بنات السنع و المنع تعالوا علمووني ترا مييييح

السلام عليكم حبايبي

شلووونكم

بناااااات

عرس حماتي قرب

و مادري شلون اتصرف بهذاك اليوم و شلون اقدر اساعدهم

المشكله ان اهم اهل زوجي وايد يستحوون يعني ما يطلبون و لمن اقولهم تبون شي قولولي كله يقولون سلامتج ماتقصرين

و ماشاءالله عليها مرت حماي اشوفها بروحها كله تشيل و تحط و تساعد دون لا يطلبون بس انا ماعرف

خصوصا اني حامل كله يقولون لي قعدي لاتسوين شي

بس بغيت اعرف شنو اسوي انا ودي اساعدهم بالعشا قولولي شنو اسوي و شلون اجبرهم اني اساهم اهما مو نوعهم اللي ما يبوني ادخل بس يستحوون

و شلوون بوقت الحفله اشيل و احط و اكوون هبة رييح على قولتهم ترا انا عنوونه و بعدي صغيره ماعرف

يعني اللي تعرف مثلا اذا يبون اي شي شلوون اعرف شنو يبون بنات اللي عندها مواقف تذكرلي واللي عندها افكار تساعدني الله لا يهينكم

ماعندي ولله فكره بس انتي الزم ماعليج راحتج الحين وانتي بالرابع على حسب الجدول اللى حاطته مال الحمل واهما ماقصروا يبونج ترتاحين واكيد مقدرين الموقف حبيبتي بس تقدرين تطلبيلهم مثلا من اي مكان على حسابج يعني بدال دخلتج المطبخ …….. تقبلي مروري

مادري والله بس انشالله البنات مايقصرون معاج
و الله يوفقها ويهنيهآ
و يثبت حملج و يقومج بالسلامة ;*

حبيتبى انتى حامل وبتشيلين , مشتطه ها اول بيبى

الله يقومج بالسلامه , احنا جذيه ببداية زواجنا مانعرف شلوون نخدم اهل الريل , نحتار بعد مايطلبوون ازيد , بس قعدى صفقى هذا المطلوووب وقت الحلفه , لا عمرى شوفى انتى سالى زوجج شنو صار ماصار , ساليهم وين وصلوا جهزا شى , لا تقولين انا بسوى وراح ايب حسب الوضع انتى قدرى , بعدين محنا عارفين يعنى شنو االاشيا ء اللى انتوا سوونها وشنو حماتج حطت وشالت على قولتج ؟؟؟
عشان نقدر نساعدج

يا حيااتي تسلمين على الدعوه

قصدي تحطو تشيل يعني تخدم الضيووف و تقوم تجيك بالمطبخ و تباشر الخدمه عرفتي (هالاشياء صارت بالملجه)

و اهيا اللي ودت حماتي الصالون

مشكلتي انا استحي و اهم يستحوون فمو عارفه اتعامل معاهم

اي والله ماعرف شلوون اخدمهم و ماودي اكون مقصره و هم ابي ريلي يستانس

ترى عادي مو مطلوب منج شي بس اذا تبين تسوين شي سوي ككاو ولا دهن عود اللي يتوزع عالمعازيم آخر الحفلة عليه اسم العروس والمعرس ووديه لهم قبل العرس طبعا هاليومين يعني،، واشتري هدية حلوة للعروس منج انتي وزوجج يعني شي ذهب أو ساعة ماركة وعطيها عقب العرس لما تشوفينها

يكفي وجودج بينهم شيبون بعد *.^

لا انتي حاولي تتدآخلين معاهم وتكسرين حاجز الخجل وتساعدينهم حتى لو ماطلبوا منج

بس لاتنسيين انج حامل توج في الرابع يعني ريحي بعد

بالتوفيق ^.^

؛
؛

عادي حبيبتي لما تشوفينها قعدي سولفي معاها و بنص الكلام سئليها

عرفي منها شنو باقي من تجهيزات العرس ليلحين ما خلصوه

و ممكن انتي من نفسج شوفي محل حلويات ثقه يبيض الويه

تطلبين الحلو و تقولين حق خالتج انج انتي اللي طالبته حق هالمناسبه

امممممممم شوفيها مثلن اذا ليلحين ما اختارت المسكه قوليلها تعالي نروح انا معاج نشوفلج مسكه حلوه

