بليز ابي مساعدتكم ولكم مني الدعاء

انا احب واحد
واحنا متفقين على الزواج لان اول انسان انجذب له واحبه بدرجة الجنون يعني لو اقول لكم انتحر انتحر واستغفر الله ادري بدخل النار بس بنات وربي احبه المهم المشكله ان اهو عطى رقمي اخته وتفاهمنا بس باقي انا منحرحجه اقول تعالي البيت نتعرف واهي منحرجه ترز وياها طع اسلوبي بس
المهم خلينا الموضوع على جنب بسبت الاحراج مع اخته اللحين انا يايني مشروع زواج اذا فكرت بعقلي راح اختار اللي متقدم لي لانه مقام ومن نفس عايلتنا وغير هذا شهاده وحبي لا شهاده ولا وظيفه واحتمال 60بالميه ينرفض اللحين شنو رايكم اقول لحبي تقدم لي وامشي على قلبي مع ان من فكرنا بالزواج والمشاكل تزيد وسولف الغيره تزيد ومنها يبي يتحكم وايد بس انا قلبي ما يطاوعني ادري بتقولون في تناقض داخلي وانا حاسه فيه

والاهم انا ما ابي احاجيه بالفون ولا ابي اجوف بعد لان صارت لي وايد مشاكل واخاف اطلع خسرت حبي وخسرت اهلي بعد وربي بموت لما افكر ابجي انا جرحت نفسي وطحت من عيناها من اول ما حاجيته وخسرت ثقة اهلي اكثر من مره بس لان انا دلوعتهم يطوفون لي بس كل شي له حد

5 ولا احد رد

حبيبج لا شهاده ولا وظيفه ؟؟

توكلي على الله ووافقي على المتقدم لج دامه من نفس عايلتكم وخلي قلبج بصووب وفكري بعقلج

هذا مستقبل حياة ثانيه … والحب بروحه ما يكفي غاليتي …

الله يوفقج

حبيبتي الا الزواج ما يفكرون بقلبهم .. فكري بعقلج ترى الحب مو دايم بينكم يعني جذابه اللي تقولج انا خذيته عن حب و حبنا بعد الزواج مثل ما اهو قبل لا نتزوج .. فيه شك و فيه غيييره و فيه بيكون نوعا ما عدم ثقه و هاذي من سلبيات الزواج عن حب .. فكري باللي يسعدج و يهنيج و تحسين انج بترتاحين من جميع النواحي اذا خذيتيه و الحب بالعشره ينولد

انتي قاعده تردين على نفسج يوم سألتي منو أختار فيهم ! حبي اللي ما عنده شهاده و غيور و شكاك و الا الريال اللي دش بيتنا من الباب و شهادته بيده و وظيفته الحمدالله زينه!

ما اقولج الا صلي استخاره و ادعي ربج و شوفي الانسب لج

حبيبتي اهلج يبون يشوفونج مرتاحه معززه مكرمه

ما يبون يشوفون الشقى بعيونج

وانتي اذا بتختارين اللي تحبينه اهو الشقى

اما اذا اخترتي اللي متقدم لج فانتي اخترتي راحتج وحياه كل وحده تتمناها

وخاصة ان اهو من اهلج يعني بيحطج بعيونه وبيخاف عليج وبيعزج وبيرزج

يعني الله اعرفووه بالعقل

انا ما اقولج اختاري اللي متقدم لج وانتي مغمضه لا

قبل كل شي استخيري

وباذن الله ترتاحين وتلقين اللي يرضيج واللي يرضي اهلج بنفس الوقت

اول شي الله يهدييج ان شاء الله ويحفظج وبنات المسلمين من هالشباب …

ما يسوا اصلا تقولين انج تنتحرين عشان ريال يلعب … لا توهمين نفسج بالحب ..

صدقيني حبيبتي لو صج يبيج جان تقدم لج من زمان مو ينطر انتي تكلمين اخته وتعزمينها وتعارف وهالسوالف ..

