|
|
السلام عليكم
تخصصي تربية خاصة بس بحوّل وحدددي ضايعة بالطوشة
مادري وين أروح
قلت حاسوب قالولي ماكو دكاترة بالقسم !!!
عندهم نقص و بنات متأخرين عن التخرج و مادري شنو و حالتهم حالة مادري شالسالفة
قلت تكنولوجيا التعليم ( اللي مادري شنو اهو بالضبط / شنو أدرّس بعدين ؟؟ )
قالولي حرام انتي معدلج مرتفع
قلت انجليزي قالولي صعععععععب صععععب و الدكاترة أكثرهم مو شي
و اذا انتي نص و نص بالانجليزي ما بتمشين فيه خرعوني البنات 
شرايكم بهالتخصصات الثلاث
يا ليت اللي تدرس واحد من هالتخصصات تتكلم عنّه
شلون الدراسة و الدكاترة و الوظيفة عقب بليييز ساعدوني
و لكم دعوة من صميم قلللللللبي
تكنلوجيا تعليم تصيرين ابلة تقنيات معاشج اقل من المدرسه بس الحلو انه كل الوزارات يبونج و شركات و جذي الكل يبيج مو بس تربيه و موادهم حلوه بس شوي شغل و في سوالف تشترين اشياء و طلبات من طقة الفنيه يعني شوي مكلف
انجليزي بالعكككس دكاترتهم وااايد زينين التخصص وايد حلوو و طبعا اذا انتي ما تعرفين بالانجليزي كلش ما تنفعين بس مو معناته لازم تكونين فلته لا طبعا
عموما كل شي انتي حابته راح تستسهلينه و تحبينه شوفي انتي شنو حابه و شنو تبين
يسلمو حبيبتي ما قصرتي
آنا حابه حاسوب بالدرجة الأولى من ثم انجليزي
بس شكلي بصرف النظر عن الأول بسبب القسم نفسه ماني ناقصة تأخر
و لغتي الانجليزية بشكل عام كتابة و قراءة مو فلته بس جيدين بالثانوية كنت دايمًا آخذ a أو b
لكن أعاني شوي من خجل بالكلام و حصيلتي اللغوية مو ذاك الزود
لهالسبب اخاف ادخل و انصدم بصعوبة المواد
فكرت آخذ دورات انجليزي أتقوّى أكثثثر راح أقدر أمشّي حالي ؟؟ محتارة
يا ليت تكلموني أكثر عنهم عالأقل أرتاح نفسيا و أقدر أقرر
الكلام يساعد و يريّح
ماده والانجليزي عااالم اخر والحاسوب لا تعليق؟؟
اذا قصدج ودج تصيرين مدرسه ؟؟
انــــــــــــــا اختي تكنولوجيا وحولت اسلاميه
لان الاسلاميه والله سهل ودكاترهم
حلوييين ويكفي تدرسين ابتدائي يعني رااااااااحه واجر لج بالدنيا و
الاخره انا ما ابي ازيد حيرتج لكن الحين اهو التخصص الاعلى
معدل للقبول بعد ماصكروا رياض الاطفال وعلوم الاسرة والمستهلك
نصيحتي لله فالله انا بالكليه معاك وعارفه معانات اغلب التخصصات
حطيتج مكان اختي وانتي وخيارج؟؟
اذا حيل محتاره صلي الاستخارة واقري الدعاء وراح
ترتاحين بأذن الله؟؟
نصيـــــــــــــــــ؛ـــــــــــــــــحـــــــــــ ـــــــــــــــــــــــه
اهم شي تحبين التخصص اللي راح تختارينه وراج اربع سنين
عشان ترتاحين وتستمتعين فيهم (:
اختي انا تخصصي انجليزي
و موصعب ولا شي بالعكس عااادي وحلووو والدكاترة بعد حبوبين وخوش ناس مع
اللي تلتزم بالحضور ومحترمة بالمحاضرة
و موشرط تكوونين فلتة بالانجليزي .. بالعكس اهم شي انه مايكون عندج مشكلة بالقراءة والكتابة
والمحادثة بعد مهمة .. اذا ودج فيه صلي الاستخارة وادخلي دورات انجليزي عشان تتقوين
ونصيحة قوي نفسج بالكتابة لانها ضرورية لباجي المقررات .. تدرين ليش ؟؟
لان لما توصلين سنة ثالثة تصير اغلب الاسئلة في الامتحانات مقالية ويبيلها تلتزمين بقواعد الكتابة <<الدكاترة بدوا يشددون عليها
وحاولي تضبطون روحج بالقواعد لانه لي الحين ماعندنا مقرر حق القواعد .. بس مقرر "نحو" syntax
.. وباقي المواد حلوة وممتعة خصوصا الأدب <<< اموووت عليهِ….
