بفصخ النقاب كيفج ويوم فصخته انا بتزوج عليج .

السالفه محيرتني ومو عارفه شقول ….
اقروها وشوفو …
قعدت من النوم قلتله انا بفصخ النقاب طالعني باستهزاء وقالي ليش لبستيه عيل ,,قلتله لاني سالت الفتوي وقالولي النقاب فرض وذاك اليوم رحت بيت ناس وتناقشت مع وحده وقالتلي النقاب سنه وماصدقت ولما دقيت علي نفس رقم الفتوي قالولي سنه ودام انه سنه خلاص ليش البسه الحمدلله حجابي علي وخلاص …
طالعني بنطراته السخيفه وقالي لا ماتفصخينه قلتله ليش انا شرحتلك السبب وخلاص مابي قالي انا زوجج ومن حقي اقول شنو الي اسمح فيه ببيتي قلتله طاعتي لك بحدود وهذا شي الله مافرضه علي ليش انت تبي تفرضه قالي عيل ليش لبستيه من الاول ,,قلتله لان قالولي ان فرض ….عقب نقاش طويل قالي كيفج سوي الي تبينه انا مالي شغل فيج
حسيت ان مومن قلبه نطرت جم يوم وتعمدت ماطلعت من البيت وفتحت معاه الموضوع مره ثانيه وقالي اشتبين انا قلتلج مالي شغل كيفج انتي اشحقه اتدورين المشاكل قلتله انا ابيك تكون راضي قام يطالعني بسخافه ويقولي لا الاقولي تبين سالفه اتعيدين واتزيدين فيها صح قلتلج اي وخلاص ..
اعتمدت علي كلمه اي وطلعت من البيت لابسه عباه ولفه ولما رجعت لقيته منفس وماله خلق لما قلتله اشفيك قالي انا بتزوج عليج اشحقه احاجي واكلم واخذ ذنب والله محلل الزواج اتزوج احسن !!!!!!!!!!!
طلع عني وخلاني ابجي ومنهاره …يعني شسوي انا ماقصرت خذيت رايه واهو وافق يعني ماسويت شي غلط شلي خلاه يفكر يتزوج علي ,,وين يلاقي وحده اتحمله مثلي
كله كاشخ ..واربعه وعشرين ساعه بره البيت ..اي بيت الا قولو الفندق الي اهو ساكن فيه ,,يدخل البيت ينام ويطلع من داره لابس وكاشخ حتي مايشرب ماي يطلع علي طول وهذا ويه الضيف لي الفير …
مرات اطيح عليه بلفراش منسدح واذا دخلت ايسوي روحه نايم ,,ولا القاه يصور نفسه ……………
اذا قلتله اقعد معاي يقعد معاي بلغصب ماله خلقي انا اسولف واهو مومعاي نهائيا هذا طبعا اذا هد موبيله طول الوقت قاضب الموبايل ويحوس واذا قلتله بس قالي قاعد العب قيمز….
طبعا الطلعه ممنوعه لو اقوله وين معزومه مايرضا اروح الا الزواره وبس ,,, وكل هذا وساكته مابطلت حلجي ..
طبعا العلاقه انسوها ماااااااااااااكو بلمره لان حضرته طالع لي الفير مومعقوله بتم ناطرته لي الفير بمكياجي وكشختي وحتي لما اقوله ارجع مبجر يقولي اوكي ويسحب علي ادق عليه مايرد وعقبها يقولي نسيت التلفون والا طاح بسياره وانا مادري واعذااار ماتخلص …
و حتي النقاب لما لبسته كنت برضيه كان دازلي بنت عمه تنصحني بنقاب وقالتلي ان اهو قالها اتكلمني وقلت انشالله ولبسته بس ماتوقعت ان هذا الي بيصير لا طلعت وياه طول الوقت كاشخ والبنات ايطالعونه مليت قلت عالاقل لا شافو ويهي خليقولون كاهي عنده مره حلوه اهو الي مافيه خير مايقولون لان الي عنده هيلقيه ومقصره اهو ماشي ويخز
لا وفوق هذا يقولي بتزوج ..بذمه انا شنو غلطت فيه

