااايد لدرجة اذا مريتي يم واحد منهم هم يسلم عليج و انتي تسلمين عليه

و اذا تبين دقي عليهم 5376111

ضغطي صفر كلمي البدالة هو يحولج
او دشي علة موقعهم
www.ackonline.com
بس ترى مو مثل ما قالت الاخت انها دبلوم هي كانت دبلوم صح بس الحين صارت بكالريوس و بالنسبة للهندسة شهر 9 راح تصير بكالريوس لقسم الميكانيكا و شهر 1 حق باجي التخصصات و ادارة الاعمال سووها بكالريوس من زمان

ياحياتي شاكره ردج ..

بنات ادعولي يقبلوني ..

هاى بنوتااااات شلونكم ؟؟؟ شخباركم؟؟؟؟؟
اتمنى الكل يكون بخير…….
بغيت اسالكم جم سؤال عن الكلية الاستراليه اللى دارسين فيها او اللى يعرفون احد دارس فيها
انا طلعت من التربيه الاساسيه لان تخصصي مكتبات وانا مو حابه هذا التخصص ولا الكلية ولا مجال التربيه كله فعشان جذي مالقيت غير الكلية الاسترالية.
وللعلم انا سجلت تخصص ادارة اعمال بغيت اسال عن نظام الدراسه وصعب ولا سهل؟؟
وياليت توقفون معاى لان هذا اول مشاركه حقي بالمنتدى(كويتيات)

حبوبه قبلج نزلت موضوع عن الكليه الاستراليه ومالقيت اجابات وايد عنها مجرد وحده امدحتها ومدحت الدكاتره وقالت انها سهله ووايد ناس اعرفهم بعد يقولون نفس الشي .

هلا حبيبتي …
انا انشالله راح اكون مستجده هناك السنه اليايه ومسجله نظام البعثات الداخليه
اول شي لاوم تروحين الكليه هناك وتعبين الابليكيشن بعدين تنطرين على مايدخلون بياناتج بالكمبيوتر وتدفعين 30 حق التسجيل
واهما راح يحددون لج موعد حق اختبار القدرات باللغه الانجليزيه وغالبا يكون الامتحان يا نفس اليوم او ثاني يوم
والامتحان فيه 3 مستويات
اذا كنتي المستوى الاول راح تدرسين 3 كورسات انجليزي (فاونديشن-تمهيدي)
اما اذا كنتي المستوى الثاني راح تدرسين سنه وحده انجليزي
واذا كنتي المستوى الثالث راح تدرسين انجليزي كورس واحد بسس
انا اختبرت وطلع المستوى الثالث
وعلى فكرة الاختبار وااااااايد سهل
والدكاتره فعلا حبوبين
وعلى هالاساس يقبلونج بالكليه
اما وزارة التعليم العالي اهيا تاخذ بعين الاعتبار نسبتج مالت الثانويه وما تعتمد على اختبار المستوى
وعقبها راح يطلبون منج جم ورقه مثل(بطاق مدنيه- 4 صور-شهادتج- صورة الجواز) ومو ذاكرة شنو بعد
بس انا اللى اعرفه ان التسجيل خلص الحين
بس روحي وسألي احسن
لان انا اتوقع راح يفتحون المجال حق طلبة المقررات اللى متخرجين فصل صيفي.
وانا انصحج تروحين تستفسرين عن اى شي تبينه احسن
واللة يوفق الجميع

ليش ما تروحون للكلية نفسها وتسالون هناك مادام مافي احد هني مسجل فيها

رحت وسجلت وقبلوني وعجبني الوضع
بس المشكله انا ماراح اعرف الدراسه هناك الا لما اجربها
او اسأل احد يدرس فيها
بنت حلوة: انتي تدرسين هناك الحين؟؟؟؟
فطومه مشكووورة على درج حبوبه

والله انا بنت عمتيي فيهااااااااا لعب يعني ماكو دراااااسه بس تدرسين اول سنتين وتاخذين شهاده دبلوم واذا كان معدلج 2 وبالسبعينات او بالثمانينات اخلونج تكملين بعد فيها وتاخذين الماجستير روحيلها احسن
شوفيها

لا حبوبه بس رحت كنت بقدم منحه داخليه وقالولي تعالي شهر 8 لان خريجه صيفي بس محتاره اروح لان يقولون الي يدرسون على حساب المنحه كلهم على حساب الواسطات

فيها بكالريوس ولابس دبلوم؟ وبجم الكورس؟

والله خوش شغله الامتحانات اللي تنعاد جان زين جامعة الكويت يطبقونها

وبالتوفيق لكم جميعا يارب