بنات الخبره حياكم عندي استفسار ضروري

قوة حبايبي اشلونكم ؟؟
انا دشيت شهري صارلي عشره ايام اشلون صاير عوار الطلق لأني مااعرف اييني عوار خفيف نفس الدوره وبسرعه يروح هذا اهوه العوار
انا مو بجر بس بحمالي الاول ماياني عوار كلش وولدت قيصريه ودي عالمره اولد طبيعي انشالله ابي اعرف هذا اهوه العوار ومتى مفروض يزيد اخافى ما ايني عوار ومااولد اللي تعرف توصفلي العوار يعطيها العافيه

الله يسهل علييييج يااااارب وتمم عليج

مشكوره حبيبتي

امبيه محد يعرف؟!!!

حبيبتي

عسى ربي يهون عليج وتقومين بالسلامه..

عوار الطلق نفس اللي تحسين فيه بس..يزيد شوي ويصير اقوى ويكون يعني تقريبا
كل 3 او 5 دقايق تحسين فيه..
جذي يعني الطلق حامي وقربت ولادتج

وعسى ربي يهون عنج ويرزقج بالذريه الصالحه

مشكوره حبيبتي

الطلق اذا ياج راح تعرفين ان هذا الطلق لانه لا يحتمل واقرب شي له عوار الدوره بس اقوى ويتركز بالظهر والله يسهل علينا كلنا ويقومنا بالسلااااااااااااامه

انا ما حسيت بعوار الطلق الطبيعي لان انبط الماي عندي وحطولي طلق صناعي وولدوني

اهوه ايي فجأه؟

مرات يكون معانا عوار مثل عوار الدورة من الثامن

شنو معنى هذا ؟

يعني طلق ؟

هذي اسمهها تجاديم أو تساليف
يعني انه الرحم قاعد يتهيأ للولادة و هذي الالام تسهل الولادة بإذن الله
الله يسهل على الكل

عسى الله يهوون عليج يااارب

العوار راح تعرفين انه طلق اذا يالج..

العوار راح تعرفين انه طلق اذا يالج..
بس ديري بالج احيانا ماتحسين فيه او مايكون قوي بس الرحم مفتوح..

بس اهم شي لا تستعيلين وتشربين خروع او اي شي ثاني..
لان الرحم ماراح يفتح الا وقت الولادة لما البيبي ياخذ وضعه..

انا ماجربت الطلق بعد الله يسهل في بنتي نفسج عملية
هالمره اقول

للرفع خل نستفيد ونتعلم