بنات التربيه الاساسيه شوية ذرااابه عفيه !!

السلام عليكم ورحمة الله بركاته انسا وجنا

شخبااركم بنات كليتي الي بزفكم بعد شوي

؟؟

الله يسلمكم بدش بالموضوع على طووول …… طبعا بتحجا عن اكثر من شي

اول الاشياء ………………………. ((( البنات الي يسوقون …. المواقف )))

بنات انتو شايفين المواقف يالله يالله تشيييل … ويالله يالله تحصليييييييين موقف حتى لو بآخر الدنيا …
بس البنات الي ايون مبجر … ويحصلون المواقف فاااااضيييييين … بسألكم !!!

ليييييييييييييييييييييش تسفطييييييييين سيارتج غللللللط ؟؟؟؟؟؟؟ وتااااااااخذيييين 13 موقف عشان سيارتج العزيزه ؟؟؟

والله العظيم مره ييت مبجر قبل الساعه 8 ولقيت المواقف فاضين.. قعدت بالسياره اراقب (( ما ابي اقول اخز ))
.. وحده وقفت جدامي .. وتيييييج الثانيه شيييييييط وتسفط يمها .. ومسافه كبيييره بين السيارتين … طبعا المسافه ما تكفي سياره ثالثه .. بس لو يتدانون السيارات ويوقفون بشكل مرتب .. واللله تسهلوووون وتوسعووون عليييينا
طبعا انا صورت .. بس مالي خلق انزل الصوره ههههههههه

يعني ماادري شنو اسميها هالحركه …. قلة ادب ؟ وقاحه ؟ غشيييمه ما تعرفين تسفطين ؟ بتحجزين حق رفيجتج ( ما اعتقد ) ؟؟

باختصار … الي تسوق خل تسفط عدل وسلامتكم

موضوعنا الثاني <<< اتدرب من الحين تدرون بعد مشرووع ابله

المهم .. ((( الاصنصير والدري )))

اول شي انتو شايفين الاصنصير شلون يخرع .. انا لمن امر يمه احس انه شوي ويهبد بالبنات … شلوون ما تخافون تركبونه واهو يرقل ويوصوص ؟؟ << مو سالفتنا

سالفتنا انه المبنى 3 ادوار .. وفي بنات ((( مرضى الله يعافيهم وحمل الله يسهل عليهم ))) .. ماااا يقدرون على شيين
1. الوقفه والنطره عشان الاصنصير… وبتقلقصون بعد عشان يوصلون
2.ما يقدرون على صعدة الدري << راعو هالشي عفيه ابلااات

يعني الي فيها شده تصعد دري .. شالي رادها خل تصعد … شدعوووووا عليييكم شهالدلع الي مسيطر عليكم
والله العظيم ذاك اليوم صعدت وحده حااامل بطنها شكبره لي الدور الثالث دري .. طول المحاضره البنيه تناهد ومنهد حيييييييلهاااااا …

هم اقدر اقول انه اهني السبب قلة الادب ؟ ولا كسل ورباده وعيز ؟ لأنه صج صج السالفه ما تنطاق << حلوه ما تنطاق

باختصار الي تقدر تصعد دري لا تصعد بالاصنصير

طيب خلينا من الاصنصير .. في ابلات حلوين صعدو الدري ونزلو منه … انتي يالي نزلتي من الدري … والللللله ما اقولج ضيجي عبايتج .. والللله ما اقولج قصري عبايتج … بس عفففبه لمن تنزلين ((( رفعيها بايدج )))لييييييش انتي تنزلين وتأخذين معاج 3 دريات ؟؟ دريه ريلج عليها و2 وراج عبايتج تسحب وراج .. يمااااي ما تخافين تطيحين ؟؟ والله اليوم بغيت اطيح بسبة عباية وحده

انزييييييين السالفه الثالثه … ((( ماادري شنو اسميها )))

المهم انها ….. لمن تخلصين محاضرتج .. وتيين تطلعين .. تطلعين من الباب
ولمن تنطرين بره عشان تدشين القاعده الثانيه … تدشين من الباب
حلووو؟؟

انزين ليش مو راضين تستوعبون انه لكل قاعه باب واحد فققققط ؟؟؟

يعني وحده من الثنتين …. يا انج تنطرين الي داخل يطلعون او انج تنطرين الي بره يدشون … ما يصيييييير العمليتين يتمون بوقت واااحد !!!! بلييييز بنااااات شوية ذرااااابه شنو هالهمجيه الي عايشين فيها ؟؟؟

احب انهي زفتي بحجوتين …
1. الي انا اقصدهم (بعض من كل )
2.انا اتحجى عن المبنى الرئيسي لأني ما شفت الوضع بالباجي
3.الحاضر يعلم الغايب
4.شكرا .. عفوا

وهم بغيت اقول الي اليوم طاحت بالكافيتيريا ويو الاسعاف زخوها … الله يشافيها ويعافيها … ترا ما اعرفها بس صار الموقف جدامي .. ولي الحين احاتيها بعد عمري

الله يكون بعونج ،،

بس نصيحة لا تخلين هالأمور تعفس حياتج " خصوصاً سالفة الدرج " لووووول ..

