بسرعه دشو قبل ياخذون مني اللاب تكفوووووووووووون

[SIZE="6"][COLOR="Navy"]يسعدلي اوقااااااااااااتكم خواااااتتي<<<

بقووولكم ساالفتي بسررررعه لاني ودي اسمع راااايكم بأغرب واصعب مرحله بحياتي[

انا تزوجت من 9شهووور من شهرين كملت 22 بس لما تزوجت كنتي بعدي21 من البدايه حسيت سبحان الله ماكو تأقلم بيني وبينه !! ماحسيت بشعووور الي يحسون فيه كل العرايس لا عادي كلش مافي ترابط بيني وبينه .. هو بعد احس مو متجرأ علي وعادي عنده كلام الحلو مااسمع الفزه والوله والشوق وهالسوالف ماكو حيييل كنت مستغربه وخايفه بس الضليمه شينه كان تعامله زين معاي وامورنا كانت بالبدايه طيبه

حاولت كلمته قلت شهالوضع احنا فينا شي وضعنا مو طبيعي وقام يقولي احنا تونا متزوجين والعمر جدام ومن هالكلام ومشيتها… وقلت بيني وبين نفسي هم فرق العمر يمكن لاعب دور وباجر بنتأقلم على بعض…

انا كنت من بداية عرسي وانا ادرس بالكليه بعد ماتخرجت وكانت دراستي ملهيتني شوي عن التفكير بهالسالفه وبما اني ساكنه مع اهله كنت معطتهم هم من وقتي وحبيتهم وااايد وهم حبوني وعاديني صغيره ويخافون علي …

المهم شوي شوي الفجوه بيني وبينه زاااااااادت وبانت حيل تقريبا من ثالث شهر حتى اهله حسيت انهم دارين وملاحضين بدأ يكلمني بدون نفس ويقط علي كلام وبدون سبب والله وكان كله معصب علي وموعاجبه شي اسويه >>>

لدرجه بدأ يحاول يغير صورتي جدام اهله تصوروا مره كنت مسويه العشاء لحمولتي تحت وبدعه وتعبابنه عليه وهو يشوفني رايحه راده للمطبخ ببي يحرجني جدام اهله جان يقول بنفس خاااااااايسه وبخزه شمسويه عشاء والله ماانسى نظرته قلت بخوف شوربه ودجاج جان يسكت وامه نزلت راسهاا المهم طنشت وسويت الاكل وحطيته تذكرت القفاش رحت اجيبهم وهو حسباله ماسمعته قال لامه بنفس خايسه هذا يااابس يقصد الدجاج والي قهرني انه للحين ماذاقه ولاحاشه من بعيد يتكلم انصدمت وبلعتها ودخلت اول ماشافني جان يقول خوش شوربه !! تخيلوووا عباله غشيمه موفاهمته وربي صكت فيني الدنياااا المهم صعدت شقتي بعد دقايق لحقني للشقه اول ماشافني قال يعطيج العافيه على هالعشاء قلت لا شحقه ياااااااااابس انصدم !!!

جان يقول لا من يقووول بالعكس انهرت بوجهه قلتله انت عبالك موفاهمتك موفاهمه نغزاتك وحركاتك وقعد يتمتم ومايدري شيقول ودخلت دااري منهاره بجي "

المهم هاذي سالفه من السوالف الي صارت بهالثلاث شهور الي كان يقهرني اني اذا واجهته حلف وتكفر ماكو شي وان هذا طبعه لا ومره قالي هاتي القرأن احلفلج… المهم بيني وبين نفسي قلت بيهديه الله كافي انه رجال مصلي صايم يخاف الله مصيره بيعقل…
المهم على الشهر الرابع لنا زااادت النفسيه خاصه وانه بدأ يترك التدخين قام ينام بغرفه وانا بغرفه اكثر من عشر ايام ونفسه براس خشمه واذا كلمته قال تارك التدخين مو بيدي …

