|
|
أنا ما أطلـــــــــع أي مكــــــان إلا أستأذن من ريلي .. لأي مكــــــان لو طبيب لو بيت أهلي لازم لازم أدق عليه وأقول له أو أدز مســــج حتى إن كان مسافر لازم أبلغه أنا رايحه المكان الفلاني … مستحيييييل أطلع من غير إذنه … تصير جنااااااااااايه ومصيبه ..
ويالييييييييييييييت إذا إستأذنته قال / انزين طلعي الله وياج ..
لأ .. يستلمني تحقيق :
ليش بتروحين ؟ وحق شنو ؟
ومع منووووو وهذي اهم نقطه مستحيل اطلع بروحي …
ومتى تردين ولا تطوليييييين وبس هالمكان هااااااااا ..
ماكو مكان ثاني ….
يعني روحي تطلع 
بنات تعبـــــــــــت وأنا أتحمّل هالشي … فهمته ناقشته ماكووووو فايده قلت له لا تحقق معاي خلاص قول لي طلعي واستانسي … مستحييييييييل يقولها … ماكووو فايده مع هالريــــــال أحسه نجري بشكل موطبيعي وأنا طبعي هاديه أكررره شي عندي النجره واللسان الطويل 
هل هالشي طبيعي؟
وهل انتوا مثلي أو أنا من العصر الحجري؟
رجاء بنات خففوا عني واسوني واللي يسلمكم
ساعات أفكر أطلع من غير ما أستأذنه لأني مليت من التحقيقات
لا وأزيدكم من الشعر بيت .. إذا اليوم طلعت مكان من باجر مايصير أطلع حتى لو لشي مهم
وإذا سألته ليش؟ قال أمــــــس كنتي طالعه ..
انتي شفيج ليش تحبين الطلعات والهياته؟ .gif "Eh S(14)")
جاوبوني بناااااااااااااااااااات والله أحبكم ولا أحب أفضفض لأحد غيييييييركم
ياارب الله يسخره لك ويهدييه امين ياارب العاالمين
عاد انا اهني اعصب اكثر واكثر اقول ليش مايمنعني بعض المرات ويحسسني انه خايف علي ويغار علي
ودي لو يحقق معاي لو جزء من تحقيقا زوجج .gif "Eh S(6)")
والله احنا مايترس عينا إلا التراب استغفرلله
كل من صارله موقف يقول هذا هم
لوووووول صبري وبصبر والله يكون بالعون
الحمدلله على كل حاااااال
زين نظاام مسجات انا اعرف ناس مسج مايصير لانه يعتبرونه الوقوع على صخره الواااقع
ومره جربي هالطريقه اذا سوالج تحقيق قوليله حبيبي اذا ماتبيني اروح عادي علشانك وعلشان خاطرك ما اروح وانت تامر يا حياتي ومن هالسوالف وكل مره سوي جذي عطيه جرعه كبيره من هالحجي وتدلعي حتي مرات قعدي بالبيت لا تطلعين وسوي كان مو هامتج الطلعه المهم اهوه يكون راضي عليج صدقيني مع الوقت اذا مشيتي على هالطريقه راح يتغير 180 درجه واهوه راح يقولج عادي طلعي
ترا الرياييل دواهم الحجي الحلو والدلع والعياره حتى لو انتي من داخلج متضايقه منبطه جبدج من اسئلته لا تبين له خليج عادي وابتسمي وكثري من الدلع شوفي اشلون يتغير ولبيلج كل طلباتج …. والله يهداه لج يا رب
وى اسفه حبيبى نسيت اقولك انا …. بعد ماتوصلين المكان الفلانى شوفيه شنو يقول ؟ ترى على فكرة لليه يومج انا صارلى دهر معاه فيه هالعرة بس ماعطيه ويه عليها احنا بامريكا اقوله البنات كلهم يسهرون ليه ال ثلاث الفير انا حدى وحدة بالليل وارجع اشمعنى انا اللى تصيرلى قصه وسالفه وكلنا تجمع حريم ترى والله باجر يقعدلج قعدة تقولين ياريت اللى جرى ماكان حتى مع العيال يهز شخصيتج من الحين فرضى نفسج
ترى اهو صراع والبقاء للاذكى
سيرين من صج اتناسى اقول له ؟ واااااااااااااااي وربي يوريني نجوم الظهر
انا ماعندي مانع استأذنه بس لا يحقق معاي ابيييييييييييييي اطلع براحتي
بنااااااااات تعبت
صرت اكره اطلع لأني أكره نفسي وأكرهه لما أستأذن منه واسمع هالموال
وربي ساعات ابجي بروحي ليش إن حياتي جذي
اكيد لازم استأذن منه واقوله
هيا وكاله من غير بواب ياختي هههههههههههههههههههههه
عاد تصدقين لو يقولج طلعي ومايسال فيج بتصيرين مينونه وتقولين هذا ما يسال عني ولا يخاف علي
وانا سامعه حريم عكس سالفتج ويتمننون ينحطون مكانج
اقول عقلي واثقلي وكبري عقلج شكلج ماعندج مشاكل وقاعده تدورين عليها اللي تشوفين هالسالفه الماصخه مشكله عندج
وبعدين مو عادي تستاذنين من زوجج
اصلا ملزوووووووووووووووومه وامر من ربج انج تستاذنينه ولو يقولج ماتروحين لامج وابوج ايضا تطيعينه
نصيحه اذا صج تبين حل لمشكلتج
جاوبيه كل مره بكل رحابه صدر وبينيله مو تردين عليه ومالج نفس
بعدين راح تكبرون اشوي ويكثرون العيال وتخف عليج هالاسئله
وطبيعتي كتومه لأبعد حد واصلا مادري شلون كتبت هالمشكله
وهالسالفه الماصخه على قولتج /
مو أنتي ولا أي وحده تقدر تحدد انها ماصخه إلا اللي تمر بنفس المشكله
لأنج ماتدرين شلون تصير نفسيتج …
عالعموم مشكوره اختي
وفعلاً الشكوى للناس مذله