|
|
مراحب بنااات بغيت نشارك الراي شنو رايكم متى انسب وقت للحمل بالبيبي الثاني ؟؟؟ شاركوني بتجاربكم ورايكم
انا بالنسبه لي ودي ايييب بنوتة ولدي عمره سنه وخمس شهور يس الصراحه حدي خايفة لاني ولدت قيصرية ومتنت 30 كيلو
شرااايكم انتو؟؟ شاركوني
و ولدي من الحين يغار ..و اهم صغار ورى بعض احسن لج علشان بعدين لما اتيبنهم لهم تخلصين و ترتاحين
انا عن نفسي، يبت الاولى وبعد ما كملت 9 شهور حملت بالثانية، والحين بعد ما كملت الثانيه سنة حملت بالثالث، انا عن نفسي احب اييبهم ورا بعض (يعني تقريبا اريد 4 يهال) وبعدين اوقف واهتم بجسمي ونفسي شوي
وعلميا المفروض ان بين كل طفل وثاني سنتين على الاقل، هذا اللي قريته واللي اعرفه
ام هاجر
والحين عندي بنت وولد بس مرتااحه احس قادره اسيطر عليهم البنت عمرها سنه ونص وولدي عمره 5 شهور
مفكرره احمل بعد سنه لاني انا طووولت على ما حملت قعدت 6 سنين فابي اجيبهم ورا بعض وارييح مرره ووحده
بس والله باجر يكبرون مع بعض وانتي ترتاحين
مو عمرج 40 وليلحين بيدج بيبي
واصلا احسن حق الحمال يكون اسهل اذا ورا بعض
وهم احسن حق البيبي اند تكونين صغيره
هذا وجهة نظر . فى ناس تقول ابيهم يكبرون مع بعض وفى ناس تقول لا الاولاد مصاريفهم تزيد كل يوم عن الثانى
واذا بربى عيالى بطريقه سليمه لازم اخلى فتره كافيه على شان كل واحد ياخذ حقه من التربيه و دفع المصاريف
تخيلى بيبى عمره سنه يحتاج للرعايه والاهتمام وفجأه ايله بيبى ثانى ياخذ كل هذا منه
واهم شى التفاهم بين الزوج والزوجه فى هذا الموضوع
وبالتوفيق
لان ولدي عمرة سنة وشهر والحين انا حااااامل بالخامس صج كنت مضايقة اني تعبانة ومارتحت بينهم بس الله كريم الله يصلحهم
بانتظار المزيد من الاراء
والله كريم..