|
|
السـلاام*
شلونكم..!!
هذا اول موضوع لي
وحبيت استفسر عن كذا شغله امدرسة الطاهره بنت الحارث
منو ناظرتهاا..!!
وشنو المخالفات..!!
سمعت ان ممنوع ندخل حجاباتنا داخل القميص
وبصراحه انا كلش مو متقبلا شكلي مطلعته
وصـج ان ناظرة خولة بنت حكيم بتنتقل لطاهره..!!
والابلات والاداره زينين ولا لاا.<<اكيد بتقولون كل مدرسه فيها الزين والشين لول
تعرفون بعـد عاشر وحدي خايفه من المدرسه
وفي مره سمعت بنت اتقول ماسوو لهم حفل تخرج وذاك اليوم شفت حفل تخرجهم ع قناة الوطن باليوتيوب
وبليز بنات اي شي اتعرفونه عن المدرسه كتبو ترا ما اقول لاا
ردودكم اتهمني حبايبي
آب آب ؛ آب آب
منو ناظرتهاا..!!
وشنو المخالفات..!!
و الأساور .. ساعات يخالفون عليها و الأظافر الطويلة (( حيييل يركزووون عطول اضافرج))
سمعت ان ممنوع ندخل حجاباتنا داخل القميص
اي الوكيلة ما تحب هالحركة
وصـج ان ناظرة خولة بنت حكيم بتنتقل لطاهره..!!
والابلات والاداره زينين ولا لاا.<<اكيد بتقولون كل مدرسه فيها الزين والشين لول
الأبلات عااد انتي وحظج
الأدارة شديدة اي مشكله او هوشة ويا ابله تصيرلج راح يعطونج تعهد
ديري بالج
تعرفون بعـد عاشر وحدي خايفه من المدرسه
لا عاادي لا تتخافين اذا انتي ماشية صح محد يكلمج
اتمنى اني افدتج و ترا بنات الطاهرة حييل حبوباات
اي استفسار لا يردج إلا كيبوردج
ماقصرتي
والله يوفقج يارب
بسس سؤال اذا ممكن يعني البنات كلهم يطلعون حجاباتهم..!!
واللي بالصف ادخل حجابها عادي !!
لول ادري اسئلتي بايخه بسس كلش مو مستوعبه شلون بطلع الحجاب
ومنوره حبيبتي
لا البنات مو كلهم يطلعونه بس يخلص الطابور يردونه داخل
موفقين ان شاء الله
~> ماحبيت اطلع من الموضوع و انا مو تاركتلي اثر خخخ < برا
مزيونه q8
حياج الله
منوره حبيبتي
ويوفقج يارب
لوووووول اهم شي الاثر
الحمدالله ويارب اكون مرتاحه فيهاا
منوره حبيبتي
وبالتوفيق يارب..
آنا كنت من اول دفعة بالمدرسة والي المفروض تكون مميزه بس للاسف خربوا علينا فرحت تخرجنا وماسولنا حفلة تخرج 
والي شفتيهم عاليوتيوب حفلات البنات مسوينها خارج المدرسه ومنظمينهاا اهم بنفسهم ولو تلاحظين ولا حفلة حضرت الناظره !!
بس الحق ينقال صحيح ان الاداره حيل متشدده وعندهم النظام نظام يعني اذا مشيتي صح محد له شغل فيج والمدرسات عسل حددهم ناايس مايقصرون وهم البنات حبوبات يعني نادرا ماتلقين مشاكل وهوشات ..
والله يوفقج ونصيحه شدي حيلج وعيشي كل ايام الثانوية لحظة بلحظة لانج جد بتشتاقيلهم ..
موفقة حيااتوو ^__^