بدون زعل .العشيقة اللي سحرت زوجج وخذته منج جان صرتي اشطر منها وسحرتيه قبلها

بعض الزوجات الله ابتلاها بان زوجها له صديقة او عشيقة او زوجة اخرى
( هذا اللي شفته من خلال عملي الذي يتعلق بمشاكل الاسرة )

وايد من هالزوجات تقول :

" سحرته الله ياخذها .. بس شلون افك هالسحر منه ؟؟ "

قد تكون المرأة الاخرى في الكويت او غيرها من الدول ( خاصة دولة عربية مشهورة بسمعة السحر )

……………. لكن

انا شخصيا اكتشفت (في كثير من الحالات) شنو نوع السحر اللي استخدمته المرأة الاخرى …..

هذا السحر عبارة عن خلطة :

* اسلوب راقي
* لبس مدهش
* دلع
* انوثة
* تريح الريال من كل جانب
* دايما تقوله حاضر وان شاء الله وتامر
* اغراء

الريال تعومس وتصودن وحاشة عقر بقر … ما قط شاف منج جذي …
تعلق بدباديبها … هذا السحر اللي استخدمته الثانية ام السحور والطبوب

…….. لحظة …..

طبعا بتقولين … انها سوت جذي عشان تصيده … وهي تقص عليه … عشان يموت عليها وعشان وعشان …الخ

بسيطه ….

استعملي نفس اسلوبها …. سحريه مثل ما هي سحرته …

واخذي منه اللي تبين ….

لا تقطين كلشي على السحر ( ما ننكر ان في *** المذكور في القران .. هذاك شي ما ننكره ومو قاعدين نتكلم عنه)

يعني حضرتج لاهية بالعيال وبالبيت وناسية الريال … واذا قعد بدت المسجلة تشتغل …
عبود حايشه سهال اليوم
وسلوم زوًع فالصالة
والخدامة بنت ال …. تهاوشت وياي

وشعرج كشه …. ولابسه قميص نوم شايفه عليج 60 مره .. وكله معصبه … واذا طلب شي قلتي ما عندج وقت

وما تبينه يموت بدباديب الثانية ؟؟؟؟

((( طبعا نقصد بعض المقصرات … واكيد في رياييل عيونهم زايغه وماكو فايده منه مهما سوت له زوجته .. الله يعينها)))

والله يحرسكم ويوفقكم جميعا

وادعولي بالتوفيج

………….. وتبقى هي وجهة نظر

يا سلام انتي متاكدة انج مو متزوجة

بصراحة كله خامرة بهالقسم مادري شقصتج

هو فى نوعين من السحر

السحر المذكور بالقران وهذا شئ نؤمن فيه ومصدقينه

والسحر الثانى اللى تكلمتى عنه *** الاسلوب والمعشر والفكر والعقل والفراش وهذا مقدرو عليه وسهل لكن الاول شلون تتخلصين منه ؟؟

مدندنه اشفيج علينا ياعمري ..
لا تحطين اللوم كله عالزوجه ..
ترا الريال وانا اختج حتى لوحطيتله الشمس بأيد والقمر بأيد
مايبين في عينه ادنات شغله يزعل منها يعفس الامه فووووق تحت ..

بالعكس ترا اكو حريم يهتمون برياييلهم وبالنهايه الريال يخونها ..
واكو حريم مايسون شي لريايلهم ورياييلهم مايطالعون الا هم ..
عرفتي بس نصيحه لاتامنين الريال
ماقولج كرهيه لا بس انتبهي ..

انا امووووووووت بريالي واثق فيه واغاااار عليه
بس هم اخاف انه يلعب بذيله لوووووووووووووول ..

وجهة نظر ى انا ريلى ماسويتيلة مثل الثانية الى تقولين بس ماكو فايدة عيونها زايغة سبحان اللة لما اهجرها يصير لى حليو اعطية ريق مو حلو تلقينها يراضينى بس انا ماحب اسوى جذية دايما قلبي طيب بس مايستاهلة

نسيت اقولج حبيبتى

الف شكر على موضوووووووعج الراقى والحلو تسلم الايادى

من اللي فيني ….. لوووووول

حبيبتي .. قلتلج لان تخصصي يتعلق بالمشاكل الاسرية … يعني شايفة وسامعة بلااااااوي

يمكن اكثر بكثير من الف متزوجة (( يدي الحلق للي مالهاش ودان))

الله ييسر امري واموركم … ادعيلي بالتوفيج والصلاح يا غالية

احيانا يكون كلامج صح والمره مقصره
واحيانا لا .. وتبين الصج
مايترس عينهم شي

يا الحور …
لا والله حبيبتي مو حاطة على احد … دايما اقصدالمقصرات
اما اللي قايمه بواجباتها وحقوق زوجها الله يوفقها ويصلحنا وياها

وصح كلامج … بعض الرياييل ما يعجبه شي … متسبب

مشكوووورة على الرد

بعض الرييايل ما يترس عينهم الا التراب وبس

وقاعدين نشوف واااايد من هالنوع

صح وجهة نظرج وكلامج كله عدل بس في زوجات مايقصرون في اي شي مع الزوج وتلقينها احسن من هالعله بالحجي والدلع والغنج
وبالفراش بس هالكائن الغريب الا وهو الرجل مايشبع ووده يحس انه مرغوب بعلاقه أخرى يعني مايحس برجولته الا مع هالثانيه وفي بعضهم يحس اذا خان زوجته بطعم غريب وله متعه خاصه لانها بالحرام

ماقصرتي اختي الحبيبه

صاجه حبيبتي باللي قلتيه
وصج في رياجيل مايملى عينهم شي بس انتي تقدرين تملين عينه موشرط بلبس
بالكلام وبالاسلوب لو حتى ماينفع فيه بيجي يوم وينفع
يعطيج العافيه حبيبتي خوش موضوع

يعطيج العافية على هالموضوع و الطرح الراقي

المشكلة اذا الريال يطلع اي عذروب ابمرته الأولى عشان يحصل العطف من الثانية ( سواء عشيقة او زوجة )

و الأولى وعليه عليها تكرف من الصبح .. دوام و تطبخ له الغدا ( حضرته ما ياكل من ايد الخدامه )
و تالي تدريس اليهال و اتعشيهم و اذا بعد اتوديهم الطبيب و اتروح الجمعية .. واهو لاهي بالدواووين و طلعات مع الربع

و اذا ترس راسه من الوناسه .. رد تالي الليل يبي المره متسنعتله و قاعده تنطره!!
والله لو مكينه على هالكراف .. بطق و توقف مكانها .. اشلون المره !!

رياييل هالوقت ما يعجبهم العجب ولا الصيام ابرجب

ماقصرتى على هالنصيحه بس مثل ما قالو الخوات الرجال ما يترس عينه الا التراب وبنات الكويت مو مقصرين صايرين المره والرجال بنفس الوقت ويلبسون ويتكشخون واكبر دليل اكثر من يطلب ويشترى من مول المنتدى الكويتيات حق هالرجل وماكو فايده الكويتيه ثومه ماكوله ومذمومه وشكرااااااااااااا لج