|
|
السلام عليكم
اشلونكم يا معلمات الله يعطيكم العافية
اشلونكم ويا المراقبه والكنترول والتصحيح
احنا يوم الخميس يخلصون الطالبات اختبارات
و الله يوفق طالبات صفوفي قلبي معاهم والله أحبهم وبالذات الصف الحادي عشر
مشتهيه بس انا اللي اصلح امتحاناتهم اخاف باجي الابلات ما يرحمونهم بالتصحيح.gif "Eh S(2)")
المهم
بغيت اعرف شنو فايدة استدعاء ولي الامر!!!؟
خاصه ان ابي الطالبة اللي قلت ادبها ولا احترمتني جدام باجي الطالبات
ووقفت لي على طولها وتصارخ جني اصغر عيالها والمشاغبات اللي معاها يشجعونها
وكانت ردة فعلي خزيتها خزه وما خلصت كلامها وفتحت دفتر العلامات ونقصتها
بعدها بكل برود اعصاب واهي للحين تتكلم قلت ياللا بنات خلونا نكمل الدرس
اهني عاد اسكتت
بس هم حرررتي ما ابردت ابي رد اعتبار
واحس ان ولي الامر ما راح يسوي شي
ولا راح ارضى بالاعتذار الا جدام باجي الطالبات
والا ايشرايكم؟
نقصي الدرجه وبس وخلي اسلوبج شديد
اذا حطيتي راسج براسهم بتكثر المشااكل
فأحسن شي اكسري شوكتها
وناديها بالقسم وشرشحيها جدام كل الابلات
نفس ما سوت جدام كل الطالبات
تفاهمي ويا مدرستج الاولى
والوكيلة
انها تعتذر لج جدام اللي اللي صارخت عليج جدامهم
وكيلتنا اللي قبل كانت اتسوي جذي
اتوقفها بالطابور و اتنادينا يالله فلانة اعتذري و بوسي راسها
انا صارت وياي وحده من البنات عوبه وقليلة ادب تسوي حركات بتضحك البنات طردتها وقتلها روحي للوكيله عقب ربع ساعه يت واهي تبوسم الله وكيلج قتلها ليش ييتي مابيج بحصتي عقب الحصه ردت بنفسي للناظره ونادتها هزئتها شرشحتها ولي يومج هذا تسوي روحها مجتهده وماشيه سيده وياي وصارت عبره لغيرهااااا ..
بيني وبينج اهوا بعد ع حسب الاداره ، عموما البنات ماينعطون ويه المؤدبه تعاملي وياها قليلة الادب تعاملي وياها بالمنهج والشرح ولاتاخذين وتعطين معاهااا ترى صج اكتشفت بنات الثنوي ماينعطون ويه موليه …