|
|
السلام عليكم اول شي انا مو صاحبة الحساب انا رفيجتها بدخل بالموضوع انا عمري الحين 35 واحس شبابي راح على الفاضي كوويتات انا عارفه انكم مراح تقصرون فيني .. انا ريلي متزوج علي حرمتين اول مره ماقدرت اسكت ورحت بيت اهلي وحاول يراضيني بكلمه كلمتين يعرف يجذب علي لان كان عمري 20 واللي تزوجها اكبر منه اللهم ياكافي … بعد 5 سنين قالي انا بتزوج انا على بالي يتغشمر وماسالته وبعد فتره لمن سالته ليش ماتجي البيت من وهل يقولي انا متزوج والله العظيم تميت ابجي احس روحي بتطلع وهذي مو اول مره والله انا ماعطته حقه وما اقصر معاه بشي هو اللي مقصر واليوم زوجته ساسته علي اني قاعده اشوف موبايله ومادري شنو وربي جا البيت على طول ضربني بالنعال وحسيت نفسي اني بمووت قلتله خلاص بموووت قال احسن ولا طلع ولا كان مسوي شي والله انقهرت منه انا بودي الطلاق بس هو مو راضي يطلقني لا انا طايقته ولا هو طايقني يكلمني بنفسيه ولا كاني زوجته عطوني حل الله يرضى عليكم دنيا واخره
-ينقل للحياه الزوجيه-
روحي طلعي تقرير انه طاقج ورفعي قضيه وشوفي شلون بيبهذلونه تحركي سوي شي لاتسكتين
وكذا يستغفلك ويطقك كمان لااوالله معليش
قوليله دفعت مردي والهوى شرقي
لاتسكتين له هذي الاشكال الي ما تقدر الحرمه وتعيش معاها بكرامه
فرقاها عيد
والله ما ودي اغثك لاكن انقهرت عليكي والله
و يردلج ريلج و يهديه لج ^
تقربي من الله اقري سوره البقره واييد نصيحه وشوفي العجايب
اللهم صل علي محمد وال محمد
عزيزتي ….. انصحج تشغلين سوره البقره دايم …. واقري سوره مريم بصوت داخل البيت
وصلي ركعتين قربه لله بالليل …. وضرعي لرب العزه والجلاله ..ان يحنن قلبه عليج …ويبدل حالج للاحسن 
والله يهديلج ريلج يارب … ويسهل امورج
ليش تزوج عليج وانتي كنتي توج 20 سنه اشلون رضيتي و اهلج رضو
و ثاني شي اشلون جذي يطقج و تسكتين ياماما وين عايشه باي زمن
لييش ساكته علا هالعيشه من البدايه ماعزيتي عمرج و رضيتي يتزوج مانقدر انفيدج
مالج الا الصبر
يعني توج اتفكرين بالطلاق ؟؟
بعد ١٥ سنه زواج و ذل و مهانه
احتسبي الاجر عند الله و تنازلي علشان عيالج
واهتمي بعمرج و اشغلي نفسج عنه
استانسي و ونسي عيالج و طلعي و اشتري و روحي يمعات و دشي نادي ،،،، بالعربي انطلقي و انسيه
والله يعينج!!