|
|
قوووووووووووووووووووووه
حبايب قلبي وحشتوني اشتقت لكم لاكن يعلم الله اني لهيت بالتدريس لاكن عائده وبقوة بإذن الله وراح اطرح مواضيع وايد مفيده من تعب و شقا هلكورس بهدف ان تعم الفائدة
شعندج ام زنوب ؟؟
بمناسبة ختم المناهج اليوم حابه نفرفش مع بعض و كلعاده باسلوب فكاهي
الله يستر ام زنوب ناويه تفرفش
اي بس على خفيف
عندي سؤال مهم وايد سألته نفسي بس اجلت الاجابه لي نهاية العام الدراسي
شنو هو السؤال يا ام زنوب قولي طلعتي روحنه بالمقدمات
سؤالي
عددي فوائد هذا العام الدراسي في حدود 4 نقاط ؟؟؟
ماهذا يا هذا ؟؟؟
سيدي النبي حارسك وصاينك
لالا مو صج
بالعاميه شنو استفدتي من هذا العام على الصعيد التدريس على صعيد الخبره و التجارب في التعامل مع الادارة مع الطالبات او حتى زميلاتج المعلمات
انا برايي افضل طريقة لحصد ثمار الجهد هو ان احنه ننتبه للي استفدنه منه و نترك عنه الحجي و القيل و القال الي مايويدي و لا ييب
و لا شرايكم
لا تطالعوني بهنظره
ما دري ليش لمن اقول هجمله معظم الجنس النسائي يطالعني جذي و بعض المرات تحوشني فلعات بقوطي كلنكس
و الله يا جماعه خلونه نستفيد و نترك عنه المواقف السلبيه لي وجهة نظر من المواقف السلبية الي تصير معانه مهم ان احنه نتعلم منها لاكن مانخليها ذكرى ابديه و نخليها شماعه لتقصيرنه في عملنه و لا شرايكم؟؟؟
عبد الناصر شاركنه الراي
ام زنوب ماتيوزين عن سلنقح
هههههههههههههههههههههه
بصرحه احبه هلممثل ماييوز عنه من السنه الي طافت و انا مناشبتكم فيه
الحين دوري من الفوائد الي استفدتهم هسنه هذي
1- العمل بين اسوار المدرسه ممل لذلك مهم اني اسلي نفسي اشغل نفسي بالعمل من اول مادخل لين اطلع عشان لا احس بالملل.
2- استفدت اني لمن اسمع كلام مايعجبني اكتفي بالصمت المصحوب بلابتسامه مثل هذي الاباتسامه بالضبط
3- لمن اغلط باي شي اعترف بغلطي و اعدل معلوماتي و هذا مو عيب يا جماعه احنه مو معصومين و طبيعي نطيج بالغلط فلا تكابرون على حساب انفسكم و معلوماتكم الي راح تبنون عليها عملكم سنين جدام حتى لو كنتي معلمه ذات خبره هذا مايمنع انج تستمعين للمخرجات الفريش الي عادة يستصغرونهم بحكم انهم جدد ولو اني اشوف ان معظمهم طاقات تنتظر الانطلاق و ما ان تجد من يدعمها تنطلق بلا حدود بسماء الابداع . كافي ام زنوب وصلت فهمنه شنو المطلوب ؟؟؟
المطلوب عدلو معلوماااااااااااتكم
على قولت جوهر بسيف العرب
4- اهم نقطة و تهمنه كلنه و اعتقد ماراح نختلف فيها هذي
تعلمت اني ما ابطل حلجي و اكل و ما احس بنفسي
و ماشاء الله بعض المعلمات يبدعون بلاكل عصبح فطاير داشه فطاير طالعه حلو رايح مكسرات راده على بو ان تعبانين من الشغل يحطون حرتهم بلاكل لا ياجماعه الي يتعب مايشتهي ياكل و اخر السنه……
تلقونه بنوادي نحرق بهدهن و انا هقوتي لو نشرب قاز 3 سنين جدام مايحرقه
5- لسانك حصانك اذا صنته صانك و اذا خنته خانك
