بفصخ العباية

انا بصيرلى تقريبا سنة من لبست العباية بس من لبستها وانا ماحبها وكلا احاول اصبر نفسى عليها لما أتعود بس للاسف مانى قادرة اتعود عليها انا من النوع الى كنت احب البس وماركات احس انى اندقرت صرت ماشتري هدوم مثل قبل اقول شسوى فيهم احنا ماعندنا يمعات وااااااااااااااااااااااااي مادرى شسوى خايفة ان حرام اذا قطيتها حدى مداري شسوى ساعدونى ونصحونى هل حرام اذا قطيتها

لا لوش
اول شي العبايه ستر للبنت وتخليج مثل الجوهر او الالماسه اللي الواحد يسعى ان يغطيها ويحافظ عليها

اختي اذا حابه تلبسين وتكشخين شرايج تلبسين عبايه راس وتحتها لبسي اللي تبين في هالحاله انتي ضربتي عصفورين بحجر :
1- لبسج للعباه وسترج لنفسج
2- تستمرين في لبس الماركات واللبس الكشخه وما تخلين شي بخاطرج

الله يوفقج حبيبتي

حبيبتي هذا الشيطان يوسوسلج لا تضعفين جدامه خليج أقوى منه..
أنا كنت مثلج ألبس ومكياج ودنيا وأول ما تزوجت لبست العبايه والكل انتقدني!!
بالدوام ورفيجاتي وأهلي بالزوارات!!!
بس الحمد الله مافي أحد أثر علي..
وبالنسبه للماركات أنا عندي لج حل..
حطي حيلج بالجواتي(مكرمه) والجناط..
لبسي جواتي ماركات..مع العبايه يصيرون مو طبيعيين..
لبسي جوتي أقنر مع جنطه أقنر وشوفي شلون بتصيرين..
والحين العبي شحلاتهم..
روحي عبايات نجد وكشخي بأحلى عبايه
والله يعينج يا ربي ويوفقج

شي مو مقتنعه فيه لا تسويينه بس مو معناته انج تتنازلين عن قرارج اللي صار لج فيه اكثر من سنه ,, حاولي و إذا ما قدرتي امرج لله .. عموما دام لبسج مستور وما يشف ولا يفصل ما اتوقع فيها شي

اختي الغالية

هذا وساوس الشيطان … لا تتبعينها

والعاباية ستر .. وهذا امر الله

وانتي مخيرة بين طاعة الله وطاعة الشيطان

بس انا متأكدة ان فيج الخير وراح تقدمين طاعة الله على اي شيء كان

وبالنسبة للبس منو قال ان العباية تقيد

العباية تليسينها بالطلعات اللي برا

بس جدام اهلج ومحارمج لبسي ماركات وكشخي قد ماتبين

انا منقبة والبس عباة وبعمري ما حسيت ان العباية حرمتني من شي

العباية برا البسها مع النقاب والدسوس ولله الحمد.. او جدام اللي مو محارمج

اما بالزورات واليمعات الاهل والمحارم ومع البنات اكشخ والبس اللي خاطري فيه

بالعكس العباية ستر ووقار للبنت

والله يدلج لطريق الخير ان شاءالله

ويبعد عنج وساويس الشيطان

يالجوهره

يالدره المكنونه

يالغاليه المصيونه من العيون إلا اللي حللهم ربي

الله انعم عليج بنعمه لاتردين نعمة ربج

وصراعج مع وساوس الشيطان استعيذي بربج من قلب صاااااااادق انه يعينج

على طاعته والعمر قصير فديتج ارضي ربج واكسبي الأجر

وإن كنت بضيقة تذكري من ترك شيئا لله عوضه الله خيرا منه

والكشخه واللبس ترى كلنا نلبس ولانخلي شيء بخاطرنا فيما حلله لنا ربي !!

