|
|
السلام عليكم اشلونكم شخباركم
بنات انا حاطه الدفتر بيديني وادرس
صايره طالبه مجتهده على كبر
وراي امتحانات ادعولي انجح
وافتك من عقدة الاهمال
المهم بنات انا مالي بسوالف الترتيب ابي اصير مرتبه
ومو مهمله
خلاص طقت جبدي من الاهمال
خل اقولكم مشكلتي ان البيت عفيسه
وانا ماعرف ارتب ولا اعرف وين احط الاقراض
عند مكتبة التلفزيون تلقون كتب يم الكتب تلقون
عطرين موجودين شكو مادري وفوق اعلى المكتبه
فيه غسول الويه طبها صارله تقريبا اسبوعين اذا مو اكثر
ولبس مال الكلينكس والعسل محطوط يمهم بعد
انروح صوب الدروج ياهي عفيسه
فوق الكبت مال الدروج فيه كرتونين وفيه قوطي خل الابيض
خذيته من عمتي عشان بنتي كانت مريضه كنت اسويلها كمادات
ولي اليوم هذا مكانه فيه لوشن واكل بنتي موجود هما
وفي بندول وفي قوطي الككاو اللي لونه بنفسجي الككاو الطويل عرفتوه
وفي فازلين
انيي حق داخل الدرج الدرج الاول فيه مجموعة ادويه ملوت الكمام
وفي علبة ليت وفي بلسم مال اليهال
الدرج الثاني فيه كتبي
طبعا الدرج مو مكفي حق كل الكتب فقاطه بعضهم داخل الكبت مال الملابس
الدرج الثالث فيه ورق جدران
الدرج الرابع فيه دلاقات ريلي ملوت الدوام
الدرج الخامس فيه لعبه رومانسيه
وفيه ليتات
وبصراحه حاسه انه كله عفيسه ومو عارفه من وين ابتدي
ياليت اتساعدوني بدون اطنازه 
لاني ابي اصير سنعه ومابي احد يعيب علي
واذا عجبكم موضوعي بكمل
لانه مطولين ههههه
كل يوم عطي نفسج بريك ساعه او ساعه ونص
وعدلي شي
ابدي اول شي بالكبت اللى بالصاله عدلي ونظفي وفوطه صغيره ومسحي وكل شي حطيه مكانه واللى مامنه فايده لاتكودين قطي
بعدين خلاص ارتاحي
والمره الجايه غرفه النوم الكبت جردي الملابس وحطي معطرات وبخريه ورتبي على حسب الشكل اللون الخام اللى تحبين وعطريها وبخيريها وصكي على الكبت
التسريحه مسكيها اللى ماتستخدمينه قطيه لاتكودين والمكياج جردي والشباصات بعلبه بلاستيك وصكي عليه العطور بناحيه الكريمات بناحيه وبجذي خلصتي التسريحه
وكل يوم اخذي شي بتلقين بظرف اسبوع بيتج يلق لق
وعلمي نفسج ان خلصتي من شي حطيه بمكانه
وفوق الكبت روحي ايكيا وجيب الصناديق الكبيره على لون دارج وحطي فيها الاشياء اللى ماتحتاجينها الحين وصفيها شكل حلو ومرتب
وللحمام اشتري سلات برامز اقل من دينار كبار والوان واشكال حطي فيه اغراضج بسله لون اغراض زوجج سله لون ثاني وبنتج
وصفيهم بكبت صغير وكل مابغوا كل واحد وسلته وان خلص يردها
عاد الريايل ما يحبون الا الترتيب والنظافه
لا تخلين ريلج يشوف منج جذي
ترى باجر لو صارت مشكله بينكم الله لا يقو وكبرت
اول شي بقوله كعذر
مرتي وصخه والبيت كله عفيسه ووصخ
لا تستغربين ترى حزتها بتنصدمين وتتمنين لو انج منظفه المكان
