بليز الرد السريع

السلام عليكم

ولدي عمره 6 اشهر بس ما يقعد ولا يقلب بس شوي ع جنب وايد احاتي هالموضوع

بس سنن بعمر اربع او 5 اشهر

يحب اوقفه على طول معقوله يمشي قبل ما يقلب او يحبي؟

ساعدوني

اسمالله عليه

ميخالف لا تحاتين كل طفل غير عن الثاني سبحان الله يختلفون من ناحية المشي و الحبي و التسنين والنطق

انتي شجعيه على الشي اللي يحبه وماكو الا العافيه

عادى غلاتى ولدى كمل 9 شهور وتوه الحين بدا يقعد ويقلب

اهلين اختي ..

في معلومة ياليت كل ام تعرفها ……… ان الكالسيوم في جسم الطفل يتجه في البداية يا للاسنان وتتركز القوة كلها على الاسنان و يكون بطيء بالمشي والحبي والحركة..

او يتجه الكالسيوم الى العظام ويقوم الطفل يتحرك اسرع من اللي يسنن وتطلع اسنانه مبجر سبحان الله,,,,,

ياليت يا اختي ماتحاتين هالموضوع عادي وشيء فوق الطبيعي ولاتوسوسين

ولدج انه مسنن مبجر فالكالسيوم سبحان الله تركز على اسنانه فتشوفينه بطيء الحركة واسم الله عليه طبيعي وتوه صغير عسى ربي يخليه لج يارب،،

عادي تو الناس لاتحاتين دام سنن يطول على مايتحرك
انا ولدي توه يحبي الشايب كمل 11 شهر
بس طلع اسنان لمه كان 8 شهور

عادي انا عندي اخو على طول مشى ما حبى ابدا

عادي والله لاتخرعين عمرج

عادي انا بنتي الحين 7 اشهر ما تقعد بروحها تطيح لازم اسندها على مخدات
و ما تحبي
بس تقلب
كل ياهل و مقدرته

الحمدلله طمنتوني

مشكورين ع الردود

في يهال وايد يتاخروووون

انتي لاتحاتين س عشان اتطمنين اكثر وديه الطبي يفحص عليه

اسم الله عليه مافيه الا العافيه عشان سنن لازم تتأخر الاشياء الثانيه سواء من حباي و لا مشي التسنين يهد الحيل حبيبتي بس انتي خليه ينام على بطنه و لاعبيه عشان يتدرب