|
|
السلام عليكم ورحمة الله وبركاته
خواتي العزيزات
انا خريجه من ثانويه نظام موحد
قسم ادبي نسبتي 79.38
انا بخاطري وودي واتمنى ادخل الجامعه نسبة قبول الجامعه 78 بس خايفه لايرفضوني لان عدد محدود بالجامعه وانا اقل النسب
المهم انا ابي رياض اطفال شرايكم حلو؟
خواتي قالولي سجلي بالجامعه وتربيه
بس انا اتمنى اتمنى الجامعه
رايكم يهمني تكفووون ردوو اعتبروني اختكم 
حبيبتي قدمي ع الجامعه وقدمي ع التطبيقي .. وشوفي وين يحطونج .
وانا انصحج التربيه .. دكاترتهاا زينين والنظام سهل ..
والله يوفقج ..
نورتي الموضوع حبي
بس اللي شايفته ان التخصص حيل زحمه عليه والبنات متأذين مولاقين مواد ..
والمعروف ان دراسة التربية الاساسية اسهل من الجامعة لان دكاترتهم متساهلين مو نفسنا ..
فانتي استخيري و شوفي شتبين ..
وانشالله بنات رياض اطفال يفيدونج ..
مووفقه ..
وكانت نسبتي 78 بالضبببببببببببط
يعني حده حده
ونسبتي ماتدخل الا اداب وشريعه
انا اخترت اداب
اخذت مواد مشتركه بين اداب وتربية بعدين حولت تربية وتخصصت رياض اطفال الحين الحمدالله
وصحيح انه التخصص ضغط عليه .. بس الحمدالله قآعده احصل موآد واموري مآشي بأحسن مايكون
ونسبتج تدخلج الجامعه وتقدرين تحولين وتخصصين
موفقه ان شاءالله
اذا محتاجه شي دزيلي عالخآص يمكن ما ارجع للموضوع
تقدرين اتدشين التربية بعد ما تحولين
و ترى سهل التحويل مو صعب اغلب بنات دفعتي دشينا الاداب و كل وحده حولت للكلية اللي تبيها
و اذا تبينا الاساسيه
استخيري
بس ابي الجامعه بس في ناس تحبطني وناس تشجعني والله يكتب فيه الخيرر
بسجل مني ومني
بس هل في وظايف حلووووووووووه وعاجبتكم
وتدخل نسبتي غير رياض اطفال؟؟
واداب شنو يعني اشتغل بعدين؟؟
موفقه
وتقدرين تدخلين اداب والشريعه كورس واحد وتاخذين مواد مشتركه بين الكليات مثل تاريخ حضاره وانجليزي وعربي
وبس
الله يوفقج
بيكشفونج هههه
وعلى حظكم رفعو النسب
شوفي التربيه انت علمي 89 او 86
الشريعه 94
الأداب مومتاكده بس جنه 81
ان شاء الله يقبلونج أداب وتحولين
ياا حياتي ان شاء الله تقدرين تسجلين آداب وتحولين عقب تربيه .. بس يبيلج كورسين وصيفي عشان تحولين .. وبهالفتره اخذي متطلبات عامه
بحيث انج لا حولتي تربيه ما تروح عليج المواد .. واخذي مواد مشتركه مع التخصص اللي تبينه
بس يا قلبي .! انا قاريه قبل فتره بالجريده ان وزارة التربيه طلبت من الجامعه انها تقلل عدد المقبولين بتخصص رياض أطفال لأن صار الإقبال
عليه بشكل كبيييير .. فعشان جذي بالتخصصات بيعتمدون على النسب العاليه … مادري يا قلبي مابي أحبطج .. بس مو أكيد ان دخلتي
تربيه ان بتتخصصين رياض أطفال ..
وتقدرين بنسبتج تدخلين تربيه أساسيه وفيها تتخصصين رياض أطفال ..
موفقه ياا رب
وتقدرين تحولين في حالة قبلت لا قدر الله في كلية أخرى، بحيث تأخذين المواد المشتركة
بالتوفيق