|
|
مرحبا يا بنات الكلية
طبعا من العنوان بتقولون عني داخه ومادري وين الله قاطني
بس المشكله ان تخصصي فنية وكله مقطوطه بالملحق ومادري عن الرئيسي شي
فاي قرار واي اعلان يقولونه انا مادري عنه
حته تسجيل الصيفي ماكنت ادري عنه وطافني
ومادريت عنه الا لما رفيجتي تسالني شنو سجلت حق الصيفي وطبعا انا مثل الدايخه ماكنت ادري عن شي
وانا الكوس الياي تربية عملية
وباقيلي بس لياقة بدنية وكنت باخذها بالصيفي لان مابي اخذ مواد مع الميداني
ابي اعرف بالسحب والاضافه يحطونها لي ولا لا
وشسوي عشان ينزلونها لي
بليز بليز ابي مساعدتكم لاني عليمية بهالاشياء
صج وابي بعد شي
ادري مصختها بس ماعليه سامحوني
متى اول يوم تسجيل الكورس الياي من الانترنت ؟
لان اتوقع انا اول يوم بس مادري متى وموقعهم التعبان موقاعد يتبطل
وعلى الرسوم لازم ادفعهم قبل التسجيل بالانترنت ولا عادي عقب ؟؟؟؟
يلا عاد جاوبو على كل اسالتي.gif "Eh S(3)")
روحي للتسجيل وأسأليهم عن الصيفي إذا يصير تضيفين بالسحب والإضافة ..
الكورس الأول تسجيله بدا اليوم .. أنا توني مسجله كان موعدي الساعة 10 . 30
ولا تسوين مثلي .. دشيت النت بموعد تسجيلي بسجل جان تطلع لي مسج " يرجى دفع الرسوم " ما فتح معاي شي
ليما وصيت بنت الله يجزاها خير شرتلي الطابع لأني كنت بالبيت "يجعلهم ما يتهنون بالخمسة .. نصرف عليهم هم وكليتهم الخايسة ..
المهم أنتي أكيد موعد تسجيلج اليوم لأنه اليوم خريجات