شوفي حبيبتي احسن حل
روحي ايكيا في كراتين و سلال وعلب حق كل شي
وعاد قعدي ورتبي
حطيلج سله فيها اغراض بنتج حفاضاتها والكلنكس المرطب ودواها وغيره
وسله حطي كريماتج فيهااا
وسله حطي اكسسواراتج وسله حق عطوراتج
وهكذاا ,,
صدقيني السلال بترتب لج المكااان ومثل ما قالت ام عفاف
كل يوم قعدي ساعتين رتبي فيهم
حطي يمج جيس زباله عزج الله
وكل شي ما تبينه قطيه لا تتحسفين عليه ولا يمكن احتاجه
اذا اهو صارله مده عندج وما ستخدمتيه ما توقع تبينه
مشكورين فديتكم وان شاء الله راح اطبق اللي قلتولي عليه
حبيبتي بلشي بصاله اول وبعدين غرفة النوم اي شي عندج من لبس زايد اواي شي ثاني حطيهم بعلب بلاستيك كبير وودي عند اهلج او تصدقي فيه ولمطبخ كدلك ولحمأم حطيلج سله فيها كدا ارفف وحطي فيها لوازم لحمام مه التنسيق والفنتكه بشغل
ووحطيهم بالمكتبة
واعملي تصنيف غعلى اغراضج
بوكس كتب
بوكس اوراق
بوكس نثريات
وهكذا
وحلو الترتيب وابتعدي عن شراء الشي اللي مو محتاجته عشان ما تزيد الدثرة والحوسة
انتي عكسي تماما
انا اسولف مع الناظره واشوف ايدي بروحها ترتب مكتب الناظره
عطرين موجودين شكو مادري وفوق اعلى المكتبه
فيه غسول الويه طبها صارله تقريبا اسبوعين اذا مو اكثر
ولبس مال الكلينكس والعسل محطوط يمهم بعد
اول شي ترتتبين الكتب واذا مافي مكان روحي اشتري ارفف تلقين الارفف بكل مكان
ايكيا والضجيج متروسه محلات اثاث اخذيلج ارفف ورتبي فيها الكتب
العطور شيليهم وحطيهم بدارج وغسول الويه حطي بالحمام
اذا عندج ادراج في الحمام حطيهم داخل الدرج واذا ماعندج اشتري ارفف حتى بلاوزم العائله تحصلينهم
ورتبي كل شغلج الاغراضي الي تستخدمينها بالحمام لازم تنحط هنااااك
والعسل شيليه وحطيه بالمطبخ ولبس الكلينكس لبسيه حق الكلنكس
انروح صوب الدروج ياهي عفيسه
فوق الكبت مال الدروج فيه كرتونين وفيه قوطي خل الابيض
خذيته من عمتي عشان بنتي كانت مريضه كنت اسويلها كمادات
ولي اليوم هذا مكانه فيه لوشن واكل بنتي موجود هما
وفي بندول وفي قوطي الككاو اللي لونه بنفسجي الككاو الطويل عرفتوه
وفي فازلين
انيي حق داخل الدرج الدرج الاول فيه مجموعة ادويه ملوت الكمام
وفي علبة ليت وفي بلسم مال اليهال
الدرج الثاني فيه كتبي
طبعا الدرج مو مكفي حق كل الكتب فقاطه بعضهم داخل الكبت مال الملابس
حبيبتي الادويه كلها شيلها وحطيها بدرج مخصص لها يكون بس للادوية
والكريمات كلها شيلها وحطيها مع بعض
الكتب اشتريلج مكتبة والله رخاص مكودين بالضجيج (الفروانيه) ورتبي كتبج فيها
الدرج الثالث فيه ورق جدران
الدرج الرابع فيه دلاقات ريلي ملوت الدوام
الدرج الخامس فيه لعبه رومانسيه
وفيه ليتات
شيلي ورق الجدران والليتات وحطيهم في المخزن
