بلللللللليييييييز بنات إلي تعرف بأطفال الانابيب تدخل بسرعه

السلام عليكم شلونكم بنات الله يرزق كل وحده بالذريه الصالحه المتعافيه

السالفه ياحبيباتي رفيجتي تعالج بالصباح وقرروا عليها طفل أنابيب المهم نزلت عليها الدوره تاريخ 14/نوفمبر ولما مر عليها أسبوعين إبتدوا بالابر لمدة أسبوعين بعد!!!!!!!!!!!!!!

المهم موعدها باجر يشوفون المبايض مستعده للعمليه وله لا المهم نزلت عليها الدوره اليوم مع العلم إنها كانت تطق إبرتين باليوم الحين بسألكم يابنات إلا يعرفون عن أطفال الانابيب عادي نزول الدوره وله خلاص ماراح يسحيون المبايض منها لانها محتاره وخايفه وموعارفه هل هذا طبيعي وله لا بلييييييز يابنات ردو علي بسرعه لانها تنتظر مني رد…….

شلون انزلت لازم ما تنزل اكيد و لازم يبدون ابر مع الدوره ليش عقبها بسبوعين
اتوقع ما يصير بس يمكن لهم طريقه 2

عادي نزول الدروه لان اتوقع راح يشوفون بطانه الرحم وبعدها يبلشون ابر التنشيط

وان شالله اخر دوره وبعدها حامل يارب

والله اتوقع انهم مو ابر تنشيط وهالابر كل 12 ساعة يعني مرتين باليوم وتنزل عليها الدورة وان شاء الله من ثاني يوم الدورة تبلش تنشيط مع هالابر ماتخليهم لي موعد سحب البويضات

وان شاء الله الله يكتب لها الحمل السليم المعافى ويرزقنا ويرزق كل محروووووووووووومة يارب

ما ادري والله
بس ان شالله هذا فال خير عليخا يارب