لأن صج ماله داعي تضيقين خلقج عشان أمور صغيرة حيل مثل جذي ،،

وييييييييه شدعواااااا اضيق خلقييي .. بس عاد في بنات همج يبيلهم احد يحسس انه في شي اسمه ذرابه بالدنيا .. لوعو جبودنا

اتعبنـــــــــــــــــــــــي ..
تستاهلين صفقه على كلامج وربي
والله انا معاج بكل كلمه قلتيها يعني جد جد
ما ادري همن انا شنوووو اسميها هالحركات

خفوا كبروا صيروا شويه ذربيين يا ابلات المستقبــــــــــــــــــــــــــــــل

و

بعد عمممرييي والله اشوف نفسي انا جذيي

بنات انتوا أي تخــــــــــــــــصص ؟!!

للأسف ،، مكتبات

رياااضياات ..

انقليــــــــــــــــــــزي
سهالااااااااات

السلام عليكم
ممكن أشارك <<<< يعني ذربه

اتعبني غروري 7

عيزوا بيعدلونهم يمين يسااااااار ماكو فايده هاذا سيفوو و هاذي خلاجينه (( طبعاً أقصد الفئة اللي حددتيها ))
صج صج شي يحرررر و خصوصاً المواقف شي ينرفز احنا بروحنا طق مطاااقق ع المواقف ناقصين إبداااعات بالصفطات
والله صيده ما صيده مع الموقف (( يبيلي أحط يوميات الدقمة مع المواقف صج مرات تيني الضحكة و أنا أطق جم فرة ع الكلية – "من حبي لها" – جوود وحده يحن قلبها و تطلع و أحل الموقف مكانها ))
والله كاسرين خااطري البيوت اللي جدام الكلية تقولين عندهم عزاايم ع الصبح نص بنات الكلية صاافطين جدام بيوتهم والمشكله في أماكن فااارغه >> شراايكم مو ذربة باختيار الكلمات
بين السيارات بس الحلوين البنات مدلعين سيااييرهم و كل وحده موسعه على سيارتها ماخذه موقفين ومستعرضه و تعالي دوريها عاااد بين الأمة جنه مو كاافي السواويق اللي باطين جبدي أهماا جدام الكليه و احنا محذوفين بقلعة واااادرين <<< كح كح جني غبرت بهالكلمة حدهاا قديمة

حدج يبتيهاا ع الجرح …. والله إذا بتتكلمين حدث و لا حرج … بس شنقول مو معقولة بنعدل بنات الأوادم بعد اللي أهما مشروع أبلات المستقبل و ترا الكل يتشكى اللي بالجامعه يشكون من الإبداعات اللي عندهم و احنا نشكي من اللي عندنا ….. الدنيا كلها تشكي من الذراااابه الزيادة إظاهر أنه مرضي معدي اللهم يا كااافي

يعطيج العافية ع الطرح بصراااحه في بنات يبيلهم جذي …

هههههههههههههههههههههههه

امبيه حدج عسوله انا مو معاكم بتربيه بس بقول هالكلام لبنات كليتي التجاري

لان ذيك المره انا تعرجت بالدري والسبه عبايه بنت

ييسلموو حبيبتي وهالشي ناشدي فيه كل كليات الهيئه لووول

اي والله صاجه
وكله بكوووم والخز بكووووم يعني لما تمشين تمر يمج وحده تخزج خز اللي تحسين انج ماكله حلال ابوها مادري ليش يعني

واااااااو

طرحج عجيب

وتلقين هالنوعيه من هالبنات بكل مكان الكليه المجمعات الجمعيات بالشارع حتى بالسواقه دفشه

بس شتقولين غير الله يسنعهم ههههه

مشكورة ياقلبى ع الطرح العجيب

تسلمين حبوبه

اي والله صح بسانج كلش ولا سالفة المصافط وسالفة الدري اللي تسحب عباتها انزين لاتخافين اللي وراج يطيح
خافي على روحج لا تتعرجبين
ياما وياما وشفنا بنات يتعرجبون عالدري
والله يشافيها اللي طاحت والله اول مره ماسمعت عنهاا
ويعطيج العافيه )