|
|
شلونكم ان شاء الله كلكم بخير
ومبارك عليكم الشهر وتعودونه كل سنه بصحه وسلامه
بنااات انا حدي متوهقه حفلتي باالعيد وكل شي صار بسرعه بسرعه وانا لي الحين ماجهزت عمري من كثر ما احاتي تجهيز الحفله
ابيكم تساعدوني ابي بدله مرتبه وتكون راقيه ومو غااااليه
وثاني شي ابي بوفيه راقي بس ما يكووون غاالي اللي كلمتهم من 1500 وفووق
الله يجزاكم خير
البووفيه ماادري والله
بالتوووفيق ياقلبي
وعندج بعد رويال كتشن موووطبيعي
حبيبتي توكلي علي الله بكل امورج
ولا تنسين ان التجهيز يهد الحيل وحاولي تحافظين علي بشرتج وشعرج ونضارتج
لا تفكرين واايد وتحاتين
وانشالله البنات يساعدونج
البدلات في ب 200 و250 و300 بحولي
وفي رشا شيك بدلاتها همن وايد راقيه واسعارها مناسبه
ربي يوفقج
وسويت مكياج عند شروق ستايل
مو لازم تشترين جاهز
لبسي بدلة عندج فخمة ورااقية وفيها شغلة
و دقي من الحين سلىلي عن الصالون الي تبينه شلون طريقة الحجز تقدرين تحجزين الحين ولا لا
و البوفيه انا طلبت بوفيه وحده تسويييه مو طبيبعي لدرجة انه خلص تخيلي
اسمها ام بدر دقي قوليلها اطرشلج المنيو لي البيت
ويوم الحفلة تيب لج طاولات و خدمة عصاير اذا تبين وحلو قهوة
وعندها ورق عنب مو طبيعي تاكلين اصابعج ورااه صج صج لذييذ
هذا رقمها 23740663
اذا بغيتي رقمها راسليني عالخاص
تمام وانتي بشريني عنج
علينا وعليج يتبارك يارب
لاتحاتين ولا شي رفيجتي باسبوع واحد خلصت كل شي حتى نفنوف ملجتها
مشغل بالظهر تعرض لج النفانيف وشغلها حلووو حيل مو شويه واذا حابه تعرفين العنوان دزي مسج اعطيج
واذا تبين بوفيه عندج فينيسيا عندهم عروض لكن للامانه ماذقت منهم
واي شي ثاني انا بالخدمه
عندها 800 لي 1000
طبي وتخيري
والبوفيه يمدحون الفيصل
الله يوفقج