دلاقات ريلج رتبيهم وتلقين بايكيا بوكس مقسم ينحط داخل الدرج حطي فيهم دلاقات ريلج
بالطريقه بيكونون مرتبين
اللعبة الرومانسيه شيلها وخشيها بكبتج مو حلو اهنا تنحط بماكن الكل يقدر يشووفه
حبيبتي رووحي ايكيا وراح تلقين كل الي تبينه لازم تاخذين لج كبت وارفف
الكبت علشااان ترتبين حوسة الكتب والارفف بعد
ويبيلج رف مكرمه للحمام تحطين فيه غسوولج وفوطج وكل شي تستخدمينه
حبيبتي ودي اساعدج اكثر اصلاااو دي ارووح معاج نرتب 
روووحي قسم الترتيب والتنظيف ماشاءالله البنات هناك مايقصرون ورحي اخذي فررره
بالقسم وشوفي البنات يشلون يرتبون لانه مرات ينزلون صور فيكون اسهل
ورووحي قسم الاثاث شوفي البنات ماشاءالله منزلين صور غرفهم وشلون مرتبينهم
ان شاءالله ترتبين بيتج دوووووم مويوووم انتي مرتبه بس الكسل اهو الي ذابحج ان شاءالله تتغلبين عليه
والله يهديج ويهدي زوجج لج ان شاءالله
سمعي حبيبتي قطوه ورديه مبين عليج طيوبه ونظيفه بس يمكن ماتربيتي على حمل المسؤليه
سوي مثل ماقالت عفاف الكويت واذا تقدرين تستعينيين بخدامة امج ولا خدامة خالتج او حتى خدامه اللي بالاجار اللي تاخذينها بالساعات وبعدين تردينها
اول شي اخذي ورقه وقلم ودوري على الشقه وسجلي بالورقه كل مكان اش محتاجه تعدلين فيه واذا كان محتاجه تشترين له شي
يعني مثلا دخلي المطبخ وشوفي شنو محتاج تنظفين فيه وسجلي بالورقه النواقص سله فوط كراتين تحطين فيهم الاشياء الزايده شوفي عاد انتي اش محتاجه
وجذي كل مكان بالبيت
روحي السوق واشتري الاشياء المحتاجتها
حددي كل يوم مكان ترتبينه ولو قدرتي تجيبين خدامه تساعدج احسن {بالنسبه لي لما تصير عندي حملة تنظيفات احب اخلص شغلي كله بيوم واحد عشان جذي اصرف العيال واذا قدرت اجيب خدامه تساعدني }
المهم لو بديتي بالمطبخ مثلا
دخلي وحددي الاشياء اللي ماتبينها قطيها مثل ماقالت عفاف الكويت لاتكودينها
واذا في اشياء بترتبينها بكراتين {اذا مطبخج صغير والكبت مايكفي لكل الاقراض لاتخلينهم منثرين بره صفيهم بكرتون حلو وحطيه على الكبت}
اذا خلصتي من الكبت
نظفي الثلاجه {بالنسبه لي استخدم الحافظات وايد في الثلاجه عشان الاكل ينحفظ مده اطول وعشان الثلاجه تصير مرتبه}
وبعدها روحي للفرن ونظفيه
عقبها غسلي المطبخ
ولما تخلصين من تنظيف المطبخ حافظي على نظافته {كل شي رديه بمكانه لخلصتي منه ولما يتوصخ شي بسرعه غسليه }
وجذي البيت كله
ونصيحه كل شي تستخدمينه لخلصتي منه رديه مكانه وبين فتره وفتره جيبي خدامه تساعدج في بعض الشغلات اللي ماتسوينها كل يوم {مثلا تمسح فوق الدولاب تنظف الدرايش ….}
موفقه اختي اتمنى اني افدتج
وخليها معطرررررررره على طووول لاتخلين اليهال يلعبوون فيها
خل تكون لج لمسة الخاصه وكبت ريلج دووووم خليه معطر