|
|
مساء الخير على الجميع بدخل بالموضوع على طول
تهاوشت مع زوجي لأنه بيروح للبر في السعوديه و أنا بأيام تبويض تعرفون صارلي سنتين أدور الحماله و هو سليم بس انا معاي ضعف و كل ما خذت كلوميد و منشطات ما تضبط بس الشهر هذا الحمدلله اضبطت معاي بس مع الأسف زوجي ملزم يروح السعودية بأيام تبوبض و أنا ما خليت حل يرضيني و يرضيه الا و قلت له بس معند و نمت و أنا زعلانه عليه و فاليوم الثاني سافر من غير ما يقولي و المشكله أنه سافر بنفس اليوم اللي المفروض يصير يه الجماع زعلت ادق عليه ما يرد كنت متضايقه فدقيت على حماي أكلمه عشان يكلم أخوه لأني تعبت معاه بس أنا أدق عليه و حماي دق و لايرد علينا و قالي حماي يصير خير لما يرد اكلمه بالموضوع أنا صبرت عليه واجد خصوصا أنه مستقيل من الوظيفه و يحب البر أكثر من أي شي ثاني قولي تصرفي عدل وإلا أنا غلطانه و الله للحين منقهره لأنه ما رد للحين 
دخلي ريلج معاج علشان يسمع كلام الدكتوره وما يستخف بالسالفه
خلاص اسكتي والايام جايه اشكثر واذا تكلم قولي انت اللي ماتبي ومهملني
بعدين يمكنها خيره لج ماتدرين لاتضايقين عمرج
اذا الله كاتبلج تحملين الحين والا بعد شهر والا بعد شهور الله يرزقج وماينساج بالدعاء
بعدين انتي قلتي لحماج ان عندج ايام التبويض وماتبينه يسافر ؟
مبين هو مهمل بهالسالفه لو يبي ياهل جان سوه الي قالت عنه الدكتووره
بس الحين تري لج 5 تيام والارزاق بيد الله
واذا الله كاتبلج الحمل تحملين حتى لو مو ايام التبويض
سبحان الله
بس أقولك شي
أحس ماله داعي دخلتي حماك بالسالفه يمكن يعصب وتزود السالفه
أذا درى ان اخوه عرف اللي بينكم
أدري السالفه مو هوينه وحاسه فيك بس لعلها خيره روحته بذا الوقت
وان اشاء الله الشهر الجاي تكونين أحسن من هالشهر
ولا تحطين ببالج بهاليوم بالذااااااات راح تحملين
ياما بنات احملوا باخر ايام التبويض
لا تضايقين عمرج حبيبتي متى ما الله كتب بيقوله كن فيكون
وعسى الله يكتب لج الذريه الصالحه
المرة الثانية إذا قال لك روحي الطبيب ، قولي له: ليش أروح و أخسر فلوس عالفاضي و انت ما تلتزم بكلام الدكتور؟؟
أنا أتعب نفسي و أراجع و أفحص و أدفع فلوس على ولا شيء مو حرام؟
الظاهر زوجك ما يحب الأوامر ، و يبي الجماع في الوقت اللي يريحه (يعني مو على كيف الدكتور) عشان شذيه ما همه
خليه و ادعي ربك يسخره لك و يهديه لك
حاوولي تفهمينه انج تاخذين علااج وكثرة استعماله ممكن يضرج ويسبب تكيسات وغيره
وهاذي فرصه يصير فيها حمل
او خلي يدخل معااااااج الدكتورهـ
وسالفة ساافر ماقالج والله شي يضاايق مااجذب عليج
بس حاولي ادزين مسجاات
بس مو مسجات هواش
لا مسجات عتب ..
والله يرده بالسلامه ويرزقج منج بدرزن يهااااااااااال ويرزقني
ويهدي يسخره لج ان اشاءالله
هم مالها لزوم مدخله حماج بالسالفه
وكتبيله مسج(تدري شلون يبه لااتييب لي سيرة الحمال لاني اتعب واتعالج وانت همك وناستك..ماتشوف شر وخذ راحتك )
او عاد انتي واسلوبج واللي تشوفينه بس بينكم
وحمدي ربج انه مو مهتم لانه الريال اذا اهتم بهالموضوع بيزهقج عيشتج من الحنة والمعاير
الارزاق بيد الله والحمال تزيد فرصته بايام التبويض بس موالا بهالايام
لاتضتيقين روحج اصلا انتي حارقة اعصابج واهوة ولاهامه
صج الامومة تهم المرة اكثر بس لا تزهقينه حياته بالحنة واللبحة عشان لايمل منج اومن الفراش
ونصيحتي لج خليها على الله اهوة الرزاق