بنات الجامعه العربيه المفتوحه حياكم

السلام عليكم

انا خريجه تجاري قسم تامين والحين صارلي سنه وشي وانا انطر اسمي بالديوان بس ما نزل

فحبيت اكمل دراستي بالجامعه العربيه بسالكم يقبلوني ولا لأ ؟اي انا جايبه نقطتين وشي وشنونظام التدريس عندهم للعلم انا ما شاطره حيييييل بالانجليزي بس اطقطق فيه يعني امشي حالي

ابي كل المعلومات جم سعر المواد ولون اسجل وطريقتهم بالتدريس و موادهم صعبه ولا سهله

وبس

اناا منهم والدراسه الانجليزي حبه حبه تمهيدي 2 بعدين مادتيين انقلش متطلب عام
واي يقبلونج ان شاءالله شكثر بنات متخرجات يدرسون عندنا بس مو اكيد يعادلون واذا عادلو مواد عدد محدوود
واسعار المواد على حسب
واي سؤال انا حاضره او دزي عالخاص اخاف ماانتبه للموضوع

اي نظام التدريس اذا اخذتي التمهيدي 3 ايام بالاسبوع بس اذا عديتييه تقدرين بس يوم تداومين واذا كلش كلش يومين