حبيبتي والله مابغيت اطلع من غير ما ارد عليج
شوفي انت حاولي هاليومين تحقرينه ولا تكلمينه يعني كلش سطحي بس حوالي لا تعصبين وخلج هااااااااااااديه واي شي يقولج قولي انشالله يعني اذا اهوه يبيج تلبسين نقاب خلاص لبسي اذا اهوه سنه بس ريلج طلب منج سمعي كلام ريلج يعني انا مثلا جم مره ايبله فتاوي عن الحكل يعني ابسط مثال ان يجوز الكحل بس ريلي رافض اني احطه بس خلاص اسمع كلامه بهالشي مالج شغل اذا كان سنه او لا لازم تسمعين كلام ريلج اما اذا ريلج مايدري عنج ويطلع حاولي تلهينه مثلا تسويله مفاجأه تحجزين فندق او سفره تعودينه عليج قوليله عازمتك على مطعم وقصي عليه شويه قوليله دافعه فلوس عشان لا يقولج نسيت او من هالحجي وانشالله الامور تتعدل وانشالله يشيل فكره الزواج او يمكن ب جذي قالج عشان يضايقج يعني انا ريلي مايرضى اطلع من غير عبايه ولازم عالراس عني توني صغيره عمري 22 بس شسوي لازم اسوي اللي ريلي يبيه معني ماكنت مقتنعه فيها وماكنت البسها قبل الزواج صج وهذي غيره حلو الريال تكون عنده غيره على زوجته تكون ملكه بروحه محد يشوفها كل ما ايبله طاري العبايه يقولي مو من هب ودب يشوف جسمج عرفتي لاتهدمين بيتج على شي تافه وسوري عالاطاله

انا ابى افهم يعنى انتى تسبيبين مشكله ليش
واساسا ا=ليش تقطين النقاب
النقاب وااااااااااااااااااااااااجب
ترى نص مشايخنا الله بالخير ومايجوز كشف الوجهه
بالتوفيق

بنات لا تفتون من عندكم شكو كشف الوجه لا يجوز !
اذا بصلاتج الي اهي صلاتج محلل كشف الوجه و الكفين !
نص الاسلام يا واضح ان كشف الوجه والكفين يجوز للمرأة و النقاب ســــــــنة وليـــــــــس فرض لا تفتـون من عندكـم رجاء ً :
والله يعينج على مابلآج !

الله يهديه يارب
بس انتي غلطانه كان لازم من البدايه ماتلبسين النقاب اذا مو مقتنعه فيه

انا اقول خلج عالنقاب شكله بوالشباب قاعد يتصيدلج ويبي اي عذر عشان يتزوج عليج فلا تعطينه حبيبتي المجال خلي كلمة "سمعا وطاعه" دوم على لسانج صدقيني راح تخلينه ينقد على عمره ويتحسف على تقصيره وياج

والله يعينج ويصبر قليج

الله يعينك حبوبه

:

السلام عليكم ..

حبيبتي اول شي .. صحيح النفاب مو فرررض .. لكنه مستحب ..
وانا اقول هالشي ترا ياقلبي ماني منقبة .. عشان اخليه عليج ..

بس صراحة .. اهو مستحب للمرأة وخصوصا ان كانت ملفته وجميلة .,
لكن بما انه ريلج من قبل مطرش عليج احد من اهلة ..
يعني حابة يكون عليج .. ويغار فـ يبيج تلبسينه ..
فلا تطاوعين الشيطان .. دامج كنتي لابستة بالاول
لانه والله مو حلوة بحقج ولا حق ريلج .. انه من البداية لابسته
والحييين الناس تشوف ويهج .. يمكن شوي فشلة بويهه .. مو حلوة ,,
ارضيه ياعمري قبل لا يسويها وياخذ وحده منقبة .. تالي يقولج هذي لبسته عشاني !!!!! ..

ثانيا : ريلج وايد ماخذ راحته كلميه حاجيه فهميه
خليج وراه .. واجهيه بأفعالة .. يعني يوم شفتيه يصور عمرة
ع طوووول قوليله شتسوي ليش تصور عمرك ؟؟
بيني له انج فاهمه كل شي .. وفشليه بأفعاله
وقوليله ربك يمهل ولا يهمل .. يعني بتلقاها بعرضك بيوم..
مثل ماتسوي فيني وبنات الناس ..

والله يعنيج ويصبرج .. ويسعدج ياقلبي

والله انا اقول اشتؤي راحتج وردي لبسي النقاب ..

