بمووووت من القهر

السلام عليكم
خواتي والله اني اكتب لكم وانا ميته من البجي حدي مقهورة من زوجي عمري ما قصرت معاه بشي واللي يقهرني ان زعل علي اليوم على سبب تافه حده وكبرت السالفه لدرجه ان صار فيها حجي اني انا ما يملي عيني شي مع انه احس بنقص منه وقصور قلتله انت مقصر معاي ..وعددت له الاشياء وهو يقولي انه ما يملي عيني شي واخر شي كلمته وانا ابجي بجي وهو يكلمني ابرود اعصاب مع انه والله السبب كله تافه وفوق كل هذا انا حامل ويسوي فيني جذي مادري شسوي اروح بيت اهلي ولا اقعد عنده ولا اذبح عمري من الحجي القاسي اللي سمعته تكفوون قولولي شسوي والله احس بغصه بقلبي

يا قلبي هدي اعصابج و تعوذي من ابليس حبيبتي انتي … قومي توضي و صلي ركعتين و ادعي ربج يهدي سركم و يسخرة لج و تعالي …

اول شي حبيبتي انتو توكم بسم الله الرحمن الرحيم 9 شهور متزوجين اذا من الحين اروح بيت اهلي و اروح بيت اهلي عيل من الحين قولي على حياتج الزوجيه السلام اسمله عليكم و مثل ما انتي قلتي السبب تافه عيل ياقلبي خليج انتي الكبيره وانتي السنعه اللي تكبر عقلها على توافه الامور و ماتخلي هالشي يخرب عليها حياتها و سعادتها و تهدم بيتها بيدينها لا يا حبيبتي لا هالمشاكل لاااااااااااااااااااااااازم تصير بين كل اثنين توهم فاجين بيت و قاعدين يكونون اسرة لازم انج تكونين حليمة و هادية معاه حاولي انج تملكين اعصابج واذا شفتيه معصب وخريه عنه و خليه لين يهدي يا ان اهو اييج او انتي تروحيله اذا هدى و تكلمينه ((يا قلبي و ياعمري و ياحبيبي انا حز بخاطري انك عصبت علي كل هالعصبيه اللي ما تسوى انك تزعل نفسج و تزعلني عليه)) ومن هالكلام و الريال ياقلبي على ماتعودينه وانتو توكم في بدايتكم عوديه على اللي انتي تحبينه ماتحبينه يعصب عليج و يمد لسانه وخري عنه حزة عصبيته عشان لا تخلينه يطاول عليج …

لا تعلمينه ان كل سالفه و الثانيه انتي في بيت اهلج هذي اكببببببببببببببببببر غلط حبيبتي هذا بيتج انتي قضبيه و قعدي فيه حتى لو كنتي زعلانه على ريلج علميه البيت بيتج و اهو الطالع و انتي اللي داشة ولا تعلمينه ينام م اهو زعلان ولا انتي تنامين وانتي زعلانه عليه من غير لا يراضيج بس بذكائج ياقلبي …

تعوذي من ابليس و قضبي ارضج وربي يهدي سركم و يسخرة لج و يقومج بالسلامة يارب العالمين …

مشكورة يا قلبي اسوررره بس والله ان كان الوضع عادي وفجأة هو زعل علي بسبب تافه وقلتله انت من صجك تزعل على هالسبب واللي قاهرني ان يدري اني متضايقه ومن النوع اللي بطني وااايد يعورني اذا تضايقت ومطنش فيني حتى ما سأل اذا انا بالبيت ولا لأ

شوفي حبووبه ترى الرياييل اغلبهم جذي وماعندهم غير هالكلمه انتي ما يملي عيينج شي وانا مو مقصر وانا وانا مع ان التقصير راكبه

من ساسه الى راسه,, اهم كلهم جذي كل على بالهم العيب بالمره

علشان جذي حقري وطنشي ولا تنقهرين ومارده يبي يحس بالذنب ويرجع يعتذر , لو مو بالكلام بالافعال.

