بس المتزوجات يدشون

عندي موضوع وابي الكل يشارك ————————— ابطلب من كل وحده متزوجه تقدم لنا نصيحه للحياه الزوجيه وتكون من واقع تجربتها————————–واستفادت منها خلونا نتبادل النصايح ونستفيد من بعض———————————————–وكله بميزان حسناتكم

لا تشكين بريلج
وبنفس الوقت لا تثقين فيه ثقه تعمي عينج عن وايد اشياااااء

وتنصدمين بعدين

وان شاء الله ولا وحده تنصدم
الله يسخر لكم رياييلكم

لا تعلي صوتك

لا تتشكين وتتحلطمين وايد… ولا تخلين كل شي مو عاجبج وتكونين على طول كلة انتقادات…

1 )عوديه وعودي نفسج على الخوف من الله ولا تخلينه يتهاون بالصلاة جماعة . لأن هذا يفيدج انتي ويصير يخاف الله فيج وفي عيالج . وثقته فيج يصير مالها حدود .

2 ) أهم شي تطبعين بذاكرة ريلج أحلى المواقف منج من بداية الزواج . عشان يذكرها لج .

3 ) لا تدللين عليه زيادة عن اللزوم أقصد الدلال اللي كله زعل من أتفه الأسباب لأن بييله يوم ويمل .

4 ) حاولي تخلينه يعجب بطريقة تفكيرج وعمق نظرتج للمواضيع لأن هذا اللي يدوم .أقصد اعجابه بعقلج .

موضوع حلو وهادف انا عن الغييييييييييره اول الزواج كنت حدي اغاااااار حيل لدرجه اني صرت اتوهم انه يطالع الحريم المهم اشتغلت على نفسي حيييل والحمد الله قدرت اتغلب على هالمشكله فالغييره هي العدو اللدود لزواج غاري لكن بحدود وسلامتكم

مشكورين والله يعطيكم العافيه على هالردود حلووووووووووووووووووووووووووووووووووووووووه

لازم الوحده ماتغاااااااار غيره مادري شلون صاايره >>والله امغسل سيارته اكيد بيطلع مع وحده

ولازم الوحده كلش ماتعلي صووتهاا على ريلهاا لو شنووو كااااان

اذا كان متضاايق ولا فيه شي لاتروحين وتحنين عليه والله ترى ماسويت هذا الشي امس قتلي واليوم ماسويته متى بعد
>> لان انا جربت هل شي وياريتني ماتحجيت لوول
مره كان راد من الدوام وفيه نومه وتكسر طبعاا بيناام على طول قتله وين اللي قال يبي يسوي ويسوي عصب علي وصرخ علي
مااتسوى علي تحجيت لوول ’’ فالحين لمن اشوفه جذي يعني مااقوله والله سوي جذي وجذي يعني

خلي الثقه بينج وبين ريلج ’’ كلش لاتحاولين اتشكين ترى بعدين عقب الشك يتحول يقين

اذا زعلج بكلمه او اذا طلبتي شى و رفضه حاولى انج اطوفيله و تسكتين عنه و تصيرين طبيعيه يعنى مو تسكتين و انتى منفسه (ادري انه صعبه )بس شوفى النتيجه علطول بتكسرين خاطره و يساحلج

مــــــــثال: مره كنت متضايقه ودي اطلع معاه لو اي مكان جان اقوله بروح معاك قالى لا ما ينفع بروح اقضى شغلى بشويخ جان اقوله بروح مع امى و خواتى السوق جان يقولى لا اليوم خميس شنو نسيتى ؟ (طبعا ممنوع الطلعه بالويكند للمجمعات)
جان اسكت و اقوله اوكى خلاص بروح بيت امى اقعد بحديقتهم اونس اليهال ونغير جو
قالى بس امج و خواتج طالعين من و ياه بتقعدين؟
قتله بروحى قالي اوكى روحي
وعقب يمكن ربع ساعه من وصلت بيت امى جان يدق على يقولى طلعيلى انا عند البيت برى
يوم طلعتله جان يطلعنى و يمشينى و رحنا السينما و تعشينا و رجعنا
صج استانست تخيلو كنسل شغله و يانى و طلعنى لانى كسرت خاطره و هو مو متعود علي اسكت بهالمواقف انصدم و كسرت خاطره ومن عقبها قمت كله اطوفله و انا المستفيده
جربو وقولولى

نصيحة… حفظي اسرار بيتك..

ولا تخلين نفسك حديث عام للكل..

في بنات الله يهديهم يقعدون مع اهلهم او صديقاتهم او زميلاتهم في الدوام ويتكابرون المقعد ويحجون بكل صغيرة وكبيرة بحياتهم..

اول شي حتى اهلك ممكن يطيح من عينهم.. ويقل احترامهم له.. وما افتكر انك ترضين هذا لزوجك لان كرامته من كرامتك..

وبقية الصديقات والزميلات.. بيلاقونه سالفة بيحجون فيه على طول.. ولا اعتقد ان هذا الوضع ممكن يعجبك..

وان بقيتي تفضفضين لاحد او تستشيرين اختاري الاقرب لك من خواتك او صديقاتك.. وسولفي لها..

عسى الله يوفقكم ويكتبلكم الخير كله.. ويهديكم الى كل ما يحبه الله ويرضاه لكم..

– لاتتكلمين عن علاقتج الزوجية مع أي أحد
– كوني له الحبيبة والعشيقة قبل الزوجة
– خلي الكلام المعسل والحلو دايم على لسانج(حبيبي / عمري /حياتي ) لما يتعود عليها لدرجة الادمان وإذا زعلتي لاتقولينها مع الاحتفاظ بالاحترام 000راح تلاحظين شلون راح يفقد هالشي ويسعى لرضاج

لاتراددين ريلج

لا تحنييين
اهم شي الحنه وخري عنها ترا تاكل قلب الريال

اممممممممممممم انا اشوف الموضوع حلووو حتى لغير المتزوجات عشان الكل يستفيد

اممممممممم

و اللي اعرفه ان الرجاجيل ما يحبووون الحنه

يعني لا تحنووون عليهم

و بعد اذا شفتيه معصب لا تكلمينه لان كلمه منه و كلمه منج بتكبر السالفه و هي ولا شي

فاذا تهاوشتوا سكتي لان اذا تراددتوا بالكلام ممكن يغلط عليج حيييل مو شوي

امممممممممممم سوي الاشياء اللي يحبها وخليج نظيفه دايمن