بغازل رياييلكم غصب عنكم .

مرحبا بنات ياسكر نبات …

أدري اغلبكم أخترع من العنوان بس هذا الي صاير للأسف من البنات

الحين الهبه الريال المتزوج ليش مادري

عسى ماشافوا ريال مع مرته قاموا البنات يغازلون ويلاحقونه ويخزونه

بقولكم جم موقف وأنتم حكموا بنفسكم ,,,

الأول صارلي : كنت أنا وريلي وولدي طالعين من الاكواريوم ومستانسين وبالسياره آنا قاعده جدام وولدي وراي يعني اشكره باين اني مع ريلي ,,, وقفنا عند الاشاره وانا مندمجه سوالف مع ريلي مادريت ان في سياره ورانا فيها بنتين يكبسوون لريلي ويأشرون له بأيدهم وابتسامات ,, يعني الوقاحه وصلت لي هالدرجه وطبعا ريلي ماقالي ليما وصلنا البيت وآنا كنت راح اموت من القهر .

والثاني هم صارلي : كنت مع ريلي بمركز سلطان الشويخ نتسوق ولما خلصنا قلنا نتعشى بماكدونالز ,, طلبنا وقعدنا على طاولتنا بأمان الله وبعد جم دقيقه قالي ريلي يالله خلصتي قلت له اسملاه تونا قعدنا ,,, سكت شوي وخلاني ليما اخلص قال يالله مشينا وعقب ماحاسبنا قالي ما انتبهتي للبنات الي بالطاوله الي بالزاويه قلت لا ((بنات انا من طبعي ما احب التفت للطاولات الي يمنا يعني عيوني على ريلي وعلى اكلي وسوالف وضحك معاه))
قال طول ما احنا قاعدين يرفعون لي تلفوناتهم يعني رقمني ,,,

ملاحظه: انا الحمدلله حلوه ومتحجبه بس ما اتغطى وريلي للأمانه مو حلو بس البنات دايم يتحرشون فيه …

موقف رفيج ريلي : يقول كنت بالافنيوز اتمشى مع مرتي ولا وحده تلاحقني وتضحك وتتحرش يقول اروح يمين تلحقنا اروح يسار تلحقنا يقول طلعت المدام من المجمع ووديتها للبيت قلت(( ورجعت بسرعه للافنيوز نفس المكان ولا هذي الي تتحرش فيني موجوده يقول قلت اليوم يومي ضحكت لها لحقتها ,, البنت ماقامت تعبرني ولاتطالع فيني الي قبل ساعه بتموت علي ولا جنها نعرفني اصلا)) يقول هني عرفت انها بتقهر مرتي بس لا اكثر ولا اقل …

موقف اختي : كانت طالعه بالعيد مع ريلها وولدها للأفنيوز صوب بروي يرسمون لولدهم على ويهه تقول المكان زحمه والفلبينيه بلشت رسم بويه ولدي وانا ماسكه ريلي ولا تصير جدامنا وحده فوول ميك ااب والبدله المرصرصه ((تقول كان شكلها يغري )) وانواع الابتسامات لريل اختي والتدلع والتميع ,, اختي عصبت وقامت تخزها تقول ولا جنها شايفتني اصلا ,, تقول لو ما الزحمه والفشله رحت لها قلت نعم خير , تقول بس خفت تسوي لي فضيحه وسالفه لأن شكلها مو هايبه احد تقول ولا اسحب ولدي وريلي ونطلع حتى ولدها مسكين طلع بنص رسمه على ويهه ,, وخربت طلعتهم وتهاوشوا بالسياره تقول انا اشوف ريلي يماله ذنب تصدد بس كل مالف لفت وراه بس حطيت حرتي فيه شسوي.

