|
|
مرحبا خواتي بغيت اسئلكم عن المقابلة قبل التعيين شنو اسألوكم وابي معلومات عن المقابلة الشخصية بس عفية بشكل دقيق ويعطيكم العافية.
لانه اذا اداريه مالك شي واذا مدرسه فيه موقع للسراج تقدرين
اتواصلين معاه … هذا اللي اعرفه .. بس اذا فيه ناس من السراج
راح يفيدونك اكثر مني
اذا ناوية مدرسة ان شا الله فلازم تمرين على اختبارين ومقابلة ،
أول شي اختبار شفوي واهو حق القرآن الكريم يمتحنونج بجزئين من القرآن مع التجويد .
وبعدين عندج اختبار تحريري كتابي ، راح يطالبونج تدرسين 3 كتب وكلها عن التربية ، واساميها ( كيف تصبح معلما مبدعا ) وهذا مال السراج نفسه ، وثاني اسمه ( طرائق تدريس التربية الإسلامية ) والثالث ( الإشراف التربوي ) راح تدرسينهم قبل الامتحان ورفيجتي قدمت هالسنة تقول قللوهم خلوهم كتابين ، اهم بسرعة يغيرون .
وهذا الامتحان يكون نصين ، نص يتعلق بالكتب اللي درستيها ، والقسم الثاني معلومات عامة تتعلق بالسيرة وأسماء الصحابة وأحاديث وجذي أسئلة دينية سهلة .
وبعدين عقب ما تجتازين الامتحانين عاد يكون عندج مقابلة ،
المقابلة سهلة يبون يشوفون اسلوبج بالحجي والرد ، بس يقابلونج ناس وايد ، انا على وقتي كانوا كلهم رياييل ، رفيجتي معاي مقدمة بس كانوا رياييل وحريم ، الظاهر على حسب اللي موجود ما ادري ،
المهم يقولون تكلمي عن نفسج ، وبعدين يقولون ليش قدمتي على الأوقاف ، وبعدين يسئلون شغلات سهلة مثل شنو الوسائل اللي تشرحين فيها ، شلون تتعاملون مع البنت الشيطانة ،
جذي شغلات سهلة .
اهو بس تجتازين الامتحانات والمقابلة ترتاحين ..
وربي يوفقج حبيبتي ويرزقج كل خير ، واذا تبين بعد اي توضيح لا يردج الا لسانج 
بالنسبة لمنو يقابلون ؟ ما ادري منو بالضبط بس احتمال موجهين هناك .
بالنسبة لوين المقابلة ؟ راح تكون في مقر السراج المنير الرئيسي في منطقة الفروانية هناك المقابلات وشؤون التوظيف وكل شي .
ادري الموضوع قديم شوي
بس ابي اعرف شلون طريقة التقديم على السراج المنير
وشنو التخصصات الي يقبلونها
ووشكرا