المهم جيته قلتله ياابن الحلال هالوضع ماينسكت عنه عايشين مع بعض ولاكأننا مع بعض فقلتله انا بروح عند اهلي برتاح يومين وانت بعد ترتاح شوي اول شي مارد علي بعدين كانه اقتنع رحت لأهلي…

انتبهوا لما رحت كان لنا اربع شهور من تزوجنا رحتلهم وكان يكلمني يوميا بالتليفون وعادي الوضع بعد كم يوم قال هاه اجي اخذج حسيت يقولها مو من خاطره جان قلت لا ماراح اجي على نفس الوضع القديم انت للحين ماتغيرت وجان يسكت كأنه مأيد كلامي وكل يوم الاسبوع الجاي بجيج ويروح الاسبوع ولا يجي ليما مر الشهر اندبلت جبدي منه حييييييييييييييل وقهرني واهلي بعد طابت جبودهم من تصرفه جان يقولون لي إقلغي الجهاز ولاتحاجينه / اذا عند شي يجي يكلمنا انتي صغيره وقاعد يلعب عليج اغلقت الجهاز وكنت من امس مكلمته وماكو شي صاير بيننا وحتى قالي انا اعرف شنو تبين انتي تبين عمره تريحج كلامه اقنعني بس اهلي قالو لو يبيج ماتركج كل هالمده لا وبدون مصروف وانتي توج طالبه موموضفه ومن هالكلاااام مال الاهل تعرفونه ..

[SIZE="5"]اغلقت الجهاز اسبوع بعدين عورني قلبي وبطلته بدون اهلي لايدرون وكلمته قلت بشوف شيقول وكلمني وقام يتعذر ولاتكبرين السالفه ومن هالكلام جان يقول باجر بجي اخذج سكت انا ومن باجر العصر دق علي جان يقول هاه اجي اخذج قلت لا موالحين خله باليل قال خلاص المغرب امر اخذج رحت ولبست وتسنعت وقلت لاهلي الله هداه وحاجاني وتعذر سكتوو ماقالو شي المصيييييييييييييييييبه دق علي المغرب بعد مالبست وقعدت انطره جان يقول اسمعي انا بروح سوريا باجر: ماتت اعظامي شهالبليد الي [/SIZEماايحس حسيت صج داس على كرامتي اغلقت الجهاز وهو مايدري شسالفه القي كل يوم 11

مس كول منه واكثر ومسجات بطلي الجهاز ليش مسكرته والى اخره… ومسجات شعر والي تبون بس اهلي حدهم حاقدين ومايلامون…تصورو قعد شهر يدق مغلق ويطرش مسجات ولاارد بعدين من نفسه هو قطع وماقام يدق والمصيبه ماجاء عند اهلي يكلمهم قعد شهرين على هالحال لاجاء ولاسأل واهلي ماكلموه يقولون يبيج يجيج …
وبعد شهرين رد يدق هم مغلق بعدها باسبوع جاء يكلم ابوي ابوي قام يلومه وينه كل هالفتره وهو يقول ماكنت ابي الموضوع يوصلك واهي كبرت الموضوع ومن هالكلام وقعد يدق بعدها على ابوهم اكثر من مره ابوي قاله كلامك خلص معاي تفاهم انت معاها دق عليها وشف رايها واتفق على انه يكلمني وتخيلووووووووووووا
الحين له اكثر من شهر مادق علي ولارد يدق على ابوووووووي حده امره عجيبوابي اقولكم ان صارلي تقريبا الحين عند اهلي 6 شهوور معلقه لا واهله كلش ماسألو عني ولاحتى رفعووا السماعه علي مع اني ماسويت لهم شي <<
ابوي يقول بنطر بهالرمضان اذا ماجاء وحس بطلب طلاااقج وانا حييييييييييل محتاره احس موضوعنا متشابك ومافي شي جايد يوصل للطلاق وتوي صغيره على الطلاق وخايفه منه حيييل وبنفس الوقت اقول اهو موكفووو<<