ياجماعه الكلمه الحلوه لها تأثير فظيع
احب اقول الكلمه الحلوه حق الكل و ارتاح لاني قلتها من غير استثناء من المديره و المعلمات السكرتاريه و كذلك الفراشات احب اسلم عليهم احب كلمة يعطيج العافيه حتى لمن اشوف احد قاعد مو قاعد يشتغل اقولها يعطيج العافيه يا جماعه و الله و بالله الكلمه الحلوه مثل السحر تكسبين كلشي و اهم شي انج تكسبين قلوب الناس مهمن كانت محمله عليج و مهمن كانت اسبابها الكلمه الحلوه و الابتسامه شي مريح ، جربوها مع الكل حتى مع الي مو متفاهمه معاها راح تلقون نفسكم انسجمتوا
و اخيرا و ليس اخرا احب اقولكم الحمدلله تم العام الدراسي و ارتحنه وربي يسهل فترة الامتحانات علينه و على بناتنه و ربي يوفقهم
و بصراجه جد كرفت كراف مو طبيعي و لا يا ولع ولد ام ولع قلبي انشلع
و لكم المايك
انا اللي استفدت منه هالسنة
تعرفت على ابلات والنعم فيييهم
و استفدت اني خذييت منهج يديييد و درسته و عرفت النقاط المهمة فيه
والاهم عرفت انه لنا ناظرة اتهبل و و ادارة روعة
تعلمت ما اقول لا عشان محد يحسب ان داشين التدريس عشان المعاش
تعلمت الإبداع بالحصة لكسر الروتين والملل
تعلمت ما أتكلم لا عن فلان ولا علان وان سمعت بشي غلط اسكت
تعلمت اكون رسميه وما أتكلم عن أموري الخاصه
تعلمت ان لازم اضبط الصف من اول يوم
تعلمت ان شخصيتي بالفصل غير عن القسم
وبث *
PuPa^^SWeeT
هلا و الله بالغاليه فعلن هذا شي مهم انج تاخذين منهج و تتعلمين عليه اكيد تكراراه راح يكون اسهل حياج الله ياقلبي
أبله شقحه
حياج اللهي الغاليه منوره الموضوع و عيونج الحلوه
jen2n
هلا واللهب الغاليه منوره الموضوع شلونج عساج بخير
بصراحه النقاط الي تكلمتي عنهم مهمه وايد
دليل انج فعلن استفدتي
منورين الموضوع يالغاليين
تعلمت اني اقدر اخلص شغلي بالمدرسة و ما ارجع البيت الا بخفايف " طبعا يعتمد على المدرسة انا كنت حاطه موضوع اشتكي من هالشي " ..
و صج شفت و تعاملت مع ناس و النعم فيهم غيروا نظرتي عن كل شي بالتربية ..
و صج تعلمت اذا ابي لازم اكافح له و ما استحي من كلمة لا ما اقدر .. كل ما صرتي قوية احترموج و يهابونج ..
بصراحه الردود درر و فعلن تدل على تجارب صاحبتها و شكثر استفادت منها
اب لعيونكم
ممكن افيدج بجم شغله
بنسبه لكلمة لا فعلن صعبه خاصتن الانسان الطيب
لاكن انصحج تقولينها عشان تحمين نفسج من المتاعب
و برايي لازم نسوي دورهه هني بالمنتدى بخصوص ضبط الفصل نتكلم فيها عن خبراتنه
و انا اوعدج اني راح اسوي دوره بالصيف فقط عن مهارة ضبط الصف
اول ما تعينت كنت ما اقدر اقوول لا
الحين اقوولها و انا مبتسمة
ههههه
غصبن عليج باجر بتقولين للاأأأأأأأأأ
بس صج ام زنوب يبي لنا هالدورة ضروري البنات صارو شي لا يطاق وبالذات بنات الثانوية عاشر اليهالووو
بوبا عسى الله يتم عليج
انا ناوية افرفش الاسبوع الياي انشالله
باخذ حلو وبروح لربعي بمدرستي الاولية…