بنات الشؤون ربي يوفقكم ابي اسالكم

السلام عليكم ورحمة الله وبركاته بنات الله يوفقكم انا مطلقه وبقدم استقالتي من الوظيفه لظروف عندي هل يمشيلي معاش من الشؤون لاني مطلقه

وجزاكم خير

دعواتكم ربي يفرج همي

اى حبيبتى يمشيلج كل شهر 450 دينار

قولي امين ربي يفرج عنج كل ضيقه ويفتحلج ابواااااااااااب رزق يالغاليه بس بسالج ياحبيبتي تعرفين وين اروح شنو اجيب وفي شروط معينه

نسيت اقولج حبيبتي انا مطلقه بس ماعندي اطفال يمشيلي والا بوجود اطفال

مشكوره على الدعوه
روحى حق الشئون اللى فى منطقتكم اللى يصير صوب البريد والجمعيه

ادخلى عليهم وقوليلهم شنو الاوراق اللى يبونها منج وراح يعطونج ورقه فيها الطلبات

وويقولون لج وين تروحين اتوقع راح يقولون لج روحى برج التحرير اللى بالكويت

ومناك تطلعين كل اوراقج

بس اول شئ روحى للشئون اللى فى منطقتكم

ربي يفرجها عنج والله ماعندي فكره والأخت ريم ماقصَرت ربي يوفقكم ويوفق الجميييييييييع.

اختى اول ما تتركين دوامج جيبى ورقة تثبت هالشئ
بعدين تروحين لشئون الى تابع للمنطقة
راح تمشيلج مساعدة والاوراق المطلوبة
1بطاقة المدنية وصورةعنها
2جنسية وصورة عنها
3صور شخصية
3اعلام زوجى خلو زوجية من العدل
4ورقة من التجارة تثبت انة ماعندج رخص
5ورقة من عقارى تثبت انة ماعندج عقار
6ورقة من التأمينات لج وللوالد(واذا ماتقدرين طلعين للوالد هم يطلبونها)
7فتح حساب بالبنك
8ورقة من بدل بطالة من الهيكلة
9عقد الطلاق
وهذى الاوراق الى دايم نطلبها على الحالات الى عندنا
وتجددين الاوراق كل ست شهور
وموفقة

الاوراق كلها هذى تطلعينها من برج التحرير اللى بالكويت

الاورقة بدل بطاله من الهيكله تطلعينها من الضجيج صوب بنك التمويل على الشارع العام مقابل الفروانيه

اول شئ روحى للشئون واخذى منهم ورقه وتالى روحى لبرج التحرير

الله ييسر امورج ويوفقج