|
|
مصـآآفحه أولى لي معاكم .gif "Eh S(22)")
من زمآآن وانا ودي انزل لي موضوع وصار الوقت , حبيت افيد واستفيد
بما انه وقت (( معرض العطووور )) انا مقسمه تجهيزي كل شهر شي وخليت هالشهر
عطور ومكياج وملابس داخليه مع البجايم وملابس البيت , فكان هالشهر دبنهامز فافافوم فيسزز((الافنيوز)) ومعرض العطور
المكياج ولله الحمد تقريبا 89% خلصته اما العطور مااقدر لأنه كل فتره ينزل شي وشهر 3 بيفتح المعرض مره ثانيه واخاف اشتري خلطات تخترب اما العطور عادي 
ببدي بالعطور العربيه اللي كانت كلها من المعرض
مـآشــاء اللـه تبآآركـ الله
اللهم كما سخرت الريح لسليمان وكما سخرت البحر لموسى وكما سخرت جبريل لسيدنا محمد سخر لي زوجي تسخير العبد لسيده اللهم كما صرفت نساء العالمين عن يوسف اصرف نساء الكون عن زوجي اللهم اقذف حبي في قلب زوجي كما قذفت حب عائشة في قلب النبي صلى الله عليه وسلم اللهم جملني في عينه واجعله سكنا لي واجعلني سكن له واجعل بيننا مودة ورحمة انك على كل شيء قدير …
*
العربيه للعوووود
ماتوقعتهم جذي كان عندي التوب عبد الصمد القرشي بس الحين لا
صج القرشي وااو بس العربيه وااو واااو 
مسوين عروض حلوه خصوصا للبخور , بحط الاسعار للعرايس عشان يلحقون على عروضهم
مشترياتي من اليمين: ألف ليله عطر روووعه 27د.ك ,الكرتون الاسود لولو دهن عود خيآآآلي ريحته على فواكه فانيلا مو ثقيله بـ22د.ك الاربع 
, عود مميز 18د.ك ريحته قويييه تصلح لحفلات , معجون الشيوخ 18د.ك للشقـه مو طبيعي, الصندوق الاخضر عود ألفين وسبعين اتوقع هو النخبه عندهم 52د.كـ , معجون العربيه الملكي اختي تمدحه ماجربته للشقه 7وربع د.كـ , بالاخير من دار الطيب خمريه على ماي الورد مااحب الخمريات بس غصبوني وهاذي ريحتها خفيفه بـ5د.كـ
الاول الكرتون الازرق من الفودري دهن عود احسه عآآآدي بس شكل بـ8د.كـ, وبعده الغني عن التعريف عود بخور معطر ملكي عرضهم تشترين 2 تاخذين الثالث بـ 50د.كـ , مثبت بخور الباشا 17د.كـ , والصناديق واحد دهن عود مبخر التوله بـ29 وعود بخور شيوخي بـ 50 د.كـ
أول ثلاث خلطات من عنفر 2 دهن عود ووحده فردوس على 2,5 الوحده , طبعا انا ماااحب شي اسمه جنييد بس بالغصب بعد عشان خاطر اللي معاي اشتريت البنفسج , الاربع عطور من العبد المحسن لقطات حنان جوري طائفي 2,5 الواحد ومعمول حنان 5د.ك مو اكيد , زعفران عنفر ,3 تولات كمبودي سعرهم كان حلو بالنسبه لجودتهم بس للاسف مااتذكر جم اعذروني 
بدي سنتر هالمحل شنووو عجيب والله بنات بتدعولي شي خيآآآل اشتريت ثلاث اطقم الواحد على 12د.كـ
انواعهم فيوليت , ليله حب , لوتس
لوتس ريحته التوب صاير كرز على حلاو واللي جدامهم kissable oil تحطونه عالشفايف والاماكن اللي تبونها هو مخفف مايضر وصعب صعب تلقونه بفروعهم دااايم مخلص
برب بلييز لا تردون باقي شوي 
نرجع للفرنسي للحين ماخلصت عطور لأن بكل محل اقلب واروح لحبيبي الميك اب فبدل لا اشتري عطور اشتريت ميك اب وباقي عطور مااشتريتهم
من بنفت الكريم اللمعه للجسم وعطر ميبي بيبي مع اللوشن تبعه عطره من اسمه ريحة بييييييييبي , والبنفسجي موج توه نازل بس بدبنهامزبـ15 بس حلووو وعطر ايف سان لوران باغيسيان على فكره هديه سان لوران روعه جنطه فيها بودره كبيره منثوره وحمره على بيج لونها وكحل وعطر صغير
من اليمين الذهبي جولييت تقول انه ليمتد كل العرايس لااازم تشترونه يشمونه فيج من بعد مليووون متر راقي راقي راقي بمعنى الكلمه , فلورا من غوتشي , جوسي كوتور , لولو من مارك جاكوب
من اليمين اللي معاه جنطه زرقه لوي القديم مسوين عليه عرض بالفرنسي اخذته ب10 ويمه جيفنشي موطبيعي مالقيت اللوشن عطوني الكريم اثقل من اللوشن مسوين عليه خصم 20% والماركه العجيبه وفرضت نفسها كوليستار العطر الوردي للجسم والشعر والاماكن الحساسه موخيالي وشريت البودره معاه بنات موطبيعيييي حتى مكياجهم روعه بقولكم شنو اشتريت بالجزء الثاني , وعطر لوليتا وبدي لوشن بربري عليه عرض صاير بـ5 والجنطه الفضيه ملياانه هدااايه من كولستار
وااي واخيرا خلص الجزء الاول نطروا الجزء الثاني بيكون غالبه ميك اب لاتنقلون الموضوع لقسم المكياج لأنه خاص بتجهيز العرايس .gif "Eh S(7)")
اذا شفت تفاعل بكمل واحط اجزاء للميك اب والملابس والجناط والخ
بنات واللي يسلمكم ادعولي بالتوفيق
ويسعدني اكون اول وحده ارد عليج
وكملي ناطرينج يا ذوق
وبانتظار الباجي
انا اشوف عطورج واااااايد وااااااااايد ما راح تستفيدين منهم وزوجج ما راح يميز ريحتج اذا كل يوم بتحطين عطر انا اشوف 4 عطور فرنسيه كافي و3 دهن عود 2 بخور 1 عود 2 مخلط للبيت مرش
موفقه حبوبه
والله يسخرلج زوجج ..ويجملج بعينه
بس جنج مكثره عطور ..
لان الكل يقول خلج علي اربع عطور وبيكفونج ..
والعطور بسرعه الواحد يمل منهم
..
وعسى الله يسعدج ويبارك لج بحياتج الزوجيه والله يهنيكم ويسخركم لبعض ويرزقكم بالذريه الصالحه
والسامعين قولوا امين
..
ما شاء الله عليييج و عليج بالعافيه ..
و الله يسخركم لبعض ..
.
ويسخر لج زوجج
كل عطورج تهببببببببببببببل وذوقج واااو
الله يسخر زوجج لج ومايشوف غيرج
بالتوفيق ياحلوه وخنشوف الجزء الثاني
مجموعتج روعه شوقتيني اروح للمعرض