بنات التربية الاساسية التطبيقي تعالوا ضروري ابيكم شوي

حيــــــــآج حبيبتــــــــي

السلام عليكم بنات شلونكم

أمانه بنات ساعدوني والله ماعرف شي عن التخصص وعن الكلية بكبرها

أنا اقبلوني تخصص اللغة العربية كلية التربية الأساسية

أبيكم تقولون لي كل شي عن الكلية

عن المقابلة شلون يعني شنو يسألوني؟

وعن الدكاترة الزينين ؟

وشلون أسوي جدول ؟

وطريقة الدوامهم ( دوام منتظم ولا ساعات متفرقة)؟

عدد الوحدات في الكورس ؟

وشنو المواد ؟

وكم مادة لازم أخذا ؟

وكم المكافأه ( الإعانة )؟

والي تساعدني يالله انك تتحقق الي في بالها وتحصل مراده وترزقه وتوفقها وين ماتروح يارب وبدعي لها بكل صلاة

لاني صج ما اعرف شي

طالبتكم لا تخلوني كتبي الي تعرفيه بأمانه

ولا وحده بالتربيه الاساسية شدعوه بنات ولا رد

شكلي بزعل عليكم

وهذا اول موضوع لي بهذا القسم

تكفون بنات

انا انطركم

حبيبتي سهالات لا تحاتين

امممممم للأسف انا مو تخصص لغه عربيه

عشان افيدج فيه وبدكاترته

بس بالنسبه للوحدات لا تاخذين اقل من 14 وحده

يعني اخذي بالكورس الواحد 16 / 17 حلوووو

عشان تخلصين بسرعه وما تتعطلين

وتقريبا 16 وحده فيها 7 مواد على حسب موادج يعني

كل ماده جم فيها وحده

يعني اكو مواد وحده وحده واكو مواد وحدتين واكو مواد 3 وحدات

وبالنسبه للدوام .. نظام ساعات متفرقه ع قولتج يعني على حسب جدولج

يعني لا تنصدمين اذا لقيتي فراغ من 10 لي 3 لوووول

انا كنت جذي بكورس من الكورسات .. ،

وجدولج اعتقد بما انج مستجده فيكون جاهز

وان شاء الله يحطون لج دكاتره زينيين

واوقات مناسبه لج .. ،

وبالنسبه للمكافأه فقيمتها 100 دينار ..

واممم وبعد وبعد !

اي نسيت اول سؤال سألتيه لوووول

المقابله سخييييييفه لا تحاتين

يسألونج ليش داشه كلية التربيه يعني باقتناع ؟

وشنو هواياتج لووول وليش اخترتي تخصصج ؟

وجذي يعني

أتمنى أفدتج .. وأي سؤال بعد انا حاضره حبيبتي

وبالتوفيق ياربـ

الجدول ثابت يعطونج تقريبا أربع أو أكثر جداااول وأنتي أختاري الجدول اللي يناسبج ع حسب أوقاته

نصيحة تعأأأألي مبببببجر عشان ماتخلص الجداول الحلوة وتضطرين تأخذين الجداول اللي مو زينة

والمقابلة لآ تحاتينهـأأأ عاااادي يمكن يعطونج كتاب أو جريدة يخلونج تقرينهـأ .. أو يسألونج سؤال عااام :>

عاااادي سخيفة ماتخوووف

والأعانة مية

ومدامج تخصص لغة عربية أنا ماخذة تدريبات لغوية عند هزاع المرشد حده طيب ويفهممممم أول مرة بحياتي أفهم قواعد عربي هههههههههههههههههههههههههه

موفقة ياقلبي

لمسات حريريه مشكوره يا قلبي والله انج عسل

الله وفقج ويسهلج امورج يالغاليه

ماقصرتي كتبتي الي تعرفينه

صدى الوحدانية

مشكوره على المعلومات حبيبتي

يعني الجدول يكون جاهز

والدكتور هزاع المرشد >>>> عاد صج القواعد يبيلي تأسيس ههههههههه

ما قصرتي حياتي

الله يوفقج وين ما تروحين

بنات الي تعرف الدكاترة الزينين تقولي

وشنو المواد

ساعدوني تكفوووووون

أنا تخصص لغه عربيه

عن المقابلة شلون يعني شنو يسألوني؟

لا تحاااتين المقابله أنا كنت حيل خايفه منها بس سههاااالاااات

وعن الدكاترة الزينين ؟:

ماعرف دكاترة العربي لأن توني أول كورس وماخذيت مواد تخصص بس إنحاشي عن فتحي عبده

وشلون أسوي جدول ؟

الجدول يعطونج إياه جاهز يعطونج 4 جداول وتختارين واحد منهم بس تعالي مبجججر

وطريقة الدوامهم ( دوام منتظم ولا ساعات متفرقة)؟

لأ ساعات متفرقه

عدد الوحدات في الكورس ؟

على حسب

وشنو المواد ؟

اول كورس الجدول جاهز والكورس الثاني إنتي تختارين جدولج

وكم مادة لازم أخذا ؟

همن على حسب المواد المفتوحه

وكم المكافأه ( الإعانة )؟

الإعانه 100 ومكافئة التخصص النادر 250 كل كورس

وترى في مساند حق اللغه العربيه تختارين يا إجتماعيات أو إسلاميه

وبس أي سؤال أنا حاضره[/color]

انا تخصصي كان لغة انجليزية
مادري لغة عربية شلون طرقتهم ( المقابلة … )
انشاله البنات يفيدونج

عن المقابلة شلون يعني شنو يسألوني؟

لآ اتحآتين المقآبلة حدهآ سهلة مآ تآثر بشئ

وعن الدكاترة الزينين ؟

امم عندج عآدل الصراف زين , محمد نعنآع , اشقر ومآ أخوفج بس دكآترة العربي أغلبهم مو ذآك الزود كل الي عليج اتشدين حيلج وأي دكتور تبين تسالين عنه أحنآ بالخدمة …

وشلون أسوي جدول ؟

بمآ أنج مستجدة فالجدول ثآبت من عندهم بس تعآلي مبجر عشآن تختآرين الجدول اللي فيه آلموآد وآلدكآترة والأوقآت الحلوة واهمآ بيعطونج اكثر من جدول فحآولي تآخذين اللي فيه وحدآت أكثر لأن خآف سبحآن الله تبين آتحولين شئ …

وطريقة الدوامهم ( دوام منتظم ولا ساعات متفرقة)؟

الدوآم آختيآري لج تبين آلسآعات ورآ بعض أو متفرقة بس مثل مآ قلت كونج مستجدة فآلوقت رآح يكون من عندهم هآلكورس أمآ الكورسآت البآجية بكيفج …

عدد الوحدات في الكورس ؟

امم اخذي اللي يريحج بس حآولي فوق 14 وحدة يعني اخذي 16 أو 17

وشنو المواد ؟

موآد العربي رآح اتكون مكتوبة فآلمجرشيت اللي رآح يعطونج آياه يعني تاخذون بلاغة , نحو , صرف , ادب … الخ

وكم مادة لازم أخذا ؟

الموآد في عليها وحدتين وفي 3 وحدآت وفي وحدة وانتي شوفي جم يريحج بس مثل ما قلت لج اخذي 16 او 17 وحدة عاد شوفي جم مادة يطلعون لان كل مادة تختلف عدد وحدآتهآ

وكم المكافأه ( الإعانة )؟

100 ومكافآة للتخصص النادر 250

وموفقة يآ قلبي …

Up
up
up

تسلمين يالغاليه ما قصرتي والله انج فدتيني يمال العافيه

وان شاء الله اخدمج بالافراح ههههههههه

مشكوره حبيبتي على الرد

المهم رفعتي الموضوع الله يرفع قدرج

مشكوووووووووووووره لا خلا ولا عدم

داشه بساعدج بس البنات كفوو ووفو قالو الي بقووله

الله يرووفقج حياتي
واي سؤال احنا بالخدمه