صدقيني كل واحد يكلم بنت لا يمكن يثق بيوم انه تكون ام عياله …

وانتي قلتيها "مع ان من فكرنا بالزواج والمشاكل تزيد وسولف الغيره تزيد ومنها يبي يتحكم " مدام زادت الغيره والشك وهالسوالف ما راح يصير زواج واذا صار صدقيني عمره ما بيكون ناجح لانه انبنا بهالطريقه ومدام زادت المشاكل من فكرتو بالزواج اكيد اهوا الي كان يتسبب فيهاا وهذا تهرب من الزواج …

والله حرام حبيبتي تخسرين ثقه اهلج عشان ريال بيلعب .. حتى لو انتي دلوعتهم مثل ما قلتي هم نظرتهم بتتغير اتجاهج مهما كاان …

يا رب انج تفكرين عدل بالي قلته وتفكرين بكل التصرفات الي ذكرتيهاا …

وشوفي الي متقدم احسن يمكن يكون نصيبج اذا الله كتب …. اخذي الي يا لبيتكم يبيج ولا تنطرين شخص تحنين عليه عشان ياخذج ..

انا معاكم ومشكورين فديتكم على الرد هما بنت عمي قالت ان انا ضيعت من ايدي وايد احسن منه و شهادتهم عاليه وانا هما اقول لنفسي اذا يبيني زواج ايي من الباب وبلا لف ودواران مع اخته مع انه يحلف بغلاتي وانا واثقه انه يموت فيني ويحبني وهما واثق ثقه عميه فيني ومو شايف غيري بس مادري شكلي بصلي استخاره احسن وعن جد مشكورين وبوسه على خد كل وحده وعبال كل البنات يرزقهم ربي بالزوج الصالح وانا الله يستر متى تخلص هالسالفه لان جد تعبت نفسيني والكل لاحظ لا اطلع ولا اقعد مع احد ولا حتى اكل بس انطر احاجيه وبنفس الوقت احاتي نهاية هالسالفه اللي ما لها راس من الاساس تسلمو

حبيبتي صلي استخاره وموفقه يااااااااااارب

ميرسي حبي

حبيبيتي صلي صلاه استخاره احسن لج ؟
من وجهه نظري اذا لا وظيفه ولا شهاده اشلون راح تعييشون ؟
الله يكتب يالي فيه الصالح انشالله

انشاء الله وميرسي حبي بس وربي انا معاكم ان ماراح اعيش نفس عيشتي في بيت اهلي كل شي ابيه ايييني انا راح انحرم من شغلات بس قلبي وربي جنه سجين بقلبي ما قادره استوعب اكون لغيره محد يقدر يفهم هالشي غيري انا تحملت شغلات وربي لو اي وحده تهده واتخليه شنو اكثر من ان الخبر يوصل لاهلي واستحمل اللي صار وردت احاجيه وامي جكتني بعدها وهما رديت احاجيه واخوي جكني ورديت احاجيه شنو الحل اشلون ابعد عنه

ترا مواصله وانطر ردودكم

انت من صجج بيتزوجج في رجال صاحي يتزوج وحدة كانت تخون اهلها وتكلمه من وراهم واذا تزوجج تأكدي راح يكرهج بحياتج لانج طول حياته راح يبقى يتذكر انج خاينه اهلج وانت مصدقة ان اخته هذي اللي تكلمج اخته صج هذي رفيجته لان مافي انسان طبيعي يعرض اخته لهالسوالف…..

سؤال: ماتخافين الله يقبض روحج وانت تكلمين هالشاب؟ انتبهي ترى الله يشوفج ويسمعج

ما اكلم شباب اهو واحد واظن في اسلوب احسن وما وحده ما حبت وانا امي وابوي متزوجين عن حب عموما ثانكس على الرد والاهم الاسلوب

ويي الله يعينج