بنات الجامعه ضروري

حبيباتي شخباركن

انا توني متخرجه علمي ونسبتي 84 …

ابي تخصص رياض اطفال بالجامعه قالولي بس للادبي …

عفيه اللي عندها خبر لا تقصر معاي …

بنت عمي تخصصت رياض اطفال وكانت علمي انزل من نسبتج بالسبعين اتوقع عادي تقدرين

اي يقبلونج تخصص رياض اطفااال اكييد

تقبلج لانه رياض الاطفال للـ علمي والـ أدبي والتربية للـ علمي تقبل فوق الـ 80 وانتي ماشاء الله 84 يعني تدخلين ان شاءالله

بس للتأكيد زياده سألي اذا رحتي اتسجلين الحرص واجب وانا اختج ….

يامال العافية عالمرور

بس يا خواتي مو جن النظام الجديد غير

يعني شكتب في الرغبات شنو تخصصي اشهدني متوهقة

دخلي على موقع الجامعه وحاطين نموذج للـ استمارة قبول للجامعه وحاطين كل شي فيها نفس بالضبط اللي تملينها لمه تروحين للتسجيل بالجامعه …

امل 91
انت تخرجتي او لهلحين وجانج متخرجة مبروك وين ناوية تروحين

يا امل 91
مكتوب بالاستماره بس تربية علمي يابنت من ضمنها رياض الورعان قصدي رياض الاطفال

والله ياختي مادري مااقدر افتيلج بس اللي اعرفه قلته لج …

لا اللي اعرفه عادي
اصلن العلمي ياخذ اغلب التخصصات مو مثل الادبي
يعني اول مادشيت ببالي انقليزي _ او كمبيوتر _ او رياض اطفال
وتخصصت ورعان لاني ادبي مايصير ادبي وكمبيوتر "راهيه ادري"..

يلا ننطرج بتجمع بنــات التربيه

اعتقد بس تسجلين بالجامعه حطي اول رغبه تربيه
واول ما تدشين وتدرسين وترفعين المعدل تتخصصين اللي تبينه
وترى التخصص يفرق بين العلمي والادبي يعني رياض الاطفال ..انا ادبي لازم ارفع معدلي بالكليه 2.50 ..ورفعته وتخصصت بعد معاناة
اما العلمي معدلهم لازم 2.67
ان شاءالله سهالات لاتخافيين
موفقـــه ان شاءالله

ونسيت ترى من فتره لفتره يرفعون معدل التخصص خصوصا التخصصات اللي عليهم ضغط..

انتي اول شي حطي تربيه

و بعدين اتخصصين ..

ومبروووك مقدما

انا رفيجتي علمي وتخصصت رياض اطفال

بالتوفيق حبيبتي

حبيبتي مثل ما قالولج البنات
عادي تخصصين رياض أطفال وإنتي علمي
انشاءالله يقبلونج تربية فوري
و مبروك مقدما

رياض الاطفال للعلمي والادبي بس العلمي نسبتهم لازم تكون اعلى من الادبي لان التخصص اساسا ادبي فبنات الادبي يكونون اولى بالتخصص عرفتي