بعد السنه .اسم الله عليهم

السلام عليكم
يعطيكم العافيه

لا طلين دشي او كتبي شي اذا تعرفين ….. ههههه

امهات عندي ولدي اسم الله عليه الرحمن كمل السنه من هو بالاربعين يعاني الغازات او بطنه اسم الله عليه كبير حسبالي كرش بس متفوخ من الحليب
كنت استخدم نوفولاك لحالات المغص كان الحمدلله ماشي وياه يعني يتريع عليه لانه من كان صغير كان يطلع ريح مادري منو طنز عليه من يومتها او اوهو يحتبس الهوا داخل
عاد نوفولاك اي سي لحالات المغص كان ممتاز بس مشكلته من 6 اشهر فما فوق رقم 2
او جيكت كل الحليب رقم 3 مافي لحالات المغص اكو بس لنو الطفل
انا ابي لحالات المغص لانه لين الحين فيه بطنه هوا
اي حليب تنصحوني في امس فتريت الجمعيه ما حصلت ولا مركز سلطان مافي حليب رقم 3 لحالات المغص
شنو تنصحوني في من تجاربكم
لا تبخلون علي بليييييييييييز

وديه المستوصف خل يشوفون حالته وراح يوصفولج حليب على حسب حالته احسن
الله يعينا والله

اي والله صاجه

وديته اكثر من دكتور يقولي مافي شي الحمدلله هذا شي طبيعي بس لو تشوفين بطنه تخترعين

استخدمته بروجرس قام يرجعه (((((((((((

شسوي

ليش ما تعطينه دوا للغازات ؟؟

عطيه قاز بمبي وله ديسفلاتيل كل يوم قبل لا ينام .. يطلع الهوا اللي ببطنه ويرتاح

انا سمعت مدرسه معاي بدوام اتقول

ان ولدها ما ناسبه شي

والحليب الزين الي مشى معاه وممتاز بروجرس

وتحصلينه بكل مكان حتى التموين

ونصيحه عطيه همن دوا للغازات غاز من بامبي

وشاي اعشاب كل يوم ان شالله يرتاح

ماي غريب
غاس بامبي
افاكول ( تييبينه من بره الكويت )

بس الاحسن عطيه عصير برتقال فرش
راح يمشي بطنه و يريحه

يسلموووو يالغاليلات انا هل الاشياء موقفتها من زماان ما عطيه
انشاء الله بجرب له او بشوف الدكتوره شتقول عن الحليب
هذي يمكن 3 دكتوره اروح لها
او اعطيكم خبر
جمعه مباركه

ياقلبي عطيه اي شي يطلع الهوار من بطنه قطرات اشكثر بالصيدليه
او منقوع كمون اغصبيه مره وخلاص

والحليب بروجرس حلوو وريحته يمي يمي

الله يخليه لج وما يشوف شر
انا كاتبه طريقة اعشاب للمغص و الامساك اقريها بمواضيعي

يسلمووووووووووووو ما قصرتو
ما يحب عصير البرتقال اغصبه عليه
او قاطعه عنه ادويه الغازات من زمان

مرقدوش شوي ماي لقاح بعد وماي غريب ينفع دام عدا السنه
انا بنتي عدت السنه خيرته من سيميلاك الحين بروقرس قولد ٣

انا استخدم برووووووووووووجرس عجيب صج مو للمغص بس وايد ولدي مرتاح عليه

تبين نصيحتي جربي دوا الغازات من الهيمالايا تحصلين بالصيدليات والستي سنتر عليه صورة بيبي والله دورت لج صورته ومالقيته للاسف رووووعه للغازات والم البطن ومكوناته طبيعيه وحتى مكتوب عليه فاتح للشهيه عطيه قبل النوم بجم ساعه وبترتاحين
اذا في اي استفسار دزيلي رساله خاصه لان نادرا ما ارجع للمواضيع اللي رديت عليهم (:

اب لعيونج
وما يشوف شر ان شاء الله