الحياة تنازلات … ميخالف .. علشان المركب يمشي

الحين سويتي مشكله عشان قطت النقاب

يوم عرفتي انه مو فرض قلتي عذري معااي من صجج هذا حجي بالله عليج

الناس شتقول عنج تلبسه وتقطه

يعني قبل تستحي تلبس نقاب والحين لا عاادي دام رغبة رجلج ليش تعصينه

بعدره يجاكرج ويوقل بعرس عليج تحملي اذا اسوها

كلام ريلج من البدايه مبين انه مو راضي علا قطت النقاب ومن الحنه قالج اي ومن غير نفس
طبيعي انه بينفس عليج انا مو متنقبه بس مادري مو حلوه وحده تكون متنقبه بعدين تشوفينها من غيره
ولازم تغيريم روتينج الي تعودين ريلج انه يرد بسرعه ويقعد معاج مثل ماقالت الاخت تحجزين بفندق تروحين مطعم سويلج اي شي علشان يقطع العاده انه يسهر بره
والله يصلح فيما بينكم

الله يعينج

حبيبتي انتي اللي لاتفتين على كيفك الحجاب وااااااجب وكشف الوجه بالصلاه اذا
كان لايوجد معاها رجال او كان كلهم نساء او محارم لها جاز لها كشف الوجه

انصحك انك تدخلين على موقع مشايخنا بالسعوديه مثل محمد العريفي والشيخ المطلق
وتشوفين فتاويهم بهالشي
او دخلي مواقع الفتوى لهيئه كبار العلماء بالسعوديه وشوفي الحكم

ولا تتسرعين بالحكم

تقبلي مروووووووووووووري

وبالنسبه لك اختي يهون زعل الزوج ولا غضب الله تعالى
ونفس الشي دخلي المواقع وشوفي الحكم انتي بنفسك

الله يهديك

شوفي حبيبتي انتي طلبتي راينا وانا عن انفسي بقولج رأأي ولكن بليز عدينا مثل خواتج اول شي اسمحيلي انتي ادورين الشاكل اقولج ليش عمري يابعد راسي انتي ليش تلبسين النقاب وانتي مو مقتنعه؟؟ ولاتقولين لي يوم لبستيه عشان ترضين زوجج ماحسيتي انه موراضي من قلبه يوم قالج خلاص مالي شغل فيج ؟ اكيد حسيتي انه قالها عشان مايبي المشكله تكبر وانتي تدرين انه داز عليج بنت عمه عشان تقنعج( يعني تدرين انه بخاطره تلبسين القناب) صح والا لا؟؟ هذا شي الشي الثاني ترى حلات المره المتزوجه تاخذ مابخاطر زوجها لييين ماتحس انه مابقلبه ذرت زعل عليها ؟؟ مو تقضبين الباب وتطلعين بدون نقاب وانتي تدرين انه من دخل داخل قبله موراضي تقطين النقاب صح واالا انا غلطانه؟؟ موحلوه بحقج وانحسبت عليج صدقينيني اللحين نرجع لسالفه ماكو علاقه كلش ؟؟؟؟؟؟؟؟؟؟ ليييش واذا يرجع الفجر شنو يعني؟؟ طيب بسالج لارجع زوجج بذمتج تكونين مطنقره انه جا الفجر صح؟ صدقيني الرجاجيل لاشديتي ماعهم يزوغون يعني كل ماتحسسينه انج ماتبينه يسهر بتمسك بسهر اكثر؟ لاتحسينه بهشي بالعكس لبسي وكشخي (حتى لو الفرج شنو يعني منتى مره عجوز عشان 9 نايمه بتقولين دومات كلنا انداوم ونروح دوماتنا مانمنا عدل لردينا نمنا شنو يعني) وزهبي الجاي والقهوه والحلو ونطرريه لين ارد واستقبليه بنفس بشوشه وحلوه ولاتقولين تو الناس ويبنك كل هذا سهر شيلي الكلام هذا من بالج ؟ صدقيني بتعود علا قعداتج ولاتسيرين حنانه وموفقه اللله يهديكم

الله يعينج حبوبة
وااااضح من كلامج انج لبستي النقاب مرضاة لزوجج ….
المفرووووض تدورين رضى ربج قبل زوجج…
وسألي المشايخ …قبل لاتفصخينه
موووفقه