[بعيد عن غثى اطالة الدوام وبداية السنة الدراسية] يا معلمة أبيج شوي تعاااالي

مواقف وايد ..
بما اني أدرس صبيان .. فـ حدث ولا حرج ..
يا ما قلت بدليات .. وضحكوا علي .. خاصه رابع وخامس ولا أولى ما يدرون وين اللي قاطهم فديتهم

مره بغيت أطيح ذيج الطيحه .. أشوة اني عند أولى لو رابع أو خامس جان فضيحتي بالمدرسه كلها ..
بس رقعت السالفه .. أشوة راحت عليهم

ومره دخلت نحلـه داخل الصف ..
عاد انا عندي فوبيا حيوانات وحشرات .. تعالي دوريني ما تلقيني
الصبيان ماتوا ضحك علي ..
ابله من صجج تخافين من نحله
أقولهم .. شنو اخاف الحمدلله والشكر بس النحله تجيب مرض مو زين

>> رقعني شسوي بعد

ب- موقف مضحك ومحرج صار داخل قسمج بين الابلات أو داخل مدرستج بينج وبين الإدارة يعني المديره والوكيله……

موقف مضحك ..
عادي دايم بيني وبين بنات قسمي ضحك وسوالف .. الله لا يغير علينا ..

بس ما اذكر شي صار بيني وبين الاداره ..

ج- أول يوم تدريس أكيد يكون يوم الارتباك والأخطاء والهفوااااات العالمي هههه نبي مواقفكم لما استلمتوا أول حصه وكنتي بروحج مع طالباتج

أول يوم دخلت فيه ..
بدال لا أقول .. good morning boys
قلت .. good morning girls لاني متعوده من أيام الميداني
وعادي راحت عليهم ما انتبهوا

د- هل في أحد الأيام نسيتي دفتر تحضيرج ودخلتي حصتج بدون دفتر؟ وشلون رقعتي السالفة داخل الصف؟ وفي احد كشفج إنج ناسيته؟ وهل قط مره رحتي المدرسه وكنتي لابسه لبس يفشل وما وعيتي انه يفشل الا بعد مرور فترة طويلة من الدوام؟

لبس يفشل لا ولله الحمد
بس وايد نسيت دفتر التحضير .. ولازم يكون عندي في كل سنه طالب معين يعرف دفتري عدل عشان اذا نسيته
ودزيته المكتب يعرفه
بس هي مرة وحده اللي كملت الحصه كلها بدون دفتر تحضير وكانت الحصه الاولى
انا طرشت الولد اللي متعود يجيبه لي بس فديته راح ثلاث مرات ما لقاه ..
عقب لما رحت القسم عقب الحصه لقيته على مكتب رفيجتي ..
لا عاد هو رايح معاي عشان يثبتلي انه مو موجود على مكتبي فديته والله