واللي بتروحين لهم ينبهون الرجال اللي بالبيت انه مايدخل ويطلع إلا بخبرعندكم

إذا كان مكانهم مكشوف والله يوفقج بالدنيا والآخره

اختي وحبيبتي في الله

هذه بالدرجه الاولى وساوس شيطانيه …
وتأكدي ان الشيطان من المستحيل انه يدور على مصلحتك …
قال تعالى { فبعزتك لأغوينهم أجمعين (82) إلا عبادك منهم المخلصين }
كوني من هؤلاء المخلصين اللي الشيطان مايقدر عليهم …
حطي في بالك انها لمصلحتك اولا واخيرا …
واسمحي لي اذا قلت لك ان مقولة ان الحجاب بيمنعك من الكشخه والاناقه اكبر اكذوبه …
نحن في السعوديه الاغلب وربما الكل يلبس العبايه … لكن شوفيهم في المناسبات والعزايم … احسن ناس واكشخ ناس .. واذواقهم لا تعلى عليها …
حتى انتم في الكويت … كثير منكم تلبس العبايه الساتره … لا تظنين انهم مايكشخون ولا يعرفون يلبسون … لا … يمكن يكونون احسن من اللي تظهر زينتها امام الرجال …

هداك الله ووفقك لكل خير

أختي لاأقول سوى انتي في نعمة يحسدك عليها الناس.
ماذا تحبين اتباع الشيطان ام اتباع حزب الرحمن؟
لكي الاختيار.
لكن تذكري هناك قبر وسؤال فلن تنفعك الماركات وغيرها.

حبيبتي ..

أولا ماله علاقه بين الكشخة و الماركات و انج ماتلبسنهم لما تلبسن عباية ..!!

أنا متنقبة و البس ماركات و اكشخ و كل رفيجاتي جذي يلبسون من أحسن و أغلى الماركات و يكشخون باليمعات ..

لأن كشختج حق نفسج مو شرط الناس اللي برا .. يعني أنا رفيجتي لو تشوفينها .. أسود بأسود من برا .. و شوفيها لما تفصح عباتها كاااااااااااااااااااااااااااااااااااامل كشختها و مكياج و تهبل و تشوق و الله .. باالعكس كلش مااااااااااااله علاقه .. و اللي يعرفونه الناس عن الملتزمين انهم مايعرون باللبس ترا حدددددددددددددددده ماله أي وجهه من الصحة !!

و سإليني …

و كون الله سبحانه و تعالى من عليج بهالطالعه و والله استانسي و لا تحرميين نفسج !!

يعني ليش ما تلبسين و تكشخين ؟؟

شاللي يمنعج ؟؟
و بعدين هذا فضل الله يؤتيه من يشاء و الله وايد ناس يتمنون انهم يلبسونها بس الظروف تمنعهم

ادعي الله سبحانه و تعالى انه يثبتج و استخيري و الله يعني حساااااافه

و اذا تبين اي شي حبيبتي لا تترددين

كشخي بالساعه واالجناط والجواتي وانتي بكرامه..

وبموديلات العبايه الذربه اللي مو ملفته والساتره..

اي اهم عندج الكشخه او الستر؟؟

والله والله حبايبى ماأبالغ انكم رفعتو من معنوياتى وخليتونى أحاول اتمسك فيها انا بقرارة نفسى ماودى افصخها بس الى حوالى اذونى من التعليقات بس الحمدالله ان ريلى واقف يمى ومساندنى والحمدالله ان لى الحين فى ناس طيبين مثلكم لان هال الأيام لاتسترتى اقولولج ليش سويتى بعمرج جذى توج صغيرة جنى مسوية منكر مو شى زين والله يبعد عنى هال وسواس واثبت عليها انشاءالله

اهم شي زوجج دام انه واقف معاج ومأيدج مالج شغل باحد
بعدين ترى العبايات اوفر لج من البدلات وفي صقات حلوه الحين مرتبه ولا تنسين انها استر لج

بعدين لو بتردين للبدلات راح تطرين تتبعين الموضه اللي الحين البنات كل ماله ويتفصخون وخاصتا المحجبات000راح تتاثرين لان مشاءالله عليج مبين عليج لبيسه وراح تغريج الموضه

شوفي السنه شتقول وشنو امرنا فيه ربنا ومالج شغل بكلام الناس اللي لا يودي ولا يجيب والناس من متى تسكت عن القال والقيل000خلي شخصيتج اقوى من غيرج واذا احد قالج فصخيها قولي لها ليش ما انتي تلبسينها استر واحسن من الجنزات والبديات

البنات ماقصرو وارضى ربج وزوجج ابرك لج من انج ترضين مجرد صديقات

الهنوف مشكورة حبيبتى على نصيحتج الله اثبتنا انشاءالله صج الدنيا امتحان لان الحين حسيت ان صج فيها مغريات وايد

البنات كفو و وفو وقالولج

مشكوره