بنات الاداريه ممكن ادلوني وين اروح ؟؟

السلام عليكم

اذا ممكن وحده تتكرم وتتلطف وتدليني طريجي

انا الحمدالله يارب ادل اروح الاداريه بس ولا مره كان عندي ماده بشويخ

اول شي عندي ماده بالعلوم الاداريه مقدمة في المحاسبة مبني 2 شلوووووون اروحله من اي بوابه ؟؟

وبعدييييين عندي بشويخ ثقافه اسلامية مبنى 5 شلوووون اروحله ؟؟ وهل مبنى 2 بعيد وايد عن مبنى 5 ؟؟ (عشان اعرف البس كعب ولا فلااات)

انزين وشكثر يبيلي وقت عشان القى مصفط ؟؟
وسؤال اخير اذا مبنى 5 بعيد عن مبنى 2 يعني يحتاج اصفط سيارتي صوب المبنى الثاني عقب ما اخلص المحاضرة الاولى ؟؟ (وايد طويله الجمله مالها داعي)

وبالتوفييييييييييج حق الكل وانشاء الله باجر يكون خفيف علينا
ويعيني ويعينكم عل الحر والزحمه

يعني الي ما ادل لييييييييييييش ادش !!!! (يعني معصبه)

يلا بنات دلووووووووووني وين اصفط وين اغبر بعمري

وبنات انا اخر مره حفيت حق العيد تتوقعون يبين ولا عادي ؟؟ (جنه ما يبين)

المهم دلوني اخاف انام

كلية العلوم الادارية مبنى 2 قبالها على طول كلية العلوم الاجتماعيه مبنى5

بشويخ في تقريبا 12 باركينج مصافط

صفطي بالمصفط اللي يعجبج و طبعا كل مصفط في باصات,, ركبي الباص و يقطج داخل الكليات, بس قبلها سأليه يودي داخل الكليه ولا لآ لانه في بعض الباصات يودون كيفان و الخالديه

الباص ياخذله بو 5 دقايق على ما يمشي ما يطول وايد فا انتي لا اتين الجامعه حدا حدا بالوقت

و نصيحه خلج عمليه باللبس اريحلج و على راحتج و ربي يوفقج

على فكره ترى ما يدخلون سيارتج داخل الكليات منعا للزحمة و المداعم

يدخلون السيارات و را الساعه 2 العصر تخف الزحمه داخل الكلية

حبيبتي احسلج صفطي p6 اذا بتروحين ادارية والباص راح يقطج على باب الادارية على طوول
و p12 او p11 حق الاجتماعية وعاد اجتماعية جبال الادارية انشاالله ماكو تعب بس طلعي من ادارية صوب السيركل اللي جنج رايحة الكفتيريا راح تكون على يمينج الاجتماعية دشيها وشوفي وين كلاسج عاد انا الاجتماعية ما ادلها واايد فأنتي سألي احسن وانشاالله ما يقصرون معاج

Good Luck

مشكووووووووووووووورين وايد

وسالفة الكعب والله susaaan 11 ما اقدر ما البس يعني البس عبايه لازم كعب البس جينز لازم كعب (طبعا الكعب مو حيل طويل نفس الهبه الحين درااااام لالا كعب متوسط) شسوي طولي 157 يبيلي شوي طول

وخلاص بسمع كلامج اخت الميار بصفط اب p6 بس مالي خلق اركب الباص خل اروح مشي مايصير ؟؟

هههه عادي والله لبسي اللي يريحج مالج شغل باحد

بس على فكره ترى الباركينج كلها كلها كلها ادخلج داخل الجامعه

يعني ماكو مصافط حق اداريه بس و ماكو مصافط على اجتماعيه او حقوق,, كل المصافط يدخلونج داخل الكليات تلقين كليه العلوم الاداريه على يمينج و الاجتماعيه و الحقوق على يسارج او العكس فا انتي المصفط اللي ترتاحينله صفطي فيه لانه كل الطرق تؤدي الى روما لوول

لووووول اوكي

ثانكس

موفقة ان شاء الله