|
|
السلام عليكم بنات
بنات بليز ساعدوني
انا عندي شهادة دبلوم من معهد اتصالات وملاحه وتخصصي صيانة حاسب الي
و ودي ادخل الجامعه العربيه المفتوحه بس ماعرف عنها ولا شي
انا استفسرت عن الجامعه ووحده قالت لي انه يعادلونلج 14 ماده اذا كنتي بالتطبيقي بمعهد الاتصالات وملاحه اما اذا دورات خاصه لا ولا ماده يعادلونج
وسألت عن الرسوم قالوا لي الرسوم 600 دينار بالسنه صج ولا لا ؟
ودي من ارد لكويت ادش الجامعه العربيه المفتوحه بس مشكلتي اني كل سنه كل كورس اغترب مع زوجي بالغربه ,,
انا ماخذه فكره عن الجامعه العربيه المفتوحه انه نظامهم على الراحه متى ما الواحد يبي ياخذ مواد بالكورس ياخذ على كيف الشخص متى مايبي يدرس بالكورس يدرس
يعني ودي هالكورس اقعد في الكويت وادش الجامعه العربيه المفتوحه اخذلي جم ماده
والكورس الياي ارد لزوجي بالغربه والكورس الي بعده ادرس بالجامعه اخذلي جم ماده يعني على كيفي أمدد دراستي بالجامعه
صج جذي نظامهم ؟
و انا بداوم انشالله الصبح عندي دوام وعادي اداوم بالجامعه العصر ؟
وصج الي سمعته انه يصير اخذ جم ماده وبالشهر احضر محاضرتين بس وكل شغلهم بالنت ؟
بلييييييييز الله يخليييكم جاوبوني مااعرف ولا شي عن هالجامعه وماعندي احد بعايلتي داخل هالجامعه علشان اسأله :$
اي وانا شهادتي دبلوم من معهد الاتصالات وملاحه تخصص صيانة حاسب خريجة الصيف الي طاف سنة 2024 تخرجت عادي ادش الجامعه يقبلوني ؟
لعيونج
ليش محد رد من بنات الجامعه العربيه المفتوحه شدعوه عاد والله ابي مساعدتكم 
| انا عندي شهادة دبلوم من معهد اتصالات وملاحه وتخصصي صيانة حاسب الي و ودي ادخل الجامعه العربيه المفتوحه بس ماعرف عنها ولا شي |
ياقلبي اي شي تبينه سئلينا واحنا بنجاوبج
| انا استفسرت عن الجامعه ووحده قالت لي انه يعادلونلج 14 ماده اذا كنتي بالتطبيقي بمعهد الاتصالات وملاحه اما اذا دورات خاصه لا ولا ماده يعادلونج |
اي صح هالكلام
| وسألت عن الرسوم قالوا لي الرسوم 600 دينار بالسنه صج ولا لا ؟ |
الرسوم حسب المواد
اكو مواد رسومها 250
مواد رسومها 200
مواد رسومها 70
مجموع الرسوم بالسنة يعتمد على المواد اللي انتي تاخذينها
| ودي من ارد لكويت ادش الجامعه العربيه المفتوحه بس مشكلتي اني كل سنه كل كورس اغترب مع زوجي بالغربه ,, |
ترا بتفيدج شهادة الجامعة العربية المفتوحة
لان راح تاخذين شهادة من الجامعة المفتوحة ببريطانيا وهذي معترفة باغلب دول العالم
يعني تقدرين تكملين دراسة مع ريلج برا اذا حبيتي
| انا ماخذه فكره عن الجامعه العربيه المفتوحه انه نظامهم على الراحه متى ما الواحد يبي ياخذ مواد بالكورس ياخذ على كيف الشخص متى مايبي يدرس بالكورس يدرس |
مو لهالدرجة راحة
اهي نظام مفتوح
يعني الدراسة اغلبها تعتمد على الطالب نفسه ما تعتمد على شرح الدكاترة
| يعني ودي هالكورس اقعد في الكويت وادش الجامعه العربيه المفتوحه اخذلي جم ماده والكورس الياي ارد لزوجي بالغربه والكورس الي بعده ادرس بالجامعه اخذلي جم ماده يعني على كيفي أمدد دراستي بالجامعه صج جذي نظامهم ؟ |
تقدرين توقفين قيدج
بس ترا اكو عدد معين لكورسات وقف القيد يمكن 3 كورسات اتوقع
| و انا بداوم انشالله الصبح عندي دوام وعادي اداوم بالجامعه العصر ؟ |
تقدرين تاخذين محاضراتج العصر اذا تحبين
او اذا ما لقيتي سكشن العصر تقدرين تسجلين الصبح وتنسقين مع دكتورج بحيث انج تحضرين عنده محاضراته اللي تكون بوقت يناسبج
| وصج الي سمعته انه يصير اخذ جم ماده وبالشهر احضر محاضرتين بس وكل شغلهم بالنت ؟ |
شوفي
المواد اللي وحداتها 3و4و8 يكون الحضور فيها مرة كل اسبوعين
يعني بالشهر محاضرتين
والمواد اللي وحداتها 16 اللي اهي تكون مواد التخصص محاضرة وحدة كل اسبوع
والشغل اللي بالنت يكون تسليم الواجبات او اذا بتسألين دكتورج او تسوي بحث حق واجبج
بس بشكل عام ماكو محاضرات اون لاين
| اي وانا شهادتي دبلوم من معهد الاتصالات وملاحه تخصص صيانة حاسب خريجة الصيف الي طاف سنة 2024 تخرجت عادي ادش الجامعه يقبلوني ؟ |
اول شي لازم تقدمين بشهادة الثانوية وادنى نسبة للقبول اهي 60%
بعد ما يقبلونج تحاولين تقدمين معادلة مواد عشان يعادلون لج مواد اختيارية
بس اتوقع ما يعادلون حق معاهد
وحياج حبيبتي اي شي تبينه لا يردج الا كيبوردج
وكل كلامج صحيح
ما عدا
7
7
| وصج الي سمعته انه يصير اخذ جم ماده وبالشهر احضر محاضرتين بس وكل شغلهم بالنت ؟ |
في مقررات تحضرينها بالاسبوعين مره
وفي مقررات كل اسبوع مره
شغل النت فيه ( التسجيل وارسال الواجبات بس 
)