|
|
السلام عليكم ورحمة الله وبركاتة
أهليين خوااتي طبعا أنا متصفحه للمنتدى من سنه وحبيته وهذي اول استشارة لي وياااريت تفيدووني بخبرتكم
أنا تزوجت من سنة وجيت الكويت طبعا أنا خليجية وأمي كويتية ونصيبي كان إني تزوجت كويتي والحمدالله مرتاحة مع ريلي المشكلة؟؟؟؟؟؟؟
أنا ولله الحمد جامعية وعندي خبرة وعدد من الدورات وكنت متوظفة ف ديرتي ومرتااحة وبعد الزواج طلبت اتوظف ومااقصر ريلي بس للاسف الشديد يا الراتب يكون مايسوى يا يقولون الأولوية للكويتيات مع العلم ف ديرتي راتبي فوق الالفين دينارطبعا انا ماقلت عطوني الفين بس يكون شي يسوى؟؟؟؟؟؟؟ قدمت علا وظيفة واستانسو علا شهاداتي اخر شي الراتب 250؟؟؟؟؟؟؟؟؟انصدمت قلت لها اسفة
انا حييييل متضايقة من هالشي انا ف بيت بروحي ومتملله حدي ابي اتعرف علا الناس ويكون لي صديقات الهدف مو بس مادي ابي اطلع من الوحده اللي انا فيها والله ليل ونهار دموووع بدون سبب من الضيقة و صج ان ريلي شوي ماديته تعبانه من قرض الزواج بس الحمدالله
أخر حل يقول لي ريلي خلاص باخذ لج الجنسية الكويتية وانا بصراحة مو راضية مو مقتنعة حطو نفسكم مكاني صعبة حييل أدري اني خلاص هديت ديرتي بس صعبه علي يقول لي فكري انا ماراح اخليج وابيج وووو….الخ
بنات ارجووكم ويااريت اللي عندهم الخبره حبيبااااتي فيدووني شراايكم؟؟
والله يوفق كل من ترد علي ويعطيها اللي تتمناه عاجلا غير أجل
وسلااااااامتكم وانطر ردودكم بفارغ الصبر
بس اقدر افيدك بدعواتي غلاتي الله يفرج همك وكربتك ويحقق لك أمنيتك ويرزقك من حيث لاتحتسبين والله يعطيك الوظيفه اللي تغنيك ولجميع المسلمين والمسلمات يارب اللهم آميييييين يارب العالمين’
الريم حبييتى اذا صج انتى بتقعديين طول عمرج بالكويت حراام ماتاخذين الجنسية الكويتية والله راح اتبهذلين وماراح ترتاحين فنصيتى لج فكرى بالموضوع تخيلى الكويتية بعد مدة يالله اتوضف والحمد لله المعااش زيين بس مايعجبنا احنا الكويتيات تدريين لازم نكشخ
بس انتى اذا ماتفكريت تاخذينة لازم اتقلمين عمرج على الحياة البطالية او الراتب القليل ادرى طولت عليج بالحجى بي والله فكرى فيها هذا مستقبلج حبيبتى
اتمنى انى اكون فدتج
وشكرا
هذا انا احاول اقنع نفسي بس بذمتكم ابي كل وحده تحط نفسها مكاااني ش بتسوي؟؟؟؟؟؟؟؟
وبعدين دعم الحكوومه بس للكويتيات فقط والله نفسيييتي زفت انا مااحب الفراغ والنوم احب اكون مشغوولة دايما ماتعودت عالفضاوه وماحبيتها ابدااا
فديتكم انا اختكم عطوني رايكم
ولاتقولين بقط جنسيتي وأهد ديرتي بالنهايه لازلتي خليجيه شنو ماتكون ديرتج الأم .. توكلي على الله وإخذي الجنسيه والله يوفقج إنشالله
باي حق بيوم وليله تصير كويتيه
مابي أكون قاسيه بس في ناس أحق بالجنسيه من إلي بنفس حالتج
بعدين معاش ٢٠٠ دينار هذا بالقطاع الخاص قدمي على ديوان الخدمه معاشاتهم أحسن
موفقه