|
|
هاي بنات اشلونكم شخباركم شعلومكم
من فتره قعدت ويا بنت عمي وقلت لها اشلون بنات الثانويه عندكم بالمدرسه
قالت والله وايد شياطين و بالذات مع الابلات الوافدات
قلت لها اشلون؟
تقول مثلا لما تلف الابله ويها على السبوره نتشيغب نقط اوراق كلينكس على بعض
نطلع اصوات نصفر
جان اقول وليش كل هذا؟
بكل بساطه ردت يعني 7 حصص تبينا نقعد ساكتين ما يصير
ولا والابله اليديده نيننها بعد
فأنتو يا بنات شنو النوع المشاغبه اللي تصير معاكم وليش تسون جذي؟
والابله اشلون تكون طريقة عقابها؟
ولما تسون جذي ما تخافون على درجاتكم
بعد ما عرفته ان مو كل انقبل بالجامعه والتطبيقي فالواحد لازم يشد حيله بالصف ويبتعد عن هالسوالف عشان يحصل درجات والا عندكم راي ثاني؟
اترك المايك لكم
يآ مآ آبلآت كويتيآت يستعبطون آلبنآت عليهم ، و يآ مآ آبلآت مصريآت محد يقدر يتلفت بحصتهآ !
و أكيد هذآ كله ، رآح يعود بآلضر للطآلبة لإن آلأبلة تعطي حصتهآ و تمشي ،
لآ بينحط لهآ درجآت و لآ بتحآتي إمتحآن .
ع آلأقل آذآ زفتي بإمتحآنج ، عندج درجآت آلأعمآل آللي من آهمهآ آلسلوك بآلحصة .
و آلله يوفقكم إن شآء آلله .
’
الابله لازم تكون عندها شخصيه قويه وما تكون جاده بكل الوقت عشان حصتها تنحب
احنا بعض البنات اللي جايين للمدرسه يتونسون اهم اللي يتعبون الابلات اما النبات الباجيات يبون نسبه ويبون التفوق ماله شغل يعني
ومشكوره
اما اذا الابلة ما شدت عليهم ورخت راح يتمادون انا اقولج اياها بنات الثنوي في بعضهم ماينعطون ويه ولاحظي انه قلت بعض
لان بالعكس في وايد مؤدبين وصج يبون ينتبهون على الشرح
وفي بنات صج مشاغبات بس تمسكينهم بالدرجات والتعهدات يعني من يسمعون طاري الوكيلة يتنافضون !!
عيل ليش يتشاغبون مادري !!
وهذا كان رايي 
ففي هذي الحاله شنو الطريقه اللي تردعهم
طبعا يدرون الوكيله والا الناظره ما راح يسون لها شي بس كلمتين بالبلعوم وانتهى وما راح تخاف
من جذي هالبنت المشاغبه ماكو حل لها!
هع
شوفي ي عمري انا توني متخرجه و انا و رفيجاتي جننا الابلات كويتيات و وافدات طبعا انا الابلات يموتون فيني لأني شاططره بالحصه بس لازم يومين او ٣ افصل
ي حلات ايام المدرسسه اشتقت لها وايييد ي بختكم ي بنات الثنوية
اممم المشاغبببه ححلوة و الله وناسسسسه يعني تغيرين جوو الدراسه الگئيييب
يعني يفتح نفسسسسچ