|
|
قوه بنات
انا اتعالج برويال حياة عند الدكتوره حفصه ابي اسوي عندها طفل انابيب
المهم بعد ابرة decapeptyl تأخرت علي الدوره ونزلت بعد اسبوع من تأخيرها
واليوم لي ثاني ايام الدوره ولما سوتلي الدكتوره سونار لقت على المبيض كيس
وقالتلي بكره راح اسويلج عمليه اشيل الكيس وانا صراحه سويت نفس هالعمليه عند الدكتور منصور العرف من قبل
وكنت مسويتها وانا مطمنه من شطارته ولا احاتي واللحين صراحه خفت ما ادري ليش !!
يمكن لأن المستشفى جديد !! او دكتور التخدير مو شاطر !!
او الدكتوره موشاطره لهالعمليه اخاف تشيل المبيض مع الكيس 
والله خايفه ادعولي وطمنوني للي مرت بهالتجربه
توكلي على الحي الذي لا يموت وان شاء الله تتيسر عمليتج وتتسهل بفضل الله سبحانه
وان شاء الله هالعملية تكون فاتحة خير عليج ويرزقج ربي الذرية الطيبة الصالحة المعافاة
اسأل الله العظيم رب العرش العظيم ان يشفيج …. اللهم اجبر بخاطر اختنا اغصان ويسر عمليتها وارزقها الذرية الطيبة الصالحة
اللهم آمين
الله يقومج بالسلامة ويرزقج يارب بالذرية الصالحة ويفرح قلبج
توكلي على الله ولا تخافين اقري قران قبل لا تدشين غرفة العمليات وادعي وربج كريم يكون معاج ويحفظج من كل شر
انا مسويتها 3 مرات مرتين فتح شبر تقريبا ومرة فتحات
الله يرزقكم كلكم يا بنات ويفرحكم
سويها و توكلي على الله و اذا قعدتي الصبح على خيرر اقري اذكار الصباح و اقري المعوذات و آية الكرسي و انشالله خيرر
طمنينا عليج
يا رب السموات الارض و ما بينها اشفي اخيتي اغصان و لا تذرها فردا و انت خير الرازقين
بس انتي جم صارله الجيس وحم حجمه اللي على طول بتسويلج عملية؟ وبتسويلج منظار ولا شنو؟
طمنتيني بدعائج اللي ريح بالي عسى ربي يرزقج بالذريه الصالحه اللهم آمييييييييين
ان شاءالله تقومين بسلامه وتبشرينااا بصحتج
والله يحفظج يارب
أغلب مراجعينها تأخر الانجاب و مشاكله
كل ما أروح لها يقولون لي عندها عملية
أنا مرة سويت تلقيح صناعي و طلبت بنج عام و لما صحيت من البنج كلنت يمي وحدة الدكتورة شاليلة لها الجيس حتى قعدوها و وروها اياه
لا تخافين
وان شاءالله راح اقرا قرآن الصبح قبل لا ادش العمليات
بس ليش عملياتج فتح ؟ انا يسونها لي من غير فتح يعني مهبليه !
ناطرينج تبشرينا بعد العملية باذن الله بالاخبار الطيبة ..لا باس عليج
طمنتيني عسى ربي يطمن قلبج يارب
ومشكوره ياقلبي على دعائج اللي ونسني ولك بالمثل ان شاءالله
|
المشاركة الأصلية كتبت بواسطة brat
 أسأل الله العظيم رب العرش العظيم أن يشفيج والله يرزقج بالذرية الصالحة
بس انتي جم صارله الجيس وحم حجمه اللي على طول بتسويلج عملية؟ وبتسويلج منظار ولا شنو؟ |
والله ما ادري كم حجمه بس اهو طلعلي بعد الابره وبتشيلها علشان ابتدي بعلاج طفل الانابيب من ثاني يوم
ومشكوره ياقلبي على دعائج ولك بالمثل يارب
فديتج ماقصرتي بدعائج ولج بالمثل اللهم آميييييييييين
|
المشاركة الأصلية كتبت بواسطة . رايا .
أغصان دكتورة حفصة تخصصها هالسوالف
أغلب مراجعينها تأخر الانجاب و مشاكله كل ما أروح لها يقولون لي عندها عملية أنا مرة سويت تلقيح صناعي و طلبت بنج عام و لما صحيت من البنج كلنت يمي وحدة الدكتورة شاليلة لها الجيس حتى قعدوها و وروها اياه لا تخافين |
عسى ربي يطمن قلبج مثل ماطمنتي قلبي
والله ريحتيني بردج عسى ربي يرزقج باللي تمنينه يارب
اللحين اقدر انام من غير ما احاتي 