هاذي كل قصتي من الالف للياء انتو شراااايكم بالله نوروني تعبت

الله يهديه ان شاء الله وترجعون لبعض بس اقولج اذا طول اكثر الي باعج بيعيه

بسم الله … هذا شفيه ! انا ما احب انصح بالطلاق والانفصال بس هذا بايعك ولا هامته . يعني لما سافر عنك ومن هالكلام ويحاول يتصل لك المفروض يجي بيت اهلك ياخذك مو يسألك وياخذ رايك . حبيبتي انتي قد قعدتي معاه قعدة صراحة تقولون بإلي بخاطركم كله وبدون حواجز ؟ يمكن فيه شي الرجال لان هذا مو تصرف واحد طبيعي . وانتي غلطتي لما قطعتي امه . المفروض عالاقل كل اسبوع تدقين عليها تسألين عنها ! اذا هو مافيه خير خلك انتي فيك الخير . انا اقول لا تستعجلين ترى صح مافي شي يسوى انك تتطلقين عشانه والموضوع كبر بدون معنى . انا اقول عطيه فرصة وتفاهمي معاه وخلك حازمة وقولي له يا ولد الحلال انت ماخذني بنت ناس مو انا تعاملني بهالطريقة وتحقرني يخي ما تبيني مثل ما دخلنا بالمعروف نطلع بالمعروف !! ..انا اقول تمهلي واستخيري وادعي ربي يرده لك اذا كان فيه خير لك . الله يعينك ويفرج همك ياارب

سبحان الله قصتج فيها من قصتي
وانا اللي قاهرني ان زوجي يدزلي مسجات ويسالني اذا نااقصني شي انا او ولدي بس مو عااااااااااااارفه ليش مايجيني ويااخذني من بيت اهلي علما ان سالفتنا مااتسوى زعل وعماات عين كل السالفه بسيطه بس مدري شلون كبرت
والحين خوووي يقول بعد رمضاان اذا ماجاا واخذج يطلقج
وانا الصراحه مااودي عشان ولدي شذنبه
مدري زوجي شنو يفكر فيه المشكله قلتله اذا مااتبيني طلقني بس مو رااضي هم يطلقني مدري شنو يبي مني
اللله كررررررررررريم يامعودة والله يفرجها على وعليج وعلى بنات المسلمين
ماكو غير انج تنطرين
استغفرالله الذي لا اله الا انت سبحانك اني كنت من الظالمين

لا حوول ولا قوة الا بالله ..

زين انج سويتي هالشي اهم شي كرامتج ..

وعسىى الله يسهل عليكم ..

الله يعينج ويهدي زوجج ويسخره لج انا للحين ما فهمت السبب اللى خلاج تهدين البيت ؟ تبين الصج الغلط منج شكو تهدين بيتج بنات هالايام عبالهم لا هدوا البيت الريال بيجي يركض يدورهم حبيبتى حنا بزمن الله يستر منه الواحد يدور الحرام ومايبي الحلال انا من رايي دام قعدتى كل هالمدة في بيت اهلج ولا سال عنج ابوج ينادي الريال واي واحد من اهله وياه ابوه او اخوانه لانه مو قد كلمته ويقعد ابوج مع الصبي معاج بصوب وتتفاهمون -شلون اهلج ساكتين عنه كل هالمدة حبيبتى اذا اهله ما استحوا كل هالمدة انتوا لاتستحون منهم واذا لكم حق عندهم اخذوه والله يعينج يارب ويمكن لانه توج صغيرة بالعمر ومالقيتي من ينصحج ولاتنسين قوليلنا اخر التطورات

حبيبتي بصرااحه انا اقول تصرف ابوج اهو عين العقل لأن انتي ما غلطتي كافي انتي بعد مو حاسه بالأمان وياه و لا اي مشاعر تجاهه و انتي سويتي اللي عليج و اكثر انا اقوول خلي نفسج عزيزة عنه و لا تتصلين و اذا شفتيه تسنع ردي عليه ..

