|
|
نسمع انه بدل الشاشه راح ينزل من وقت لاخر .. ادري انه دش بشهادة الراتب بس السؤال متى ينزل الاثر الرجعي؟؟؟ وليش هالتأخير ؟
لان الميزانيه السنويه كل شهر ٤ من كل سنه اذا تعديتي هالفتره ومانزل لج اثر رجعي راح عليج
كان المفروض تراجعين وتشوفين سبب التأخير
انا راجعت وطلعت السالفه معقده وماخذيت حتى البدل
وللحين ماسويته لاعت جبدي جني أطر منهم ، انتي نطري هالشهر إذا ما نزل لج لازم تراجعينهم
ومو صحيح كلام تبطي عظم إذا لج حق تاخذينه لو بعد سنين مو لازم ينصرف بالسنة المالية نفسها
قرار شنو يعني نسوي كتاب عشان يستعجلون فيها ولا شنو؟
احنا هذي وغيرها مانزل شي
بس لو عليج مديونيه سيده يقصونها ولا ينطرون منج استئذان واحنا يطلعون روحنا
انا كنت رايحه الوزاره اعتقد شهر 4 وقال راح ينزل لكم الاثر رجعي والله العالم
لان وزارة الشئون ووزارة البلديه نزلولهم باثر رجعي بس مو الكل "لي حبتك عيني ماضامك الدهر"
وفي ناس يستحقون وللحين ما خذو
الديوان ارسل لجميع الوزارات الشروط وهذا الكلام راح يعدي عليه سنه بس التاخير من الوزارات
بالبدايه الاثر الرجعي ما يروح على اي احد حتى لو خلصنا سنه ماليه سابقه احنا قاعدين نصرف بدلات بأثر رجعي من ٢٠١١
و ثانيا التأخير اللي صار ان البدل من ٢٠١٢ و احنا بسنه ماليه جديدة فهني يتم تعلية المبلغ هذي شغله ماليه تصير بينا و بين وزارة الماليه
و من ثم يتم صرف الاثر الرجعي
و مثل ما قالت الاخت الاثر الرجعي ما ينصرف الا بكتاب يوصل من قسم العلاوات بأن تم الموافقة على صرف البدل حتى لو كان نازل بالراتب احنا ما نمشي الا على كتب لتجنب التحقيق
وايد مراجعين اييون لنا يتهاوشون و في ناس تغلط علينا حسبالها احنا اللي نوقف الامور .. اهو الامر شوي طويل و يتعلق فيه ٣ اقسام و تواقيع و على ما يوصل للروات بعدها يتعلق بوزارتين الوزارة اللي تشتغلين فيها و وزارة الماليه على حسب ان كانت بأي ميزانيه سابقه او حاليه