|
|
لسلام عليكم
اسال الله العظيم رب العرش العظيم ان يرزق ويسعد ويوفق اللي بتكون في حاجتي اسال الله العظيم ان يكون في حاجتها مثل ماكانت في حاجة اخت لها..والله يا بنات اني في حاجة اخت اتساعدني وماراح انساها من الدعاااء
انا عندي ضروف صعبه جدا جدا ومحتاجه اجازة رعاية امومه اذا ما خذيتها راح استقيل هذا اذا ما انهوا خدماتي لاني والله حتى مراجعات الاستقاله صعبه علي .. طبعا انا حاليا اجازة وضع .. وبتخلص نهاية9
الزبده:
ان الناظره ماراح تعطيني رعاية امومه ماااتعطي نهائياً والحمدلله علا كل حال سبق ونقلت ابي ناظره تقدر لكن ماحصلت
حاجتي هي:
ابي مدرسه ناظرتها ممكن تعطيني رعاية امومه ؟؟>> راح انقل لها
او اي طريقه اخذ فيها رعاية امومه؟؟
وسؤال ثاني: انا الحين اجازة وضع وبتخلص نهاية 9 متى اقدر انقل هل ممكن الحين عن طريق المنطقه اطلب نقل ولا لازم اباشر اول؟واذا باشرت هل فيه نقل لان مباشرتي نهاية 9؟؟!
ارجووووكم بنات ساعدوني واللي في ايدها شي لاتبخل علي عسى الله يسخر لها احبائها والناس اجمعين
|
المشاركة الأصلية كتبت بواسطة زهرة الكويت
 حبيبتي أول شي الحمد لله على سلامتك ثاني شي تقدرين تاخذين أجازة أمومه قبل لا تخلص أجازة الوضع بيوم من المنطقة وهي شهرين الوضع و4 شهور أمومه وطبيعي بينقلونج إذا أخذتي أمومه من غير ما يرجعون للناظره نادر مايخلونج بالمدرسه بالواسطه بس وموفقه خير
|
مشكوووره الله يسعدج ويوفقج يااارب .. شلون قبل الوضع بيوم وانا لازم اباشر يعني المدارس بتكون فاتحه ومداومين؟
اما النقل انا اقصد قبل لا اطلب الامومه لازم اباشر ثم اطلب امومه لذلك ابي انقل بحيث اول ما اخلص الوضع اداوم بالمدرسه الجديد
اللي اهي فوق الوضع ٤شهووور
واذا خلصت راح تروحين المنطقه علشان تحديد مركز عمل وراح يحددون لج المدرسه
اذا الناظره ترفض دخلي عليها رجل احسن يمكن تستحي وتوافق
قطييعه الناظرات يرفضون لييش حرام البنت تبي تربي ولدها وتجابله ع الاقل ٦شهور