برايج شنو الافضل؟؟ الطبيعي ولا القيصري

السلااااااام

عندي حب استطلاع ودي اعرف

شرايكم بنوتات اللي جربت الولادة وخصووووصا اللي جربت النوعين

تهقين الافضل الولادة الطبيعية

ولا

الولادة القيصرية

والسؤال الاهم

لماذااااااا

بالنسبة لي اشوف القيصري احسن
للاسباب التالية :

**تدشين وانتي متخدرة وعارفة متى يومج ..
**تقعدين من النوم الا الياهل ملبسينه خالص يمج
**ماكو عوار طلق وشعرج مايدهن وويهج مايعرق وصوتج مايطلع (تدرون بعد صوت المرة عورة لوووول)
**اهم شي ان اللي خبري خبركم مايتعبثون فيه ويكون مثل مااهوا ..

بالنسبة لي هذي مميزات القيصري مع ان فيها مخاطر .. بس شي اهون من شي

وانتو شرايكم

الحين هابين بموضه البنات يبون قيصريه

ليش وعلشان المميزات الي قلتيها

و السهاله تي من الله

انا جربت القيصرى بس وكنت مضطره ..

صج انه تعب وعوار ..بس فيه المميزات اللى قلتيها..

بس خوفج من الالتصاقات وتحديد عدد الحمل لانه فى ناس يحبون اليهال الوايد..

بننتظر احد جرب الاثنين يقول لنا.

صح ان في مميزات للي يخافون من الولاده

بس انا عندي الطبيعي احسن بوايد

مشكورين على المرور …

وشسالفة الالتصاقات هذي من شنو تيي .. ؟

انا بالنسبه لي ماجربت الطبيعي بس مثل وجهة نظرج احس القيصريه احسن ومثل الاسباب اللي قلتيهم

الطبيعي احسن أول شيء ليش ما تبين تحسين بالطلق تدرين انه سبحان الله كل طلقه تطلقها الحامل تنحسب في ميزان حسناتها
بعدين ألم الولادة الطبيعية بس حزة الطلق وبعد انتهاء الولادة كله يرووح اما القيصرية اذا مو شهر الالم يستمر حتى ستة اشهر في بعض

الحالات .. والبطن بعد الولادة الطبيعية ترد مثل اول اما القيصرية بصعوبة ترجع بسبب الجرح .. والعملية تسبب غازات لا تطاق للوالدة
على العموم كل وحده تنام على الجنب اللي يريحها بس انا اشوف انه حرام ليش اسوي قيصرية وانا اقدر على الطبيعي ؟؟

..,, شوفي صج القيصريه حلوه وماتحسين بشي بس سلبياتها وايد
يعني مثلا القيصريه تحدد عدد الحملات مثلا 4 مرات والبطن يتم فتره على مايروح ويزيد مع العمليات
الا اذا الوحده سوت شفط وتجميل

الولاده الطبيعيه سبحان الله تشوفين لحظه بلحظه ويكفي لما تشوفين البيبي اول مره

\

والله في حمالي الثاني الدكتور اشتبه فيني سكر حمال
وقالولي سكر الحمل اكثر الناس ممكن يولدون عمليه
اقسم بالله ان حتى وانا بالحمام القى نفسي ابجي واصرخ وادعي ربي
انا ولدت طبيعي ولاداتي اتعب من الطلق حيل شي يخليج تتمنين ملك الموت
بس يوميا اتمنى وادعي الله ان الله يكتب لي الولاده الطبيعيه طول عمري
شوفي الولاده الطبيعيه
صج تتعبين جم ساعه والحين بعد كمام وابرة ظهر وكل شي
ماكو تعب وايدبس تخلصين ولاده تقعدين 15 يوم للخياط وبعدها ولا كانج ولدتي
والكرش ترجع بظرف 6شهور
الولاده القيصريه عاد شي يفتحون بطنج امية فتحه وكل الهوا فيج ولا راح البنج صج تحسين بعوار الخياط
وماتقدرين اتدشين نادي وكرشتج اتفشل ويقولون اللي جربوها يجيج تنميل سنه كامله
لا قولي الحمد الله يارب واللي يكتبه الله فيه الخيره

وش هي مخاطر القيصري
مدري انا ماجربت للحين بجر

بس كنت اعتقد ان القيصري عمليه مثل اي عمليه بنج وبعدها تقومين على الم الجرح

مدري ياليت توضحون وش االتصاات
وانا سمعت ان القيصري تطول على مايلتم الجرح لان 7 طبقات الجلد واللي تحتها
وان لازم سنتين ماتحمل

بس هذا اللي اعرفه

وناس تقول ان القيصري 6 شهور يالله ترتاح من الالم

جاااااااااااااااااابوا ياللي مجربين

الله المستعان

انا عندي الطبيعي احسن بمليون مره

اول شي كلما تحملين و تولدين يسوونلج خياط تجميلي و تتجددين من تحت لان من الوقت يصير توسع
ثاني شي حلو احساس الطلق و الالم و بعدها يطلع البيبي احس ان فيها حكمه من رب العالمين هالشغله عشان جذي انا مابي اتخدر وقت الولاده ولا اخد مسكنات

و بعدين البنج النصفي ولا العام يسوون تعب و دوخة و ترجيع بعد ما تقومين من الولاده شي ما احبه كللللللش و انا مجربته يااااااع

الولادة الطيعية وايد ارحم تحسين بعوار الولادة بوقتها بس القيصرية عذاااااااااااااااااااااااب

لا والله القيصريه لاااااااايحوووشك من صجج انتي

يشقون بطنج وكذا طبقه يشقون لين يوصلون للرحم وبعدها تدبيس
وبعدها تعالي 5 ايام بالمستشفى وبعدها فيج خير قومي واقعدي ولا رضعي
هذا غير تنظيف الجرح الصعب واللي ممكن لو يشم يلتهب عليج وينفتح
عاد شترقعين بعمرج
حتى الترديد صعب .. والكرش تصير شكبرها بعد الولاده
ولازم تمسكين نفسج سنه كامله عن الحمل ,,,

الطبيعي ابد خياط تحميلي اسبوع ولا كل شي راد اوكي
لاتقولين يتوسع مافي شي يتوسع .. الرحم يرجع مكانه الطبيعي بعد ست شهور
والمهبل مع الاكل والصك واللك والتحاميل تردين جنج البخت