بعد ما جربتي الطلق شلون تشجعتي وحملتي مرة ثانيه ؟

السلام عليكم ورحمة الله وبركاته

بالبداية .. الله يعطيهم العافية ويجازيهم كل خير أمي وأمهاتكم واللي احملوا واولدوا لا كمام ولا إبرة ظهر ولا أي شي ويظلون يطلقون بالساعات ويمكن بالأيام !

بعد ما جربت الطلق أول مرة بحياتي توني من فترة بسيطة وكان طلقي صناعي لأن ماي الياهل قام يسرب وأنا مافيني طلق – كان لازم يحطولي طلق صناعي عشان أولد لأن أي تأخير فيه خطورة على الجنين – وطبعاً بس اشتغل الدرب يا سلااااااااااام شفطت الكمام لين قلت بس زين ما استخفيت

اتصدقون طلع الطلق صج يعور <<< حلفي

الألم الصراحة شي خـــرافي سبحان الله ماله وصف

كل ما أتذكر الطلق أفكر شلون بحمل بعدين ؟! صار فيني خرعة من الحمال مرة ثانية

عادي حبيتي كلنا من شفنا الياهل نسينا الحمال والطلق وكل شي ولهينا فيه

ولما حملنا تذكرنا هذي حكمه من الله يخلي المره تنسى وتلهى ولا تفكرين بالسالفه وايد

لانه السهاله من الله وكل حمله تفرق عن الثانيه وعلى قولة يداتنا ياطلقه منسيه روحي وعودي عليا

الحمدلله على سلامتج
على قولت يداتنا (يا طلقه منسيه روحي و عودي علينا)
معني ما ذقت الطلق لان ولادتي فتح بطن
مثل امي على اربعتنا كله فتح بطن بس بصراحه خايفه من الطبيعي
والي ولدت فتح بطن وطبيعي كلهم يقولون الطبيعي احسن
بصراحة انا شفت الموووووت بالفتح بطن عقب ما طلعت من العمليات
الله يسهل عالجميع

شعور طبيعي حبيبتي بس بعدين بتحني للحمال
انا نفسج لما ولدت قلت هاى اول واخر مره ايب بس انا الحين حامل وبالثامن

وييييييييي شدعوا من تشوفين الياهل تنسين الطلق والولاده انا ولدت طبيعي ولما اشوف بنتي اقول تستاهل التعب الله يحفظها

اممم انا تونى حامل خرعتينى بس كل شى يهوم عشان البيبى

عيل انا شنو اقول اللي ولدج بدووون كمام ولااااااااا شي
جني والدة بالبيت ولدي كان تعبان وماقدروا
يعطوني اي شي واااااي بغيت امووووت
وبعد صار فيني بواسير والخياط لي ورا
الله لا يروايج بس هالمرة باخذ ابرة ظهر
لان ودي ايييب حق ولدي اخت او اخو

أما أنا فولدت بمستشفى الصباح قبل 13 سنة … بدون لا كمام ولا عمات عين

وطلقي كان سهل لدرجة لمن خلصت قلت لهم بس هذه الولادة ؟؟!!

الحمدلله لك يارب على التخفيف عني .. ومو غريب يا بنات صدقوني اللي تستغل وقت الالم بالدعاء افضل من بعض البنات
يصرخون ويسبون @@ يصدموني وقتها مع ان عمري 17 وقتها كنت ادعي لين الله سهل علي والالم كان جنه غازات قوية او (سهال)
بس بقوة اكثر من الطبيعي

دخلت المستشفى الساعة 4 وسوا الاجراءات ونظفوني والحقنة …الخ وبعدين طلعوني على غرفة الجراحة بعد الولادة عشان الخياط
الساعة 6

كل هذا خلال ساعتين

يارب لك الحمد …. واتمنى وقاعده ادعي ان حملتي هذه تكون نفس الاولى

والله يسهل عليكم جميعا يارب ونساء المسلمين

بالعكس حبيبتي من اتشوفين الياهل اصلا تنسين الطلق والولادة

ليش الجنه تحت رجول الامهات

على شان شده تحملها للحمل والولاده وتربيه وبعد تموت في العيال ههههههههههههه

بعد هذا رزق من الله محد يقدر يقول شي

مافي شي مايجي بدون تعب بس لمن تشوفي الطفل تنسي كل التعب

وي عادي اذكر لما كنت اولد اقول حق الدكتورة شلون يبتي كل عيالج انا اخر مرة احمل وكاني حملت ولدت وحملت ولدت عادي تنسيني ) وعلى قولتهم يالطلقة المنسية ردي عليا

سبحان الله شلون عوار الطلق ننساه

ونحمل وان شالله الله يسهل علينه

واما سؤالج ان شالله كلها جم يوم

وتنسين كل العوار وجم شهر

تشتاقين للحمال

عادي حبيبتي عقب فتره تنسين الموضوع كله وتحنين للحمال واليهال