|
|
اشلونكم بنات عساكم بخير
بصراحه انا عندي مشكله تخص صديقه عزيزه علي قلبي وانا واياها محتارين لاني كنت بساعدها باي طريقه بس قلت اقول لكم استشريكم يمكن تنصحوني
لي صديقه تشتغل 12سنوات بالوزراه كويتيه مو متزوجه وتعاني من قرحه بالمعده ومن زمان تتعالج وقدمت تقاريرها خارج الكويت قالوا لها حالتج تحتاج دخول المستشفي وعلاج مكثف وزاره الصحه راموا اورقها وقالوا لها ههذا حجي فاضي بره الكويت بس يبون فلوسكم _ وصداع مزمن من الصغر لانه وراثه نفس اختها وحالتها طول هالسنوات تعبانه بين المستشفيات بس تتحمل لانها تصرف علي اخوانها صغار ابوها عاجز عن العمل وحالتهم الماديه صعبه اشوي الله يرحم حالنا وحالها
المهم البنت قدمت علي تقاعد طبي
لانها اوصلت لمرحله من كثر الاستفراغ اليومي ما تتحكم بعضلات اريولها صار ارتخاء فتطيح اكثر من مره بحمام الدوام حالتها جدا صعبه اهي قريبه لي تقولي شنو فيها بس صعب اكتب الحاله اللي توصل لها لما تستفرغ بالعمل شي يضيق الخلق ولا حول ولا قوه الا بالله
انا لو ما اعرف حالتها ما كنت بسعي معاها
ارشدوني
شنو تسوي الوزراه الصحه ما تبي تعطيعها تقاعد طبي يقولون لو فيج اسم الله علينا سرطان نعطيج وعادي كل يوم استفرغي بالدوام مو مشكله شنو الحل
اي شي تبينه تحصلونه بالواسطه لا تتعب عمرها بس خل تدور لها على واسطه وماكو الا الخير
واللي ما عندها واسطه تتحمل الضيم بس من واين الواسطه !
الشكوي لله
المرض مو بيد الانسان وانا اصبرها بالاستغفار والدعاء عسي ربي يشافيها ويفرج عنها بس الشغل والمراجعين يبون وحده لها خلق والمرض ما يحسن حال وضغوط الدوام والمشاكل تزيد من حالتها انا علي طول معاها بالمستشفيات الحمد لله علي كل حال الله يفرجها
بس نصيحتي لها لاتيأس واذا تقدر تكلم نواب خل تكلم وتكتب بالجرايد اذا قدرت ماضاع حق وراه مطالب والله يكون في عونها ان شاء الله
بس نصيحتي لها لاتيأس واذا تقدر تكلم نواب خل تكلم وتكتب بالجرايد اذا قدرت ماضاع حق وراه مطالب والله يكون في عونها ان شاء الله
وان شاءالله يلبون نداءها
الله يعينها والصراحه انتي بعد تستحقين الشكر لان نادر اذا وحده مرضت تتحملها صديقتها بهالزمن
يكفيني انكم عنيتوا نفسكم وكتبتم لي تشاركروني لاني صج محتاره مو عارفه شسوي لها صديقه عمر واشوف حالتها
الله يفرجها الله لا يحرمني من ودكم ووصلكم يا رب
الله يفرج لها ويكتب لها إللي فيه الخير
طيب جان دور واسطة
الله يشافيها من كل مكرووووه
خل تدور واسطه والا تنشر قصتها بالجرايد