وبالنسبة للدكاترة حيل حبوبين وراقين بتعاملهم اهم شي تبين لهم انج مهتمة وحريصة عالمشاركة .. يعني بيني لهم انج تحاولين
تقدمين احسن ماعندج .. والطالبة الملتزمة واللي يشوفونها بالمحاضرة مهمتة معاهم وتشارك حيل يقدرونها بالفاينل
وأي استفسار أنا حااضرة
عسى الله يوفقج .. ولاتنسين صلاة الاستخاارة
شفيه الحاسوب .. انا الحمدالله ماشيه فيه وكل كورس اخذ 15 او 18 واخذ صيفي وماشية تمام !!! اهو بس ايام التسجيل بكل الاقسام تصير حوسه ماكو مواد والخ ولكن رئيس قسمنا جزاه الله خير ما يقصر ويبطل لنا مواد وايد ..!!
انا الحين 3 سنة تقريبا مو شايفه شيء يهبل .. بالعكس ممتع في ناحية التدريس يعني متعه ودراسة …اما الانجليزي ياربي عليه
وعلى فكرة تخصصنا مساند رياضيات تقريبا 5 مواد بس رياضيات ويعتمد على الانجليزي
ما ادري منو الي علقت وقالت لا تعليق على الحاااسوب !!! بس انا اقول الي مو داخله هالمجال مالها حق تتكلم فيه !! هي شدراها شنو ندرس شنو ما ندرس !
دراااسه تواكب العصر وتفيدج بكل المجالات ومو شرط تصرين مدرسة ومو شرط تصيرين مدرسة ابتدائي لج حرية الاختيار
والله يوفقج
مشكورة ام فواز ما قصرتي على افادتج
بس المشكلة سمعت انه تخصص التكنولوجيا معاشهم اقل من المدرسة ؟ مادري ؟
ناناز الاسلامية صح سهل و حتى تدريس هالمادة أحسه ممتع
لأنه ممكن تتكلمين عن أشياء من واقع الحياة
بس بالنسبة لي خيار بعييييد مو لايق علي مدرّسة إسلامية
الله يعين ان شاءالله راح أصلي استخارة اليوم و الخيرة فيما اختاره الله
و هم أحس الحين خفّت الحيرة مخي نظف و قدرت أرتب أفكاري و أولوياتي
كرستال والله فدتيني وايد تسلميييييييين
و أكيد راح أصلي استخارة اليوم و ان شاءالله خير
توجان الله يعطيج العافية
يسلمو حبيبتي باجر بروح أسأل و أشوف
ريمــاس الله يهداهم بعض البنات احس يبالغون و يخلون الوحدة تخترع
اللي تقول عادي تقعدين كورس على مادتين بس
و اللي تقول آنا 4 سنين لي الحين ما خذيت مواد التخصص
تسلمين حبيبتي
ما قصرتوا بنات كلكم
جزاكم الله خير و الله يطمّن بالكم مثل ما طمنتوا بالي
انا مره سجلت عند دكتور رياضيات ويوم دروا البنات يتصايحون يقولونمن صجكك ما يفهم ولا يعطي درجات والخ اسحبي احسلج تراه يخسف المعدل وبلاوي الدنيا
وماكان عندي مواد وقلت امري لله ماخذتها ماخذتها
والله انه اسلوب محترم ويشرح من قلبه … حتى مره قلت له دكتور ترا وايد قالولي لا اسجل عندك قالي ماعليج باحد ..!! وصج مالج شغل باحد
تلقينها تضحك بالمحاضرة ولا تتاخر ولا عندها انضباط وتطلع حجي من عندها
والله كل واحد وشخصيته ماشيه سيدة تدرسين
ههههههههههههههههههههههههههههههه مستحيل بنت ماخذت مواد تخصص تعرفين مستحيل !!!
اصلا كل المجر شيت تقريبا تخصص والباقي حوالي 12 ماده بس تقريبا عامة واختياريه و4 سنين كم خلصت يا تراااا
حجي بنات لا تصدقين خيتواااا ومستحيل الكليه تقبل بالشيء .. اصلا يرفضون اي طالبة تمشي باقل من 12 وحده ولج الحق وغصبن عنهم يعطونج 15 وحده اذا رحتي للادارة تطمني حبيبتي والله هذرة بنات
واخذي الي يريحج اهم شيء حياتج ومجال توضيفج !!
=")
ونصيحه ترا اذا سمعت الكلام راح تضيعين لان ع حسب ميول البنت وانا اقوووووولج اهم شي انتي تحسين انج بترتاحين بالتخصص دشي ماعليج من احد
وموفقه ان شاء الله