|
|
السلام عليكم
شلونكم حبيباتي؟
وشخباركم؟
ابي اكتب لكم قصتي اللى تو صايرتلي من جم يوم وابيكم تسمعونها وتفيدوني
انا حامل بالبجر ولم عرفت بهالخبر اللى اكثر من سعيد طبعا رحت ادور وابحث عن افضل دكتوره اراجع عندها وبعد كلامكم وكلام بعض البنات قالوا روحي عند ناهده العلى طبعا رحت انا وريلي طياره عند ناهده وطبعا كنا ننطر دور وبعدين لم دخلنا عليها طبعا استقبلتنا خوش استقبال ومبين عليها خوش دكتوره المهم قالت بسوي لج سونار وبحسب جم لج؟
ويوم سوت لي سونار سمعت منها الطامه الكبرى!!!! قالت انتي حامل بالاسبوع السادس وهذا جيس الحمل بس البيبي صغير وماكو نبض!!! عشان اطمن خل نسوي تحليل هرمون حمل واحد الحين وواحد بعد 48 ساعة…
طبعا طلعت دايركت رحت اسوي تحليل ونطرت لم جا وقت التحليل الثاني جان اسوي التحليل وكان وقتها الساعه 7بليل طلعت انا وزوجي بعدها نتمشى كان الجو حلو المهم رديت بيت اهلي وتوني قاعده معاهم جان يدقون علي العيادة كلمتني السكرتيره اعتقد انها سوريه قالت اختي الدكتوره تقول نتيجة التحليل مو سليمه انا انصدمت وما فهمت قلت يعني شنو ؟؟؟ قالت لازم تسوين تنظيفات وتنزلينه!!! انا مني انهرت وبس ابجي بعدين دقيت على ريلي وقلت له السالفه قال انشالله ماكو الا الخير امشى العيادة الحين مع انها كانت الساعه12 باليل طبعا ندق مايردون ولم وصلنا العياده قلنا بندخل على الدكتوره ضروري ودخلنا عليها فقالت لنا اي نتيجة تحليل هرمون الحمل قلت يعني الحمل مو سليم ولازم تسوين تنظيفات فقلنلها اي احسن مستشفى المهم اتفقنا على دار الشفا وان باجر اسوي التنظيفات مع دكتوره ناهده!!!
المهم مانمت ليلتها كله خايفة وابجى ولازم بعد اكون صايمه المهم الصبح امي قالت استخيري بس عملية انشالله ماراح تسووين لان الحريم الكبار يقولون التنظيفات مو زينه للبجر وبعدين الجنين توه صغير يطيح بروحه وبعدين تاكلين حبوب تنظف الرحم انشالله… مع انا زوجي مو راضي يقول كلام الدكتوره احسن لازم تسووين تنظيفات
وبعد يومين امي قالت امشى نسوي سونار وتحاليل مكان ثاني لان مانزل علي دم لان اذا الحمل مو سليم لازم البيبي ينزل المهم رحت الهادى ورحت الطوارئ عشان اسوي سونار جان تقولي الدكتوره هنديه هذا بيبي صغير احتمال يكون تبويض متأخر لازم ينطر 15 يوم عشان يعرف بيبي يكبر ويطلع نبظ ولا حمل مو زين(انا مني استانست يارب لك الحمد) فقلت لها في دكتوره ثانية يقول نزل جنين جان تقولي لا هو ينزل بروحه حرام يسوي تنظيفات
هذي قصتى وانا انطر ال15 يوم يعدون عشان اجيك ياااااااااااااااارب ياكريم تثبت حملي يارب تحسن في خلقه واخلاقه تكفوووووووون ادعولي… وشرايكم بهالحجي؟؟؟[/size]
بس ماحبيت اطلع وماارد عليج
عسى الله يكتب لج اللي فيه الخير لج
ويرزقج الذرية الصالحة
بس حبيت ادعيلج
عسى الله يثبت حملج و يفرح قلبج و تسمعين نبض الجنين قولي
آميـــــــــــــــــــــــــن
اول شي نطري 15 يوم وشوفي
ونصيحه اختي دام ان البيبي صغير لاتسوين تنظيفااات ينزل بروحه احسن
في عشبه تنباااع طعمها يكون مثل الحنه شربي منها مرتين وينزل بروحه ( بنت عمتي صار معاها جذي )
وعسى الله يثبته لج ويقر عينج بشوفته سليم معافى
واذا الله مو كاتبه الله يعوضج خير يارب من بنات وصبيان اللهم امين
انا بالبجر صارلي جذي بس كان الحمل مدتها شهرين وسويت تنظيفات
وبعدين مره ثانيه حملت وهم سبحان الله ماصار نصيب بس ماسويت تنظيفات لان كان صغير عمر البيبي 4 اسابيع بس وسبحان مع الادويه واللهوم والحسو نظفت الحمدلله وكنت متابعه مع دكتوري يشوف رحمي نظف والا لا كل مره يقولي بقى قطعه بقى شويه بقى لما الحمدلله من الادويه والاعشاب الحمدلله نظفت مره وحده
والله كريم يارب
حبيبتي صبري 15 يوم وان شاء الله يبين لج الجنين والنبض وتفرحين قلبج…
غير جذيه اذا توج بالاسابيع الاولى هني مايسون تنضيفات الياهل من حاله يطيح بس يعطونج حبوب تنظف بس اذا بالثالث لا يسون تنظيفات لازم
بس اتوقع الاسبوع 6 يعني توج بالثاني…والله اعلم
بس صبري 15 يوم وتولي على ربي واستخيري وشوفي شنو تحسين فيه وان شاء الله تلاقين الخير …
بس انصحج تروحين تسوين فحص عند دكتوره ثانيه غيرهم واذا قالت نفس الهنديه يعني كلامهم ادق وصبري بس اذا نفس ناهده توكلي على ربي وسوي التنظيفات
يعني شوفي منو الكثره بنفس الحجي وهم امشي على رايهم…
متوهقه حدي بس انا اراجع عند د فوزيه
قالتلي ماكو نبض ونموه اقل من عمره
قالتلي سيدا تنظيفات انا قتلها بنطر بعد اسبووع
الله يعوضني
نطري وشوفي يمكن يطلع النبض لان النبض يبين بين6 الي 9 اساابيع لا تستعيلين
و الحين انا حامل و اشتبهت دكتورتي حمل خارج الرحم لحد ما شافت الكيس و قالت لي بعد اسبوعين تعالي …بس هرمون الحمل عندي كان يزيد كل يومين …انتي عدتي التحليل ؟؟؟؟
و انا اقول نطري و عليج بالاستغفار و الصدقات و الله يرزقج يا رب
و بعدين اشفيها مستشفيات الحكومه
انا بحملي هذا ما سويت سونار الا قبل جم يوم بالسادس
و الحمدلله كل شي تمام
اذا الله كاتبله يعيش بيعيش
و ترا الحكومه ما يبدون المراجعه الا بالرابع عشان يكون الياهل ثبت
و لا تروحين و لا تردين اذا فيه شي غلط بينزل حرام تموتين الياهل و اهو لي الحين ماله نبض
و سلامتج