|
|
شلونكم بنات؟؟
انا عندي مشكلة مظايقتني, ولدي الثاني اسم الله عليه عمره 3 سنوات وودي احمل بس خايفة من سالفة الوزن لانه
المفروض اقط عشرة كيلو علشان اصير ok يمديني اقطهم خلال شهر ؟؟
انه صارلي اسبوعين مخففة اكلي و وزني ثابت
و هم بطني مترهل, اخاف عقب الحمل الثالث يوصل لي فخذي
وودي اعرف عقبها ينفع رياضة و لا لأ؟؟؟
منو تعرف وحدة جسمها كان ميئوس منها و تعدل مع الرياضة و الرجيم؟؟؟
بلييز بنات ترا حدي محتارة و متضايقة
وفيه عيادات التغذية نظام غذائي للحامل
و اكيد مع الرجيم و الرياضه كلشي يصير بس انتي لا تيأسين النوادي هل ايام ما تقصر
|
المشاركة الأصلية كتبت بواسطة rzaan77
 حبيبتى حاولى تضعفين قبل الحمال جم كيلو احسلج
|
ودي بس وزني ثابت مو راضي يتحرك
|
المشاركة الأصلية كتبت بواسطة dan
شدي حيلج و نزليمن وزنج قبل الحمل و مارشي رياضة حتى لو خفيفة مشي من نص ساعه الى ساعه و نطي حبل ترى حده عجيييب
وفيه عيادات التغذية نظام غذائي للحامل و اكيد مع الرجيم و الرياضه كلشي يصير بس انتي لا تيأسين النوادي هل ايام ما تقصر |
حبيبتي انا سامعة انه نط الحبل مو زين للمرا ياثر عالرحم
شنهي العيادات اللي عندهم نظام حق الحامل؟؟؟
النوادي تنفع حق الحالات اللي يكون فيها ترهل من الولادات المتكررة؟؟؟
والله ماكو احسن من المشي .. وحطي الحزام الي يشد يكون من تحت الصدر
لمن اخر منطقة البطن, يبيعونه بالرياضي لونه ازرق
انا كنت احطه بس صراحه ما التزمت فيه بس وايد قالولي يشد ويهبل
وحبيبتي بعد زين الكورسيه ببوتس جنه عندهم كورسيه حق اذا بتمشين همن يشد
وفي دكتور مره قال حق خالتي انتي تلبسين كورسيه بدوامج وجذي قالتله اي قالها والله عفيه عليج هذا يشد حيل
وجسمج مايترهل
بس انا مادري اشوف جنه مو زين لانه يكون الجسم جنه مختنق ..خوش تشبيه لووول
بس مثل ماقتلج عليييج بالمشي يشد ويخلي جسمج مشدووووووووووود والله
وانتي تقولين خففتي بس مانزلتي .. يمكن انتي خففتي الوجبات الي فيها نشويات فوق العادي عشان جذي
ثبتت وزنج بدال لا يزيد
عشان جذي اقولج حبيبتي بعدي عن الخبز والعيش والمعكرونيا .. اكلي عيش مشخول ملاس واحد اذا اشتهيتي
واكلي كله مشوي احسن .. وعليج بالسلطه وايد زينه واذا انتي نفسي ماتحبين السلطه كلش ,, قوليلي واعلمج طريقه
انا اسويها افبيتنا حق السلطه وحيل تهبل صرت مدمنتها
لاني اصلا حملت وانا متينه شوي فنصييييييييييحه خففي وزنج وبعدين احملي والتزمي نظام غذائي
انا الحين بسوي رجيم باذن الله ومع المشي بس انطر الدورة اتخلص
الله يوفقج
|
المشاركة الأصلية كتبت بواسطة MissKaka
حبيبتي بوران
والله ماكو احسن من المشي .. وحطي الحزام الي يشد يكون من تحت الصدر انا كنت احطه بس صراحه ما التزمت فيه بس وايد قالولي يشد ويهبل وحبيبتي بعد زين الكورسيه ببوتس جنه عندهم كورسيه حق اذا بتمشين همن يشد وفي دكتور مره قال حق خالتي انتي تلبسين كورسيه بدوامج وجذي قالتله اي قالها والله عفيه عليج هذا يشد حيل بس انا مادري اشوف جنه مو زين لانه يكون الجسم جنه مختنق ..خوش تشبيه لووول بس مثل ماقتلج عليييج بالمشي يشد ويخلي جسمج مشدووووووووووود والله |
ما قصرتي حبيبتي بس انتي قصدج كورسيه مال العروس و لا غيره؟؟؟
لانه اللي اعرفه انه مال العروس مو زين يرهل البطن
ما فهمت قصدج ليش ثبت وزني؟؟
انا احب السلطات بس اتعييز اسوي قوليلي عن طريقتج حق السلطات
|
المشاركة الأصلية كتبت بواسطة ليالي نجد
ويييييييييييييييييييي ياختي جيتي عالوتر الحساس والله توني طالعه نفاس جني فيل زايده 11 كيلو عن وزني اللي قبل
لاني اصلا حملت وانا متينه شوي فنصييييييييييحه خففي وزنج وبعدين احملي والتزمي نظام غذائي انا الحين بسوي رجيم باذن الله ومع المشي بس انطر الدورة اتخلص الله يوفقج |
واااي لا تضيقين خلقي انا من سنة ناوية احمل بس هالسالفةخلتني ااجل بس الكل يقولي خلاص مصختيها ولدج صار كبير