اذا تقدرين روحي معاها الصالون

يعني واااااايد اشياء ممكن تسوينها

بس ترى اهم شي راااااااااااااااااااحتج

لا تفكرين بمصلحة غيرج على حساب نفسج

؛
؛

حبيبتي اخذي حماتج على جنب وساليها يمكن ناقصها شي او تاخذ رايج بشي وهم سالي خالتج واذا علاقتج زينة بمرت حماج اللي مشالله عليها كفت ووفت ساليها واذا موحابة او تستحين تسالينهم شاركي بالحلو او بعض الترتيبات بس اهم شي راااااااحتج بالهالفترة لا تضغطين نفسج واهما مساكين مراعين ضروفج وخايفين عليج

شوفي اذا تبين تقدرين تاخذينلج شي فنتك و حلوو يعني توزيعات يوزعونها ع الضيوف و جذي
و الكل اكيد راح يسأل عنهم و حمولتج بـ يتشيحطون فيج جدام الناس ويقولون جنـتـنآ يآيـبـته
اعطيج رقم وحدة تسوي فناتك مووووووووووووووووووووووووووووووو صج كل شغلها اشياء غريبة و فنااااتك صج صج راح تبيض ويهج انتي دقي وقوليلها شاللي تبينه بالظبط ككاو ولا دهن عود وسمعي افكارها و أظن تستقبل بـ بيتها عشان تشوفين شغلها
اذا تبين دزيلي مسج ع الخاص عشان ادزلج رقمها

اشلونج حبي مع الحمال انشالله امورج طيبه

والله البنات ما قصرو شوفي نوع من انواع التوزيعات مثلا
او عطيها مبلغ اهي تتصرف فيه على حسب احتياجها وقوليلها مساهمه مني او هديه
وقوليلها سامحيني على القصور تدرين بوضعي حامل وانه ودج اتسوين اكثر

مشكووريين بناات ماقصرتوا صج انا استحي وايد هذي مشكلتي

حلوه فكرتج اوركييد

لكم وحشه بنات تجمعي

والله انتو اكثر

ببجي

البنات ماقصرو ماشاء الله عليهم
وانتي اذا مره مستحيه اذا كانو عندكم ضيوف بالبيت وشفتي خالتك ام زوجك بتروح مكان او بتجيب شغله حلفي عليها ماتقوم قولي لها خالتي والله ماتقومين انا بجيبه عنك وروحي جيبيه والا قولي لها خالتي وين رايحه اذا قالت لك بشوف الخدم مثلا والا بوصيهم على هالشغله قولي والله ماتروحين انا اروح عنك بهالطريقه تكونين خدمتيها بدون لاتحرجين نفسك ولا تحرجينها وبطريقه سهله بعد
وان شاء الله البنات يعطونك افكارهم ليوم الزواج وخلك مع حماتك روحي عندها قولي لها شخبار التجهيز واذا رتبت اغراضها والا تساعدينها بترتيبهم قولي لها لاتنسين تحطين هالشي بالشنطه اللي بتروحين فيها الفندق وذكريها حطيتي هالشغله بالشنطه اللي بتسافرين فيها يعني ذكريها على اشياء يمكن تكون هي ناسيتهم صدقيني هي بحاجتك وجودك جنبها الحين واكيد مرتبكه ومحتاجه من يوجهها
وبالنسبه للهدايا انتي شوفي وش الناقص وفريه والا قولي لهم الحلويات علي مثلا انا بطلبهم لاتجيبونهم او اختاري اي شغله وقولي انا تكفلت فيها عشان مايقدرون يردونك وبالتوفيق ياسنعه الله يسهل حملك يارب وتقومين بالسلامه