|
|
السلام ياأحلى كويتيات
حبيت اسولف معاكم شوي عن حريم هههه
المهم
– وحده موظفه اعرفها زميلتي تخيلوا كل يوم تتصدق ما تطوف ولا يوم من غير صدقه
يكون معاها خرده معها بسيارتها اثناء روحتها للدوام تعطي عمال النظافه صدقه
_ وحده اعرفها قبل لاتروح الدوام تمر الخباز وتجيب للفرشات بالمدرسه خبز لانه افضل الصدقه سقى الماء واطعام الطعام وانه في كل كبد رطب صدقه
– وانتوا رايحيين للدوام اخذوا معكم كرتون ماي مايكلف 550 ماي (الروضتين) وعطوها الفرشات الدوام تعتبر صدقه وعشرين بطل اتوقع فيها فشوفي اجرج كم ياهني من تسوي الحركه هذي بالاجر
لاتنسون انه الصدقات هذي مبالغها بسيطه صح بس تطفي خطيات الي خطيناها وتمنع حر القبر عنا
وتحجب شمس المحشر عنا وتنفرج كربتنا
ولاتنسون انه الابتسامه صدقه والكلمة الطيبه صدقه فلا تخربون صدقاتكم بعد الصدقه
وياليت كل بنت شافت موقف حلو تكتبه لنا
فلا تبخلون بالمبلغ البسيط
جـآرئء التطبيق
اعرف واحد يشترى كرتون تفاح و كرتون موز و لبن صغار و ماى و عصير و يجيب جياس صغار و يحط بكل جيس ماى و عصير و لبن و حبه تفاح و موزه و يسويله عدد حلو و يمشى بسيارته بعز الظهر و يوزع عالعمال المساكين اللى يكرفون تحت الشمس حركه ما تكلف حتى 20 دينار بس اجرها عظيم الله يهنيه بالاجر
و لى عوده للموضوع اكتب جم موقف