ومواقف كثيره انا اختصرتها ,, ليش البنات قاموا يدورون الريال الي مع اهله ومرته ويتعمدون يغازلونه الشباب العزابيه خلصوا ,,, ولا بس بخرب عليهم واقهر المسكينه مرته ,, ولاغيره ليش متزوجين ومستانسين … الي صار لها نفس هالموقف تقوله والي عندها حل تقوله((يارب تعمي عيونهم عن بنات بليس وتجعلنا قرة اعينهم يااارب))

اللله يستر علي ريايلنا

كلامج عين العقل والله مادري. شسميهم ملقف الله يعين ع هالخمه

يسلمو ع الموضوع حياتي

مادري البنات اللي يسوون هالحركات شنو يحسون فيه

يعني مرخصين بنفسهم لأبعد درجه ممكن تكون

الله يعينهم على نفسهم

والريال اذا كان سيده سيده واذا حاب يلف ويدور الغلط بيلاقيه بكل مكان

أي صارت وايد

بس بنظري انا اكون حارتهم لمن أطلع أيدي بيد ريلي وأهما بهل لحظه مو حاصلهم فماهمووني

تصدقين زوجي يقول البنا ت مايلحقون الا المتزوح + الي معه زوجته

علشان يحرونها مو اكثر .

يحلف يقول داحل الااصنصير واحد ويا زوجته ودشوا معهم شلة بنات من اياهم ,,

جان يتحرشون بريال ومرته ياغافلين لكم ا الله .. يحلف يقول هو يسولف بنفسه يقول مسكوا المنطقه اياها ,و
يقول من الخرعه عجزت اتحرك واخاف مرتي تدري وتسوي لي سالفه .. لان المصعد زحمه وقتها ,,

تصدقون بنات اني جذبت ريلي مع مانه يحلف قلت ماكو قلت ادب لدرجه هذي ..

بس اثبتي لي بموضوعج شكله صاج

الله يهديهم يبطون الجبد صراحة

ايه تكلمتي عني والله

شكرا

وييييي شكثر بنات جذي عادي طوفي ,,

انا مره بالمطار تونا رادين الكويت زين!! قاعدين ننطر السياره لانه حاطينها بالمطار المهم, واحنا قاعدين ولا تمر وحده شكلها مش ولابد انزين واهيا تمشي من بعيد اطالع ريلي ولمن شوي قربت ولا تشق الحلج ضحكتها مو ابتسامه ناعمه لا حيل مبطله حلجها انزين وبعدين!! انا علامات الاستغراب بويهي اشوف ريلي مسكين مستغرب

انزين ليش الحركه شنو مستفيده!!

من صجج قبل فترة رحت انا وزوجي البحر ولا اكو ثلاث بنات اعمارهن 16 وحدة فيهن بطة تنحت لمن شافت زوجي ووقفت وقطت كلمة علمني زوجي قلت هاذي ماتستحي ماتشوفني يمك وشطول بطني البنت ماوخرت جان الف عليها واعطيها نظرة ولا البنت عندت حييل جان نروح للسيارة واطالعها مصرة البنت تخز جان أشر بإيدي لها استغفر الله ورجعنا البيت

ومرة رحنا الجمعية لاهية اخذ الاغراض ولا وحدة تغمزله ولا مرة ثانية رحت للجمعية ولا وحدة متينة وكبيرة تقول لزوجي تعال ياربي مايشوفني معاه مايقولن لا حرمته معاه
وموقف لزوجي رايح الشيشة يقول تخيلي جتني بنت جان تمسكني من تحت من ورا وقدام يقول انصدمت ومعاه رجال مطوع يقول انصدم معاي قال خلها تولي عنك وواجد سوالف لو اقول ماتخلص

انزين شالهدف اقهرت مرته وبعدين ؟!
صرااحه وقااااااحه معقوله وصلت الجراءه لهالحد

اهي وحده من الـ ثنتين :
1- ي مشفوووحه وماتقدر تسيطر ع روحها جدام الشنبات ..
2- ي مرييييضه عندها عقد من المتزوجات ..

اي زايده هالسوالف حسبي الله ونعم الوكيل بس