انتوا لانكم توكم متزوجين للحين محد فهم الثاني عدل

مع الايام راح تتكيفين مع طبعه ويتكيف معاج

بس نصيحه اذا الريال كان عصبي وقت الهوشه لا تردين ولا بكلمه وسكتي احسن لج وبعدها بس تهدا النفووس قعدوا وتحاسبوا بهدووء

والله يصلح حالكم يارب

حبيبتي قومي غسلي و صلي و تعوذي من إبليس

أنتوا توكم متزوجين و سوء التفاهم وارد بين كل أثنين

الرجال ما يحب يسمع أنه مقصر مهما يصير و يمكن في ظروف خلته يكلمج بهالطريقة
نصيحتي لك هدي من نفسج غيري جو طلعي بيت أهلج طبعا بعد ما تاخذين أذنه و تردين البيت تسوين العشا و تسولفون بهدوء بلا صراخ أو أنفعال. لأنه الواحد في لحظة الغضب يقول أشياء مو بالضرورة يقصدها بس تطلع منه بدون قصد و ممكن يتحسف عليها. بس لا تخافين و لا تحاتين أهم شي صحتج..

لا تدخلين أحد بينكم هذي نصيحتي حبيبتي و أتمنى تنحل المشكلة..

ان اقول تعوذي من ابليس
قومي تيديدي
صلي ركعتين
مسكي فرآنج واقري

ادعي ربج من قلب يهدي بالج ويهديه غصبا عليه
ولاتنسين دعاء الكرب

لا اله إلا الله العظيم الحليم لا اله إلا الله رب العرش العظيم لا اله إلا الله رب السماوات ورب الأرض ورب العرش الكريم

اوادعي بهالدعاء ترا هالدعاء سبحان الله جنه *** يمسح علي القلب ويهدي النفس ويريحها

الدعاء هذا دعا به سيدنا محمد صلي الله عليه وسلم الذي يدل على امتلاء قلبه كابه وحزن مما لقي من الشدة،وأسفا على أنه لم يؤمن به أحد،قال:

(اللهم إليك أشكو ضعف قوتي ،وقلة حيلتي ،وهواني على الناس ،يا أرحم الراحمين ،أنت رب المستضعفين ،وأنت ربي ،إلى من تكلني ؟ إلى بعيد يتجهمني ؟أم إلى عدو ملكته أمري ؟ إن لم يكن بك علي غضب فلا أبالي ،ولكن عافيتك هي أوسع لي ،أعوذ بنور وجهك الذي أشرقت له الظلمات ،وصلح عليه أمر الدنيا والاخرة من أن تنزل بي غضبك ،أويحل علي سخطك ،لك العتبى حتى ترضى ،ولا حول ولا قوة إلا بك)
كان هذا دعاء النبي صلي الله عليه وسلم في الطائف ،بعد ان ردو دعوته ورموهالسفهاء بالحجاره ، ولقد جاءه جبريل عليه السلام ـيعرض ان يطبق عليهم الاخشبين ان اراد استجابه لدعاءه

الله يهدي امركم ان شاءالله

مشكورين خواتي الدلال والكويتيه80 انا الحين قاعده بالبيت بس ادري اذا رجع بيقط علي حجي يكدرني زياده اكثر من اللي انا فيه وادري كل واحد بيقعد بصوب وصراخ ونجره مالها تالي ويطلعني انا الغلطانه وانا والله ماسويت شي

حبيبتي هدي هدي ولاتكبرين الموضوع يمكن كان مضايق وقال كلام بلحظه غضب عاد انتي موتكملينه واتروحين بيت اهلج بالعكس طولي بالج ووسعي صدرج وان شاءالله ايي اراضيج

حبيبتي dancing queen مشكورة على هالدعاء اللي يريح القلب

انزين ليش حاطه ابالج اصراخ ونجره تدرين سوي العكس سويله عشى حلو وراضي بمسج واذا رد قوليله حقك علي وانا ما اقدر على زعلك ليش كل واحد بصوب بالعكس اذا اهو شد انتي رخي ومافيه شي هذا ريلج حتى لو اهو غلطان هم اتسامحي منه راح احس انج شاريته واتحبينه وعسى ربي يهديه لج ان شاءالله

اختي رنه خلخال انا ما قلتله اني بروح بيت اهلي بس ابيكم تشورون علي شسوي انا ادري ان رجع راح تصك هوشه وانا والله بطني يعورني احس البيبي متيبس من كثر ما انا متضايقه وميته من البجي

يعني ادزله مسج حلو الحين اخاف يدقرني

لا لا مايدقرج دزيله اشناطره توكلي على الله ليش اضيعون ايامكم بهواش وصراخ دزيله حتى لو مارد مخالف والله كسبيه عفيه دزي

لا تبجين فكري عدل لا تخلين مشكله تافه تكبر دزيله مسج و2 و3 وادعي ربي يهديه

خل ادورلج مسجات بقوقل