|
|
بنات انا عندي شهادة دبلوم محاسبة من التطبيقي سنة 2024 وحابة اكمل على نفس التخصص بالجامعة العربية المفتوحة ياترا يعادلولي مواد ولا لا؟؟
وبخصوص الرسوم الدراسية كل كورس جم الرسوم تقريبا مع الكتب وكل شي؟؟
وفي شغلة انا متزوجة وعندي عيال وموظفة اقدر اوفق بين دراستي والامور هذي كلها؟؟ ولا لا؟؟
وشلون الدوام بالجامعة يوميا ولا اسبوعيا والدراسة سهلة ولاصعبة..يعني اقدر اعتمد على نفسي ولا لازم دروس خصوصية؟؟
واهم شي بالموضوووووووع كله الجامعة خلط ولا لا؟؟؟؟ لان زوجي رااااافض الاختلاط انا قلت ان محاضرات للبنات ومحاضرات للشباب؟؟صحيح هالموضوع ولا لا؟؟
مشكوووورين
يعني تدرسين 4 سنين …
والجامعه في مواد سهله اول سنتين وبعدين مواد التخصص صعبه يبيلها مجابل اول باول
والدراسه كلها انجلش طبعا مناهج من بريطانيا الجامعه الرئيسية هناك
وتكلف بالكورس 300-500 على حسب موادج ….
والجامعه خلط بس بالمحاضرات لا …. البنات بروح والشباب بروح ….
وتقدرين اذا موظفه ومتزوجة بس اهم شي تكونين شاطرة بالانجلش عشان ما تصير صعبه عليج الدراسه …. لان الدراسه تعتمد على اسلوبج بالانجلش وجذي ….
والدوام مو يوميا لا اسبوعيا وكل مادة يوم واحد بالاسبوع …ساعتين …
وبس
بالنسبة للرسوم تتراوح بين 250 الى 450 كل كورس على حسب المواد …
بالنسبه ان توفقين بين ددراستج والبيت … يمكن تلقين صعوبه شوي فالبدايه … بس بعدين تترتب الأمور … انا الحمدلله متزوجة وعندي عيال ومتفوقه بدراستي واموري طيبه .. وكاني على وشك تخرج هالسنه ان شالله …
الدراسه والمحاضرات بتكون اسبوع وترك .. لمواد الاجباريه والاختياريه …
اما مواد التخصص بتكون كل اسبوع محاضره مدتها ساعتين … واذا انتي شقرديه ما راح تحتاجين الدروس الخصوصيه ان شالله ..
ولو انها متوفره بكثرة …
بالنسبه للاختلاط … مافي اختلاط بالكلاسات … محاضرات البنات بروح ومحاضرات الشباب بروح …
ما في اختلاط غير بالكافتيريا … ولللأمانه مالها داعي قعدة الكافتيريا .. مادام محاضرة وحده بالاسبوع … نصيحتي حضري محاضرتج وردي بيتكم …. وبس …
ان شالله نشوفج معانا الكورس الجاي …
ننتـظــــر راي باقي البنات …
اب
اتمنى انهم افادوووج بالموضوع
شنو افضل معهد للتقوية؟؟؟ لاني بادية تخصص الحين والمواد شوي صعبة؟؟
تعرفون توب تيم او الاوائل؟؟
اقدم هالكورس ولا لاؤ :'(
وشنو احسن معهد لغه ابي اتاسس قبل لا اكمل دراسه
وتخصص الاي تي يقبلون ادبي ؟
ومشكوره صاحبة الموضوع
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