بعيــــــــد الثانوية العامة

السلام عليكم خواتي

ما عرفت وين اكتب موضوعي قلت هذا احسن مكان

أنا عندي دبلوم وصار لي 3 سنين وانا بطالية مو محصلة وظيفة ولا واسطة نفعت معاي

قلت يمكن احسن حل اني اعيد الثانوية العامة من جديد بس ما ادري يصير ولا ما يصير

فياريت اللي تشتغل بالتربية وتقدر تقول لي اذا اقدر اعيد الثانوية من جديد وحتى لو يلغون الدبلوم مو مشكلة

انا شهادتي الثانوية من سنة 2024-2004م

انا بعد نفسج توني متخرجه وعندي دبلوم وابي اعيد الثانويه ياليت احد يفيدنا
وثاانكس ع الموضوع

ليش تعيدون الثانويه ما دام عندكم دبلوم ماني فاهمه ؟

(وييييييييييييييييييين اذنك يااااا حجااا ) كملوووو علا الدبلوووووم مو اتروووون من البدااااايه الحين فاتحين بعثات داخليه وبرره بعد روحو استفسروو او الجامعات الخاصه البحرين اشتغلوو قطاع خااااص يبووون هالفتره واذا يتكم وظيييييفه لا اتفققون اتشرطوون مابي ومابي هالمكاااااان كله شغل قعدي فيه فتره ونقلي او سنتين وسوي تفرغ دراسي حده ابرك

اي صح ليش ماتكملون على الدبلوم …؟؟؟

ولا حاطين بالكم تخصص معين ؟؟؟

اقتباس:

انا شهادتي الثانوية من سنة 2024-2004م

حياتي شهادتج قديمة ما اظن تقدرين تعيدينها :

ع العموم رايي من راي البنات كملوا على الدبلوم

انا رفيجتي معاها دبلوم من التجاري والحين تكمل بكالريووس

المشكلة اني مو لاقية وظيفة صار لي 3 سنين وانا ادور وظيفة بكذا وزارة

وحاولت اني اكمل دراستي بس محد قبلني سجلت بالجامعة المفتوحة ما اقبلوني

وبرا الكويت مستحيل ادرس والبعثات الداخلية يبيلها واسطة بس بجرب حظي واقدم اوراقي على بعثة داخلية هالسنة

وانا شايفة احسن حل اني اعيد الثانوية وادرس من جديد

انا دبلومي دورات خاصة ما اقدر اكمل بسهولة

اشدعواااااااااااا 3 سنين ومولاقيه ؟؟؟؟؟؟؟؟؟؟؟؟؟؟؟؟؟؟؟؟؟؟

اعرف بنات وااااجد دورات خاصة وتوظفو ……..

رايي من راي اختي miss_Ba6oOo6a …….

موفقـــه حبيبتي ……. وانصحج بالدعاااااااء بقلب صاااادق ………..

ما عندي فكره

للرفع

دبلوم سنتين ؟ ولا اقل؟

ليش ماقبلوج بالجامعة العربية؟ جم معدلج بالثانوية ؟؟؟

يا بنات ياريت اللي تقدر تجاوبني

اني اقدر اعيد الثانوية ولا لأ

قدمت هالسنة ما اقبلوني كانوا المتقدمين كثار ونسبتي ما تساعد57%

اييي تقدرين يخلونج تعيدين سنه ثالثه ورابعه بس واذا يبتي معدل قوي تدخلين الجامعه عادي بس ماتنلغي شهادتج القديمه هذا اللي اعرفه بس صدقيني مو بالسهوله اللي متوقعتها خصوصا ان عندج دبلوم ادري حدي حبطتج بس هذا الصج وانتي براحتج

حبيبتي قدمي مره ثانية وثالثة ورابعة

انا رفيجتي قدمت 3 مرات بعدين انقبلت واخوها نفس الشي

بعدين اذا قدمتي الكورس الاول وماانقبلتي تكون لج الأولوية في التقديم الكورس الثاني يعني تراجعينهم مرة ثانية نفس ماصار مع رفيجتي