بنااااااااااااات من يعرف الدكتورة نـــــجمــــه في الســـلام

مرحبا بنات انا حامل في الشهر التاسع

بسألكم عن الدكتورة نجمه في مستشفى السلام تكفوووووووووووون بنات من سمع عنها

ناس واجد يمدحونها …

ردو علي تكفووون ….

في ناس يمدحونها بس انا كان حظي معاها مو حلو ، كانت دفشه شوي
رحت لها بأول مرة حملت و ماكنت اعرف شي و مو وقته اتحمل دفاشه عشان جذي ما كملت معاها

بس ترا انا لاحظت شي ، الدكاترة مزاجهم يتغير بين مرة و مرة يعني مرات يكونون عسل و مرات يكونون بصل

رفيجتي وايد حبت نجمه و ارتاحت لها لكن لما ولدت ما شافتها تخيلي طول فترة الولادة ما طلت عليها ولا مرة و حتى عقب الولادة ما يتها مع انها كانت مداومة و رفيجتي طالبتها بالاسم و ملفها عندها بس مادري ليش ما يت تولدها

والله اسمع عنهااا واااايد ويمدحووونهااا والله يسهل عليج ويقومج بالسلااااامه ان شاااء الله

الله يعطيكم العافية يالغالين

بنااات افيدونا زياده

حبيبتي أنا أراجع عندها بحملتي اللي قبل كنت عند الاستشاري محمود الاسطل بالعيادات الخارجيه لمستشفا السلام المبنى اللي يم المستشفا وحملتي هذي رحت عند نجمه اتهبل صراحه بس المشكله بالمواعيد أرح مبجر اخذ رقم واقعد انطر من كثر الزحمه عليها اضطريت اسوي ربط وكانت نجمه محدده لي الموعد بس انفتح عنق الرحم عندي قبل موعد نجمه وكانت مسافر فسوتلي الربط دكتوره مريم بيبي أسمها شي جذي بالسلام بعد والحين رديت على نجمه وايد أرتاح معاها مع أنها عيوز لوول بس اتونس تسمع لج واتواسيج وحتى دكتور محمود الاسطل استشاري شكلي برد له إذا المواعيد مع نجمه ماخفت

واشلون الدكتورة مريم بيبي ؟؟

هل تعاملها كان زين معاج وحسيتي انها اتعرف شغلها ؟

لاني بولد عندها وانا بجر وما اعرف الدكتنورة الزين من الي ما اتعرف !

والله تجربتى معاها مو زينه وماابي اخرعج التساهيل من الله والله يهون عليح

اللي لاحظته انها مستعجلة في كل شيئ وما تجمع وتبي تخلص المراجعين باسرع وقت غير انها ماتلتزم بمواعيدها ولما سألت الكاتبات عن تصرفاتها قالوا لي مو انتي طالبتها تحملي ، قلت ليش ؟ قالوا من العدد الخيالي من المراجعات .

انا اراجع الحين عند مريم بيبي .. بالسلام .. خوش دكتوره .. كانت في مستشفى الفروانية 20 سنه .. عندها خبرة وهذا اهم شي.. ولا كنت براجع عند نجمه بس يمكن حظي ((الحلو)) يومها كانت مسافره وماكنت ابي انطر برحت عند مريم بيبي … واولا واخيرا كلشي بيد رب العالمين

والله انا الصراحه ما حبيتها سبحان الله من قبلت عليها ما حبيتها انا كنت ارجع عند دكتوره شراره المزيدي بس ما تولد فلما دشيت التاسع اكتبت لي تقرقر عن حالتي عشان اروح المستشفى اللي ابي اولد فيها او الدكتوره اللي تولدني رحت عند نجمه سوت لي سونار قالت لي كل شي اوكي بس بطنج كبير وانتي بجر ما يصير والسونار حجم البيبي زين بس بطنج شكله كبير فلازم قيصريه شكو القيصريه بحجم البطن ضاق خلقي وخالتي قالت لي اروح عند دكتوره ليلى اشكناني والحمدلله رحت عندها وولدت طبيعي والحمدلله ورفيج ريلي بالمستشفى سأل الستتر اللي تساعدها تقول اهي الحين كله اغلب شوي تولد بعمليات قيصريه .. وإنشالله الله يسهل عليج وتقومين بالسلامه انتي والبيبي

تبين الصراحة كلش مو زينة

كانت مقررة لوحدة عملية قيصرية بس

رفضوا أهلها وودوها مستشفى العدان ولدوها طبيعي ما شاء الله

وشوفي الحين جابت بنت غير بنتها اللي قبل كله في م0 العدان

صراحه تعامل دكتوره مريم بيبي وايد حلو واتييج إذا بغيتيها بس مو مثل نجمه ما تتناقش معاج ما اتسولف وتسأل وتاخذ وتعطي بالعكس أنا مدحولي نجمه وااااايد ووايد ايراجعون عندها بس مثل ماقالوا المراجعين عندها وايد أنا ما ايهمني منو ايولدني كثر ما أحاتي مراحل تكون البيبي ولازم اتروحين مبجر اذا تبين اتدشين عليها لأنها كله مشغوله يا توليد أو مراجعين ولو ماكانت زينه لما يوها ناس هل الكثر تقريبا أكثر وحده عدد مراجعين عندها

خرعتوني من الدكتورة نجمة

كنت ناوية اراجع عندها

بلعكس انا ارجع عندهاا يوم كنت حاامل اتهبل حتى يوم بولد جابلتنى وكان البيبى ميت وماكو دفع انطرت على وقالتلى حرام ما اشق بطنج وولدتنى طبيعى وشاطره