شوفي احر ما عند الريال لما يحس ان بنته قاعده تعاني بزواجها صحيح ان زوجج ما يطقج بس يهدج بهالطريقه حرااام عليه

انتي غلطتي لما سديتي جهازج طول هالمده من تغلى تخلى ليش تسدين جهازج الريال مو نفس المره لما يحس انه غير مرغوب فيه

كرامته ما تسمحله يحن على المره عشان تردله وهو على قولتج قعد يدق 11 مره باليوم انتي لما شفتيه يدق هالكثر ما حن قلبج ؟

قلنا نطيع امنا و ابونا بس الحين انتي زوجه معقوله بتطيعينهم بكلللللللل شيييي و يمكن الريال ما حب يوصل السالفه لابوج

اختي انتي غلطتي مثل ما زوجج غلط كان ممكن تغيرين الريال و مهما مهما مهما مهما يصير لا تطلعين من بيت زوجج

السبب الي خلاج تطلعين تافهه و ما يسوا و انتي قسيتي على زوجج واااااااااايد شلون تحطين جهازج مغلق وتغيبين عنه طول هالوقت

لما زوجج يغلط لا تعاملينه بالمثل صيري احسن منه الله يهديج بس شهههههههههههههههر حاطه جهازج مغلق

وااااي لااا ما اصدق @@ و ما اشوف ان السالفه تستدعي الطلاق

وانتي استخيري افضل

بس انا لو بمكانج اصلح غلطتي و ادق على زوجي نقعد نتفاهم بدون تدخلات

قبل لا يفوت الفوت و بعدها ما يفيد الندم

انتي ما عطيتي زوجج فرصه عشان يفتقدج يعني عودتيه انكم تكونون بعاد عن بعض

و بعدها قلتي صار ينام بروحه فلما كان يكلمج ما حس بفراقج و يوم حس سكرتي جهازج شهههههر !!!

الله يهديج و يوفقج و يصب قلبج و يفرج همج يا رب

ادري كلامي يختلف عن باجي الاراء

الله يهديه ان شالله

المشكله انه ما في مشكله

انتي استأذنتي منه تروحين لأهلج وفوق هذا كنتي تكلمينه ليش ما رديتي من ثاني يوم ؟؟!!!!

واهو حاقرج 6 شهور – لا اللي قال شنهي المشكلة ولا شنو الاسباب اللي تخليه ما يخذج للبيت

لازم ابوج يتصل عليه ويقوله تعال اخذ زوجتك وتفاهموا بالبيت ولا تأجلين الرده بعد المغرب بالليل باجر العصر ما في داعي هالحركات

الله يهداكم ويسخر لج زوجج ويبعد عنكم شبح الطلاق

لا حول ولا قوة الا بالله

والله ظلم

لا تقولين لابوج يطلب طلاق
لا يروح يكلم زوجج وابوه ويشوف شنو سالفتهم معلقه 6 شهور

غريب امره…
الظاهر انه ناطرج تطلبين الطلاق بنفسج على بونه طلعت منج مو منه
بدليل انه مو مطوف سفره ولا حتى مستحي من اهلج
الله يهدي النفوس انشالله ‏

غريب امره…
الظاهر انه ناطرج تطلبين الطلاق بنفسج على بونه طلعت منج مو منه
بدليل انه مو مطوف سفره ولا حتى مستحي من اهلج
الله يهدي النفوس انشالله ‏

تصرفات زوجج غريبه .. اخاف صاكينكم عين ولاشي

عموما اللي الله كاتبه بيصير واذا اهو مو شاريج اشتبين فيه

٦ اشهر مده طويله .. وعلى شنو؟؟ على ولا شي

الله يوفقج

صرااحة انتي بعد كبرتي الساالفة احاول احل المشكلة بينا ولا اروح البيت من اول زعل انتو توكم معاريس مافهمتو بعض صبري عليه اعرفي اطباعة شووفيه شنو يبي يمكن موقادر يوصلك وفي بعض النا س اشكاالهم توحي انهم معصبين
اتمنى انج تردين وتعشيين حياة سعيدة ياااارب